مشكلة فى الفيستا

**kempel** · 10-10-2011 11:05 AM

عندى مشكلة فى الفيستا رجرجة فى العربية على النقلة التانية والتالتة ماجربتش سرعات أكتر
الرجرجة او الهزة ديه تحس بيها زى مايكون هناك دربكة تحت رجلك وهى مش كاوتش علشان لما بمور بتخف أوى ممكن تكون ايه هل قاعدة الفتيس تحت البطارية ولا كوبلن داخلى ولا بارات دريكسيون وبالمرة كنت مره بظبط زوايا لقيت الراجل بيقولى العجلة اليمين عايزة تتقدم علشان مأخرة ده الكلام ده من فترة وخفت أروح لحداد يبوظها خصوصا ان العربية مابتحدفشى وساعات وانا طالع على النقلة اسمع صوت تكة ولو الموضوع ده كوبلن داخلى اجيبه جديد ولا استيراد والشغل ده يتعمل عند ميكانيكى فورد ولا واحد بتاع عفشة حد عنده خبرة فى الحاجات ديه أفيدونى جزاكم الله كل خير

**meda2711** · 10-10-2011 02:07 PM

حكاية وانت طالع تسمع تكة دى ممكن يكون من المقص
لان نفس الحكاية كانت بتحصلى والعيب كان من المقص
روح لعفشجى كويس يبصلك على العفشة وهو هيشوف العيب منين

**tatooo2005** · 12-10-2011 07:39 PM

انا عندى نفس اللى بتحس بيه ده ... وبعد مداولات ولف كتير .. اكتشفت ان ده بيحصل من طقم الدبرياش ... وده اللى اكدهولى حمدى فورد ...
بس لسه مغيرتوش .. مستنى شويه كده وهغيره ان شاء الله ..
انا كنت شكيت فى الكوبلن الداخلى وعملت شيك على كل حاجه فى العفشه وكمان القواعد مكنتش المشكله منها ...