الموضوع: استشارة بخصوص المدارس الانترناشيونال .. ممكن حد يساعدني ؟

المشاركة الأصلية كتبت بواسطة m.mosaad

غتدي سؤال هل الولد بيحس بفرق بينه و بين زمايله لان مهما كانت المدارس الناشيونال كويسة المدرسين الانحليزي بتاعهم سيء جدا و نطقهم صعب اوي و دي حاجة لاحظتها في مدارس كتير منهم مدرسة بنتي و نفسيتي تعبانه جدا من الموضوع دة هي لسه في كي جي وان بس حاسس ان برمي الفلوس في الارض فهل فعلا الافضل تكمل ناشيونال لحد اعدادي و تحول بعد كدة و هل لقيت صعوبات في مستوي اللغه او التعليم هو اكيد في فرق بس هل في صعوبات و كمان هل النقل سهل و بيتم ازاي

اعذرني اسئله كتير بس انا فعلا مصدوم في مستوي المدارس و حاسس اني بظلم بنتي

المدارس اللغات للأسف بقت اسما بس والكتب بتاعتها لغات
بس للاسف المدارس اللي مصاريفها متوسطة بتجيب مدرسين نص نص عشان مرتباتهم بسيطة
ومش مهم بأة العيال
وكل واحد وحظه في المدرس بتاعه
يعني انا ابني كان حظه كويس شوية كان عنده مدرسة كويسة قعدت معاه من الكي جي لحد سنة خامسة اسسته وكانت ممتازة
بنتي بأة حظها كان نيلة بيتغير عليها في السنة الواحد كام مدرسة وكلهم اوحش من بعض
كانت بتكره الانجليزي جدا لحد ما جبتلها مدرس كويس ربنا يبارك له ضبطلها الدنيا
صديقتي نقلت اولادها وكانوا في سنة رابعة وسادسة وتانية اعدادي
تعبوا شوية في الاول بس هما ماشاء الله عليهم وعلى مامتهم
اخر السنة كانت نتائجهم ممتازة
وبقوا احسن من اللي فيها من كي جي

ك مستوى تعليم و الطال يبقى فاهم يبقى الشهادات المعادلة 100% و اختيار صح وربنا يوفقو بس لازم يتحط ف الاعتبار
1- مستوى اللغة

2.- هل مخ الطالب حفظ ولا فهم

3- فلوس الدروس مختلفة يعنى ف ال o.l الحصة ب 50 ج
A.S&ِِِA2 الحصة 60
و فى مدرس بتاع IT بياخد 980 ف الشهر لو AS& A2 مع بعض و لو O.l بياخد 500

- حيبقى فرفور بمعنى يكتلم eng lang كويس جداا و بيتعامل بشياكة و احترام و ده مش بينفع ف الكليات اللىيروح المدرج 8 الصبح يتخض

+ ان اللغة بتاعت الدكاترة و المعيدين zngalizy لا عربى ولا انجليزى

- و لازم يخنار مدرسين البرايفت ب حكمة
و ارخص مدارس انترناشيونال ف المعاهد القومية

المشاركة الأصلية كتبت بواسطة عزيز محمد

هوه أنا هودي انترناشيونال وكمان أدي الأولاد دروس خصوصية، أومال المدرسة بتاخد الآلاف المؤلفة دي ليه؟ مش علشان بيعلموهم كويس كما هو مفترض

يا عزيز باشا حفهم حضرتك النظام اية

المصاريف قسمين قسم للمدرسة و قسم للجامعة اللى برة ف لتكن كامبردج مثلا

دلوقتى انت عاوز تاخد ICT و المدرسة م بتفتحش فصل لاقل من 5 طلاب ف بتدفع فلوس registration ل جامعة كامبردج مثلا و مصاريف المدرسة متتدفعهاش لانك كدة كدة مفيش مدرس و ابنك بياخد برة مع مدرس تانى

انما مثلا فاتحين فصل mathematics و ابن حضرتك م بيفهمش من المدرس ده ( ف الاكاديمية مثلا قدامك بتاع 4 مدرسين تختار اللى بتفهم منو و تحضرلو ) انما ف غيرها بتدفع مصاريف المدرسة و ابنك ياخد برايفت برة .

عشان كدة انا برشح المدارس القومية لان النظام ده بيطبق فيها + ان مصاريفها ارخص من future او pioneers :)

المشاركة الأصلية كتبت بواسطة عزيز محمد

مع جزيل الشكر ليك يا أستاذ m.alaa92 أنا مش قادر برضه أستوعب الصورة الكاملة، ومشكور على تعبك لكن اللي استفدته من الموضوع إنه قد يكون الأفيد - ماديا ليا على الأقل - أستمر في مدارس اللغات العادية وابقى أنقل على بداية الثانوية مثلا لمدارس انترناشيونال

+1111
تمام اوى بس لازم من دلوقتى تجهزهم بتقوية الانجليزى عندهم عشان ميحسوش بطفرة ف اللغة اما يدخلوها
و اية اللى مش فاهمو انا افهمو لحضرتك واحدة واحدة مفيهاش اى حاجة المهم اننا نفيد بعض