الموضوع: التصرف فى الحالات الطارئة

لو ما اتحلش ياريت مايقولش :)

انا عن نفسى كنت ماشى على 180 - 190 كم/س وكان قدامى عربية نقل كبيرة وراها عربيه نص نقل وكانوا على الشمال (مش عارف ليه النقل بيحب يمشى على الشمال, تقريبا عشان يتمردوا على القانون وخلاص) المهم مسكت يمين من بدرى على غير العادة ( بحب اقرب من اللى قدامى اوى بعد كده اخد الجهة التانية عشان يشوفنى فى المرايه ويعرف انى جاى بسرعه وهعديه) فا واضح انه كان سواق غشيم كاغلبية سواقين الاجره والنقل هنا فى مصر مجرد ما قربت منهم لاقيته دخل معايا يمين
بقينا احنا التلاته جنب بعض طبعا انا ايدى على الكلاكس ورجلى على الفرامل وظبط نفسى على حته يادوب تاخد العربيه من غير ما انزل على الرمل عشان لو العجل لمس الرمل مع الفرامل كنت بقيت فى عالم تانى خالص
بس اللى ساعدنى جدا فى الموضوع ده ال Abs لولاه مكنتش عرفت اتحكم فى العربيه على السرعه دى وبالفرامل الجامده دى

اللى يغيظك بقى بعد ما الموضوع عدى يقولك معلش ما كنش قصدى :(
يعنى تموتنى وتقولى ما كنش قصدى

ربنا يرحمنا ويسترها معانا