اه ضريبة بيع العربيه لشركة التأمين واي محامي يقدر يحدد لحضرتك هتكون كام حسب قيمة التعويض
عرض للطباعة
علي فكره عربيتك دي ترجع زيرو ب 23 الف جنيه بس بس بس
فين ياباشا اسئل في بورسعيد هتلاقي اقل بنسبه 40%
ونصيحه اخري انا زيك في كل حاجه نفس العربيه ونفس كل حاجه حتي العرض اللي عرضتوا عليا الشركه
بس انا الخبطه اقل كتير الحمدلله
في واحد قريبي شغال في شركه تامين قالي حقك 40% تصليح ده قانون عام لو قالك 39% ارفع قضيه ومضمونه 100%
وقالي هاخد قيمه الوثيقه بالكامل وانا هرفع قضيه بس المشكله هتاخد سنتين
انا عن نفسي هستني
الاسعار دى من الحرفيين ....انا سألت واحد فى بورسعيد قالى مش موجوده كتير علشان بيطلعوا العربيه مره واحده .. مش عارف بقى الكلام ده صح ولا لأ .... هل حضرتك سألت عند حد ؟
وحضرتك مأمن مع شركة ايه ؟
ومعلش هتعبك معايا .. ال 40 % دون قانون عام يعنى ايه ؟ 40 من تمن المبلغ اللى انا مأمن بيه ؟
علشان انا الوثيقه اللى معايا بتنجان خالص مفيهاش شروط خالص غير كام شرط كده عبط جدا بتوع الايرباج وكام واحد تانى كده مش فاكرهم
يعنى المفروض الواحد يتعامل على اساس الشروط اللى كاتبنها ..
بص ياباشا انا مامن ب 117 الف كيا سيراتو هاي لاين 2011 فتيس قديم
قانون التامين عام علي كل الشركات كل اللي الشركات بتختلف بيه عن بعض هو المميزات
مثلا في شركات بتشيل ثمن الونش وفي شركات بتديك عربيه بديله زي اليانز
وسعر الفائده ده مش عام ده حسب الشركه
لاكن انا مامن ب 117 الف ليا فيهم 40% تصليح قالي هديك 30الف جنيه تصليح في اي حته
طبعا قليل جدا لان العربيه هتتكلف 40 في التوكيل
دخلنا وشدينا معاهم جامد وفي الاخر وصلنا اننا نرفع قضيه
وهناخد ال 117 كاملين بس بعد سنتين
واحنا هنصلحها وامرنا لله ونستني لان القضيه من القضايا المضمونه 100%
لا حول ولا قوة الا بالله العلى العظيم
ربنا يصبرك ويعوضك عنها خير وحسبى الله ونعم الوكيل فى اللى بيعملوا كده بعرق وشقاء الناس ايا كانت الدوافع والظروف !!!
لا حول ولا قوه إلا بالله
ربنا يعوض عليكم بالحلال ياوائل
لسه شايف الموضوع دلوقتى