الموضوع: عايز اشترى ماروتى

اولا : ده موضوع عن الماروتي في الخباثة ههههههه
http://www.nilemotors.net/Nile/229742-a.html


ثانيا : بالنسبة التقسيط بيعتمد ع المقدم اللي حضرتك هتدفعه و عدد السنين اللي هتقسط المبلغ المتبقي و النسبة اللي بياخدها البنك

يعني مثلا هنفترض ان الماروتي 40 الف و البنك بياخد نسبةحوالي 8 في المية و انت دفعت 25 الف مقدم و هتقسط ع 5 سنين = 60 شهر يعني القسط هيكون في حدود 350-370 جنيه يعين بالتقريب الــ15 الف اللي اخدتهم من البنك بترجعهم حوالي 20-21 الف
ده مجرد مثل للتوضيح
طبعا كل ما المقدم زاد كل ما القسط بيقل و كل ما المقدم قل كل ما القسط زاد

و عشان تبقي عارف لما بتقسط و مش بيكون فيه وديعة ضمان او اي ظرف اخر
بيكون فيه حظر ع بيع العربية و بيبقي مكتوب في الرخصة حظر بيع باللون الاحمر و عشان ترخص العربية بترخص سنة واحدة و لازم تاخد جواب من البنك و هكذا كل سنة طبعا بالاضافة للتأمين في اي شركة من شركات التأمين
و ع ما اعتقد ان بنك كريدي اجريكول اقل نسبة في البنوك


فيه فكرة تانية لو مش عايز تدخل نفسك في قصة البنوك و الاقساط
يا اما تشوف معرض من المعارض اللي بتقسط منك ليهم عالطول و بتبقي مبلغ قليل و بياخد ضمانات عليك ع حسب شيكات او ايصالات

يا اما تقترض من قريب او صديق ليك المبلغ المتبقي و بعدين تقسطه ليه في اسرع وقت
منها مش شخص غريب و منها مش هيبقي فيه فوائد عليك و تبقي اجتنبت موضوع فوايد البنك و التأمين الاجباري و الترخيص باذنهم ...ألخ...ألخ

بالتوفيق ان شاء الله