بورشة مجمعة محليا فى مصر

**معاذ الشرباصى** · 11-06-2007 06:56 AM

الخبر ده كان ممكن فعلا يتحقق

حيث ان وكيل بورشة فى مصر الشركة الهندسية للسيارات SMG حاولوا فعلا اقناع مسئولى الشركة بتجميع السيارة فى مصر فى نفس مصنع تجميع السانج يونج موسو

و بالفعل قام وفد من الشركة بزيارة المصنع, و رفضوا الفكرة لتواضع امكانيات المصنع, و عدم توافر ايدى عاملة على كفائة عالية

كان الاتفاق المبدئى ينص على 500 سيارة سنويا, بس مش فاكر بالظبط انهى موديل بس هو يا اما الكاريرا يا اما البوكستر :) .

هذا الخبر من مصدر داخل الشركة الهندسية للسيارات وكيل بورشة (كانوا مكتمين على الخبر)

**TAG_Turbo0** · 11-06-2007 07:09 AM

صعب شويه الموضوع ده
أكيد خط انتاج الموسو مش زى خط إنتاج البورشة حتى لو كانت بوكستر

**hazem_khidr** · 11-06-2007 07:25 AM

صعب اوي ان بورش تعمل حاجه زي دي و خصوصا انها مش بتنتج اي عربيه خارج المانيا اطلاقا بالرغم من ارنفاع تكاليف الانتاج و الاجور هناك...غير كده حتي لو 500 عربيه سنويا مش حتعرف تصرفهم يعني تمنا برضه مش حيقل باي حال عن النص مليون و عربيه سبور مش عائليه كمان يعني مش اي حد حيشتريها يعني مثلا ممكن تلاقي واحد جايب مرسيدس عيون و جنبها اي عربيه كوري او ياباني مثلا لكن اللي حيشتري دي لازم يكون عنده عربيه سيدان فخمه و عربيه تالته للمشاوير البيت يعني فئه في المجتمع مش تزيد عن ال 5% باي حال من الاحوال و اللي بيشتري النوعيه دي بيحتفظ بيها لزمن مش بيبيع و يشتري كل سنه و عموما الواحد يتمني حاجه زي كده ليه لاء بس صعب ان لم يكن مستحيل

**معاذ الشرباصى** · 11-06-2007 07:48 AM

انا بقول لكم ان فعلا وفد من عندهم زار المصنع و رفض

و اكيد كان ممكن يبقى الغرض, انتاج و تسويق السيارة للمنطقة عموما اكيد مش مصر يعنى

انا بس اللى كتبته فى الاول هو المعلومات اللى عندى, و الى هى مؤكدة

كون انها صعبة او بورشة مش ممكن تعمل كده, دى مش تبعى :)

**محمد المصرى** · 11-06-2007 09:41 AM

الشركة الهندسية دخ من اسوء الشركات فى التعامل وكانت عاملة مشاكل كتير فى العربية الموسو واسوء توكيل

**sab3aawy** · 11-06-2007 09:53 AM

بتخيل منظر واحد رايح يبيع عربية بورشة مستعملة ورايح المرور يجيبلها شهادة تصنيع محلى علشان خاطر يستفيد بالتخفيض على رسوم السيارات المصنعة محليا فى الشهر العقارى :lol: :lol: :lol: :lol:

ولسة ياما نشوف