ركبت كلاكس fiamm بس عندي مشكلة

**Eng.Mina** · 10-10-2011 11:27 AM

أنا ركبت كلاكس fiamm بدل ال hella لأني سمعت إن صوته عالي وجبته من بورسعيد ب90 جنيه صناعة أمريكي وركبت عليه كتاوت horn relay بس المشكلة إن الصوت وحش جدا الفردتين مقربين جدا من بعض والصوت عامل زي كلاكس التوكتوك (فيه رنة ومسرسع ) أنا كنت مركب ال hella قبله من غير كتاوت والصوت كان أشيك بكتير يا تري الكتاوت هي السبب ولا إيه ؟

**man_66666661** · 10-10-2011 12:31 PM

بص يا باشا الموضوع ملوش علاقه بالكتاوت بالعكس الكتاوت بيزيد الصوت انت ابعد الفردتين عن بعض هتسمع صوت حلو ان شاء الله

**Eng.Mina** · 10-10-2011 12:44 PM

المشاركة الأصلية كتبت بواسطة man_66666661

بص يا باشا الموضوع ملوش علاقه بالكتاوت بالعكس الكتاوت بيزيد الصوت انت ابعد الفردتين عن بعض هتسمع صوت حلو ان شاء الله

أنا عملت كل الأوضاع الممكنة بس برده الصوت مش عاجبني هو في واحد قاللي ان ممكن علشان الكلاكس ال fiamm الظهر بتاعه معدن فلو لمس الصاج ممكن يدي الرنة اللي أنا بسمعها عموما حبص تاني عليهم وأشوف

**mahmoud_afifi** · 10-10-2011 11:39 PM

انا مركب فيام امريكي برضه وصوته شيك جدا ما شاء الله.
شوف كده مكان الكلاكس فين بالظبط يمكن يكون زانق في الشبكه الي قدام او على حسب مكانه.
وجرب تدي كلاكس من غير ما تثبته على العربيه عشان تشوف صوت الرنه او السرسعه ده منين يمكن عيب كلاكس !

**yoko** · 10-10-2011 11:44 PM

غريبه أنا عندي فله بس أنا مركب فرده واحده بس
وهو بيجي معاه ذراع ركب عليه عشان ميبقاش أي حاجة مأثرة عليه

**biomedo** · 11-10-2011 10:28 PM

المشاركة الأصلية كتبت بواسطة eng.mina

أنا جربت تاني دلوقتي الصوت من بره وانت واقف قدام العربية كويس لكن وانت جوه العربية زي الزفت كمان الكلاكس بيفصل لما العربية بتبطل وأول ما أدورها يشتغل عادي أعتقد كده إن في مشكلة في التركيب مش كده ؟؟؟
أنا ححاول يوم الجمعة ان شاء الله أروح أرابكوم يظبطوه

نضف الارضي اللي واصل للكلاكس
الارض متاخد من صاموله راكبه على جسم العربيه فكها و نضفها و نضف تحتها و جرب

**magyver** · 12-10-2011 07:29 AM

هتلاقي بس الكلاكس مزمم في جسم العربية
بالنسبة انك تبطل متزمرشي عادي هتلاقي الكهربائي هو اللي عامل كدة
الكلاكس مع الكونتااااااااااك

**Eng.Mina** · 12-10-2011 10:34 AM

أنا ححاول فيه تاني إن شاء الله بس لازم أرجع للكهربائي الغبي اللي ركبه لأنه المفروض يسألني إذا كنت حاوافق علي إن الكلاكس يفصل مع الكونتاك ولا لأ ؟؟؟ أنا دلوقتي شايف إن الفرق بين الكلاكس الفيام وبين كلاكس الفابريقة والكلاكس الهيلا اللي أنا كنت مركبه إن الفيام ضهره معدن والإتنين التانيين ضهرهم بلاستيك زي الوش بتاعهم ياتري ده ممكن اللي يكون عامل فرق الصوت بين جوه العربية وبره العربية ؟؟؟؟؟ وياريت اللي مركبينه يقولولي إذا كان الصوت عندهم جوه زي بره ولا في فرق ؟؟؟ لأن الكلاكسات اللي أنا مجربها قبل كده الصوت جوه وبره العربية واحد

-

-

الموضوع: ركبت كلاكس fiamm بس عندي مشكلة

LinkBack

أدوات الموضوع

عرض

ركبت كلاكس fiamm بس عندي مشكلة - انشر الموضوع فى :

-

-

-

-

-

المواضيع المتشابهه

الحمد لله ركبت كلاكس بدل القديم اللي يكسف

مشكلة في كلاكس البرسونا

ركبت كلاكس hella انهارده

اجيب كلاكس فيام Fiamm الاصلي منين ؟

مشكلة فى كلاكس الصنى

الكلمات الدلالية لهذا الموضوع

المفضلات

المفضلات

ضوابط المشاركة