بخصوص صيانه 307

**venzo** · 09-10-2011 01:38 PM

السلام عليكم

انا الحمد لله اشتريت 307 Xt 2006 عامله 38000 كيلو كنت عاوز اعرف بقي المفروض عليا اعملو دلوقتي اروح التوكيل واغير زيت وفلاتر ولا اعمل ايه ؟ مع العلم ان في زي علامه مفتاح بتظهر في شاشه الكيلومترات ومش فاهم سببها ان معاد الصيانه قرب مثلا ولا ايه ؟ ولو حد يعرف تكلفه الصيانه العاديه دي كام ياريت يقولي

**maclaren722** · 12-10-2011 07:31 AM

ازيك ياvenzo اولا الف مبروك على العربية وربنا يباركلك فيها ويكفيك شرها وثانيا العربية دى فيها حاجة لازم تاخد بالك منها لو صونتها كويس هتريحك وهتمشى معاك زى الساعة ولو اهملتها وماصرفتش عليها واستخسرت فيها هتبهدلك اول حاجة لازم تعملها لازم تغيرها زيت واحد بس وهتحس بفرق جامد ف صوت العربية وهو توتال سواء كان توتال 5000كم او 10000كم وتغيير فلتر الزيت كل تغييرتين زيت وتشيك على سير الكاتينة وسير الدينامو واهم حاجة محدش يشتغل فيها وخلاص لازم يكون حد فاهم فيها كويس علشان العربية دى كلها كمبيوتر وكهربتها معقدة ع الاخر وتكون حنين عليها ف المطبات ولمايظهر فيها عيب ماتسكتش عليه علشان مايكبرش وتفتح وانا اعرف كام ميكانيكى كويس بيشتغلوا فيها لواحتجت اى حاجة وطول مابتحافظ على صيانتها هتاخد منها احلى اداء بجد لانها عربية تحفة وكفائتها تعادل العربيات الالمانى وبخصوص علامة المفتاح ممكن تتشال بانك تدوس على الزرار اللى عند عداد الكم تحمل ايدك عليه لمدة وهتلاقية بيجيب ارقام ف عد تنازلى وبعد كده هيتصفر العداد الصغير وتتشال العلامة باذن الله واى استفسار انا تحت امرك واسف ع الاطالة