الموضوع: اوبل فيكترا

المشاركة الأصلية كتبت بواسطة meller

السلام عليكما

انا بفكر اشتري عربية اوبل فيكترا موديل 1994 او 1996 اوتوماتيك يعني 2000 سي سي بس عايز حضرتكوا تقولولي اية رايكم في العربية وبالنسبة للترخيص هيكون ازاي ولما اشتري العربية اخد بالي من اية علشان اشتري عربية سليمة وما يضحكش عليا

اية يا رجاله الاوبل محدش عايز يرد عليا ويفيدني

المشاركة الأصلية كتبت بواسطة ashrafnoby

'طبعا خد حد كويس وامين وبيكون بيفهم فى العربيه لان لو جبت عربيه وحشه هتصرف عليها كتيييير جدا انا من راى لو عجبتك عربيه روح بيها لمقار واكشف عليها احسن وربنا يكرمك بعربيه كويسه ولو ربنا كرمك فى عربيه كويسه تبقى توقلنا وجبتها بكام كمان

الله يخليك ياباشا بس هس عند مقار الكشف تقريبا بكام

المشاركة الأصلية كتبت بواسطة sim

بص يابرنس
1-تكييف لازم يكون شغال
2-اوايم وحوض وشنطه فابريكه مايكونش فيهم نقطه بوهيه والعتب نفس الموضوع
3-الموتور (صوته ناعم يعنى مافيش نقره-مافيش دخنه ويفضل تكشف علي كبسه)
4-الفتيس(مايكونش فيه تسريب زيت-اوفر درايف شغال-مايكونش فيه ونه ويكون ناعم-اول ماتحط الفتيس على الd -rتتحرك علطول بس ماتكونش ناتشه فى السحبه- وال 123 جربهم برده)
5-ضفيرة كهرباء مايكونش ملعوب فيها(افتح علبة الفيوزات تحت الدريكسيون شمال لو فيها حاجه سايحه ممكن ممكن يكون كان فيه مشكله-عداد البنزين شغال العوامه ب 450 جنيه-امبير حراره وسرعه و rpm شغالين وركز على ال rpm يكون ثابت فى السلانسيه على قبل ال واحد بنص لو غير كده هايبقى فيه مشاكل كتير اوى)
6- حرارة الموتور تكون اقصاها فى عز الحر بعد التسعين بملى لو بعد كده هاتدخل فى ترموستات ووش سلندلر وحاجات كده)
7-ياريت ترفعها ف بنزينه وتبص على العربيه من تحت لو فيه لحامات وبص على التانك والعفشه)
8- الفرامل تكون قويه والمعروف ان فرامل الاوتوماتيك اقوى فرامل علشان على سكاكين وتكون متوزعه على الاربع عجلات
9 -الصالون يكون سليم التابلوه مايكونش متكسر ولا مشرخ ولا متغير هو غالبا لونه اسود
نصيحه الاوبل عربيه مالهاش حل بالزات الاوتوماتيك عربيه ركوبه وثبات ورحابه مالهومش حل
المشكله قطع الغيار ماليه الدنيا بس غاليه شويه مقارنة بالكورى بس معمره جدا
واعادة البيع لو عربيه فيها مشكله هاتتعب اوى على ماتبيعها لو سليمه وركز على التكييف هاتتخطف منك
وربنا يقدم اللى فيه الخير

ياباشا جزاك الله خيرا علي المعلومات المفيدة دية بس انا قبل كدة كنت جايب عربية اكسيل ورفعتها في البنزينة قيبل ما اشتريها والمهندس الا هناك قالي ان الموتور 75% وماكملش معايا 6 شهور وعمر