المشاركة الأصلية كتبت بواسطة ainshouka
حسب فهمى للمدارس الانترناشونال انها للاسر اللى مش بتستقر فى بلد واحدة وممكن تتنقل من بلد للتانيةفعلشان الاطفال يقدروا يكملوا تعليمهم مظبوط من بلد للتانية بيروحوا للمدارس دى عشان ميضطروش يعيدوا سنة او كده من بلد للتانية
او تكون للاسر اللى ناوية تسفر ولادها يكملوا تعليمهم بره فى الجامعات فالانترناشيونال حتكون مناسبة ليهم
لكن غير كده مظنش ان لها اى فايدة لانهم فى نهاية المطاف حيخشوا جامعات حكومية فمش حتفرق ساعتها اى حاجة
ودا راى اللى سمعته من ناس بس برضه انتظرى باقى الاعضاء يفيدوكى فى الموضوع دا
زي ما قال الاخوة
مش الناس اللي بتسافر برة بس
بس الناس اللي عاوزة مستوى لغة عالي
المشاركة الأصلية كتبت بواسطة aif
لا ياباشا
المدارس الدولية بتدي شهادة دولية معترف بيها
وشتان الفرق بين الدولية واللغات الخاصة والتجريبي والحكومة
كل حاجة مستوي مختلف
وبعدين الثانوية الدولية لها تنسيق مستقل مش مع تنسيق العادي
والخريج من مدارس لغات دولية بيبقى حاجة تانية سواء في اللغة او اسلوب التعليم
.....
لصاحبة الموضوع انا اعرف ان سانت فاتيما لغات في مدينة نصر مستواها ممتاز
سمعت عن سانت فاتيما بس هل عندك فكرة عن مصروفاتها ؟
المشاركة الأصلية كتبت بواسطة ahmed.ali
الكلمه دي مستحيل تلاقيها ابدا مدام انترناشونال يبقي المبلغ للطفل غالبا هيعدي الـ20 الف في السنه مرتاح
طبعا تعليم ممتاز و هيفرق في سوق العمل بس معتقدش ان طالب خريج انترناشونال ينفع يستحمل كله حكومي فتعملي حسابك في guc او auc و دي حسبه مختلفه تماما
سمعت ان في بعض المدارس تحت المبلغ دة
بس كله بيتعايش مع الجامعات الحكومية
وهيا مش بالسوء دة مستواها مش وحش
بس في فرق انه يبقى خريج كلية التجارة مثلا وخريج انترناشيونال
او خريج تجارة و مدرسة سيدي عبد السلام المشتركة(معلش اقتبست اسم المدرسة بتاعتك )
بس نا اقدر اضغط نفسي وادخله انترناشيونال بس مقدرش على الجامعة الالمانية والامريكية
حتى الجامعات الحكومة كلها بقى فيها اقسام لغة وبفلوس اكتر للي عاوز مستوى احسن
المشاركة الأصلية كتبت بواسطة aif
الانترناشيونال اشهرهم الشهادة البريطانية والانجليزية
بيبقى الدراسة والامتحان موحد في العالم كله والامتحان بيبقى بدعم من السفارة والنتيجة بتطلع من السفارة
والتنسيق في مصر بيبقى بعد التنسيق العادي لأن ظهور النتيجة وتوثيقها من السفارة بياخد وقت ولهم نسبة معينة في الكليات وكمان درجات النتيجة لها طريقة حساب خاصة ومش بالمجموع ... كل مادة بتكون بالتقدير abc وهكذا
يعني م الآخر ..... كأنه بيتعلم في اوكسفورد مش في مدرسة سيدي عبد السلام المشتركة
اما اللغات العادية اللي في مصر فدي بتدي منهج مصري بالانجليزية .... لكن بنفس الجهل والتخلف بتاع التعليم المصري ..... لكن من الشمال لليمين
انا بدأت افكر في الاتجاه دة عشان اهرب من الثانوية العامة المميتة
وبعدين بيبقى في اختيار للمواد وفي امكانية اعادة الامتحان لتحسين المجموع
بالاضافة الى اللغة اللي بتبقى مختلفة خالص
باحاول بقدر استطاعتي اني ارحم ابني من وقوفه في طوابير الوظائف
ويكون عنده ميزة تساعده
الغيب علمه عند الله لكن ادينا بنحاول نعمل اللي علينا
المفضلات