نفسي سواقين الميكروباصات يبقوا رجالة

انا شغال في شركة من حوالي 7 سنين مقرها الرئيسي في الدقي عند ميدان الجلاء وتقريبا يوميا بروح هذا الفرع مرة بالعربية ومرة بالميكروباص
ودائما كما تعودت وكالعرف السائد ان الميكروباص يا اما يروح التحرير يا أما في اوقاات الذروة يكتفي بالدقي (ميكروباص فيصل - تحرير) وايضا العرف السائد ان الدقي تنتهي عند ميدان الجلاء
وبالتالي لما بركب يا أما بقوله جلاء يا أما بقوله دقي يا أما هو الي بينادي دقي وعلي هذا بركب الميكروباص دون ان اكترث بنهاية رحلته

النهاردة ولأسباب أمنية في ميدان التحرير ، تحديدا ماسبيرو والأحداث الجارية هناك لم اجد ميكروباص واحد يوحد ربنا رايح تحرير
وبالتالي كان الحل البديل امامي اني اتوجه الي المريوطية واركب الميكروباصات المتجهة الي الكوبري الخشب (مقار) واركب تاني من هناك اي حاجة رايحة الدقي (رايحة فين ؟ الدقي)
وبالفعل لحسن حظي بمجرد نزولي من الميكروباص الأول وجدت ميكروباص اخر
قولتله دقي قالي دقي
قفزت مسرعا داخله وكان عدد الركاب لحظة ركوبي 3 ركاب - شاب بالكنبة الخلفية ورجل اخر وبنت محجبة مؤدبة وجميلة قاعدة في الكرسي الأمامي بجوار السائق
نزل اول راجل وبعده الشاب وتبقي انا والفتاة
البنت عند ميدان الدقي بالظبط قالتله نزلني مستشفي 6 اكتوبر
بعدها بلحظات لقيت السائق الجميل بيقولي يا باشا انت نازل فين ؟
قولتله نازل الجلاء
قالي احنا اخرنا ملف السينما (تقريبا اتكسف يقولي مستشفي 6 اكتوبر)
قولتله يا اسطي مين قال كدة
قالي ما انا قايلك قبل ما تركب اني رايح الدقي
قولتله وهو ميدان الجلاء دة فين ؟؟ مش في الدقي ؟
قالي لاااا ميدان الجلاء في الشيراتون (اي كلام فأي حاجة)
قوتله يا اسطي طول عمرنا بنركب دقي لحد الجلاء
قالي لا ياباشا
قولتله نزلني هنا مش عايز اركب معاك
قالي يا باشا استني وانزل الأخر (يقصد مستشفي 6 اكتوبر - قصدي ملف السينما)
قولتله لا انا هنزل هنا ومش عايز اركب معاك انتوا هتذلونا نزلني وروحت فاتح الباب وناطط بالظبط عند السبكي

انت تفسر دة بأيه ؟؟؟؟؟؟؟؟؟؟

يعني انت يا اسطي يا راجل يا محترم أخر رحلتك مكان ما هتنزل البنت الي جامبك (لا اقصد تماما اانه علي اي علاقة بهذه البنت فهي راكبة عادية ومؤدبة ولكن عيبها الوحيد انها جميلة)

انا دلوقتي بقالي حوالي شهرين بسبب حادث عربيتي بركب ميكروباصات واكتشفت اكتشافات خطيرة في سلوكيات وانماط سواقين الميكروباصات

1- يعمل حركة واطية زي الي حصلتلي النهاردة ويقرر نهاية خطه مع نزول اخر فتاة من الميكروباص
2- مايرضاش يفتح الباب الأمامي بتاع الكرسي الي جامبه لأي حد ويسيبه للأخر لعل وعسي بنت جميلة تركب بجواره (علي اساس انه مصطفي شعبان)
3- ودي قليلة شوية انه اساسا مايرضاش يقف غير للبنات وقليلا جدا من الرجال لا يتعدوا 3 او 4 رجالة
4- يستهين بالركاب لو عددهم اقل من 4 وينزلهم عشان يلف ويرجع تاني واحيانا يديلهم اجرتهم ويقولهم اركبوا انتوا
5-
6-
7-

اكمل الفراغ في الجمل السابقة

نفسي سواقين الميكروباصات يبقوا رجالة

والله المستعان
،
،

95 % سواقين الميكروباظ من احط الفئات في المجتمع
أغلبهم شمام و مش متعلمين و مش محترمين

ده ناتج عن عوامل كتيرة
اهمها الفوضى في المواصلات العامة في مصر و قوانين المرور و اصدار التراخيص الخاصة بالقيادة

ليه حق يعمل حق يعمل كدة مهو ماشي بمزاجو طالما مفيش حاجه تحدد خط سيرو و تعقبو لو اخل بيه
ربنا يهديهم و يكفينا شرهم

مش عارفة اقولك أية لأنهم دايما بيزاولونى و أنا ماشيه و بيكسروا عليا كتير جدا دا غير الكلاكسات بس مجربتش أركب بصراحه قبل كدة عشان أحكم على المشروع من جوة التعامل فيه بيكون عامل أزاى

بس أنا عايزة أقول حاجة أهم
أنت نزلت و خليته مع البنت مش دة برضة غلط !!!؟
أنت مفكرتش فى الموضوع دة ازاى طلاما أنت كدة كدة مكمل معاه ولا هترجع ولا هتخسر حاجة لو نزلت بعد هيا مانزلت بدل ماتتخطف

ده حلم الا من رحم ربى

انت لو اسمعلاوى ماكنش اتعمل فيك كدة :)

:) طول عمرهم كدة ... انا الحركة دى بتتعمل فيا من ايام ثانوية عامة (98)
ربنا يجازيهم على اد اعمالهم.

الأمراض المستعصية الحل الوحيد لها هو التخلص من الورم لأن معالجته بتكون صعبة و تقريبا في 99 % من الحالات بتكون مستحيلة .

و أحنا عندنا في مصر أمراض مستعصية كتيرة
و مثال لها سواقين الميكروباظ
يجب التخلص منهم تدريجيا و أستبدالهم بنظام القطارات (يأخذ عدد كبير من الركاب - سريع لا يُعطل المرور لا يوجد تقاطعات - مُنظم و يقف في محطات بعكس المدعوقين سواقين الميكروباظ )

بالمثل الشرطة في مصر
كل ما هو تحت الظابط فهو غير متعلم (مش بتكلم عن الشهادة المزورة بتاعة التعليم المتوسط في مصر ) و لذلك تطبيق القانون تم تركه في ايدي مجموعة من الغير فاهمين الغير واعيين و تقريبا منعدمي الضمير
و نأتي للظباط (اللي أغلبهم دخل كلية الشرطة منظرة مش علشان يشتغل ظابط و يحمي الناس !! )

حاجات كتيرة في مصر محتاجة تغييرات جذرية
و كل شئ بيأخد وقت و لكن المهم البداية

و احنا في مصر ........ أساتذة كلام ........... و أفعال في الأحلام

الثورة داخل الميكروباااااااص
فيديو تمثيلي يجسد تعامل فئات الشعب المختلفه في مشكلة ما يرمز الى الثوره
و مصلحه الوطن و وجهه نظر الفئات المختلفة لمفهوم الثورة و المصلحه العامة في الاتوبيس.....

‫ط§ظ„ط«ظˆط±ط© ط¯ط§ط®ظ„ ط§طھظˆط¨ظٹط³‬‎ - YouTube

اقتباس:

---

المشاركة الأصلية كتبت بواسطة syd

5-
6-
7-

اكمل الفراغ في الجمل السابقة


،

---

5- تسمع ابشع الالفاظ والشتايم وتسمع اهبط اغاني واعلى صوت
6- بيشرب سجاير عادي في اي وقت وممكن كمان مخدرات عادي جدا وفي نهار رمضان كمان مش فارقة
7- ممكن يقف في اي حتة علشان يكلم سواق زميله جاي عكسه ويوقفو الطريق اتجاهين علشان بياخد منه سيجارة او بيكلمه في اي تفاهات
8- السير في اي اتجاه وفي اي حته مهو الشارع بتاعهم
9-الكلاكس اللي بيلحن طول ما انت ماشي واوات الكلاكسات الغريبة والمستفزة
10-
11-
12-
13-


كملوا انتوا بقى

أنا لما الحركة دى بتتعمل معايا باقوله :
طب هات بقى نص جنيه أركب عربية تانية تكمل بيا الحتة اللى فاضلة
(بجد مش هزار ولو ادانى الفلوس باخدهم عادى)
أصل الرخامة عاوزة رخامة أرخم

اقتباس:

---

المشاركة الأصلية كتبت بواسطة أبو صلاح

5- تسمع ابشع الالفاظ والشتايم وتسمع اهبط اغاني واعلى صوت
6- بيشرب سجاير عادي في اي وقت وممكن كمان مخدرات عادي جدا وفي نهار رمضان كمان مش فارقة
7- ممكن يقف في اي حتة علشان يكلم سواق زميله جاي عكسه ويوقفو الطريق اتجاهين علشان بياخد منه سيجارة او بيكلمه في اي تفاهات
8- السير في اي اتجاه وفي اي حته مهو الشارع بتاعهم
9-الكلاكس اللي بيلحن طول ما انت ماشي واوات الكلاكسات الغريبة والمستفزة
10-
11-
12-
13-


كملوا انتوا بقى

---

10- الرعونة فى السواقة وفرد العضلات فى وسط الزحام والشوارع الواقفه وعلى الطرق السريعه
11- تعديل الاكصدامات الفيبر وبيركبوا اكصدامات حديد عمولة وديفندرات وخبط فى عربيات خلق الله (بالذات الميكروباصاتgmc العالية)
12- القذارة وقلة الأدب وسب الدين

إلا من رحم ربى
فيهم ناس محترمة وعلى قدر عالى من اللياقه ولكن قلة قليله جدا

اللى بستغربله فعلا
سلبية الركاب اللى فى الميكروباص
ازاى يسمحوا لفرد واحد او اتنين يمشوا كلمتهم وبدون اى حق على 14 راكب على الأقل
فى زيادة الاجرة او تقسيم المسافة
ازاى يسكتوا على الاهانات والسب والقذف اللى بيحصل لراكب معاهم
وكله قاعد مكبر دماغه ومليش دعوة
أنا بتنقط من الناس اللى راكبة اكثر من السواق والتباع بتاعه

حسبى الله و نعم الوكيل فى الميكروباسات و سواقينها و التابعين وربنا ينتقم منهم

وخدوا بالكم ان الاخطاء اللى بننتقدها فى سواقين الميكروباصات
موجوده برده فى بعض سواقين الملاكى
وفيه شباب ورجال شكلهم محترم وراكبين عربيات فخمة
وفى منتهى الجلفنه والوقاحه وقلة الذوق والأدب

اقتباس:

---

المشاركة الأصلية كتبت بواسطة tutankhamoun

95 % سواقين الميكروباظ من احط الفئات في المجتمع
أغلبهم شمام و مش متعلمين و مش محترمين

ده ناتج عن عوامل كتيرة
اهمها الفوضى في المواصلات العامة في مصر و قوانين المرور و اصدار التراخيص الخاصة بالقيادة

---

السواقة مهنة من لا مهنة له
اي واحد مش لاقي حاجة يعملها بيطلع رخصة بالرشوة او بأي وسيلة سواء لما يدخل الجيش او من غير جيش ويطلع يورينا مهارته في السواقة

والبداية بتكون علي توك توك

اقتباس:

---

المشاركة الأصلية كتبت بواسطة maryano

ليه حق يعمل حق يعمل كدة مهو ماشي بمزاجو طالما مفيش حاجه تحدد خط سيرو و تعقبو لو اخل بيه
ربنا يهديهم و يكفينا شرهم

---

ياااااااااااااه
كلمة خط سير ماسمعتهاش من كتيير اوي
من قبل لما امناء الشرطة والظباط يمتلكوا ميكروباصات

اقتباس:

---

المشاركة الأصلية كتبت بواسطة manola

مش عارفة اقولك أية لأنهم دايما بيزاولونى و أنا ماشيه و بيكسروا عليا كتير جدا دا غير الكلاكسات بس مجربتش أركب بصراحه قبل كدة عشان أحكم على المشروع من جوة التعامل فيه بيكون عامل أزاى

بس أنا عايزة أقول حاجة أهم
أنت نزلت و خليته مع البنت مش دة برضة غلط !!!؟
أنت مفكرتش فى الموضوع دة ازاى طلاما أنت كدة كدة مكمل معاه ولا هترجع ولا هتخسر حاجة لو نزلت بعد هيا مانزلت بدل ماتتخطف

---

مش للدرجة دي
هيخطفها ازاي في شارع زي شارع التحرير
مش هقولك لو صوتت دي لو كحت من الشباك هيلاقي ثورة 25 يناير بقت في الميكروباص عنده

اقتباس:

---

المشاركة الأصلية كتبت بواسطة minicooper20

ده حلم الا من رحم ربى

---

هو ايه بالظبط الي حلم ؟؟؟؟
انك تلاقي سواقين محترمين ؟ ولا انك تلاقي سواقين ملتزمين ؟؟
ولا انك ماتلاقيش ميكروباصات خالص ؟؟؟

اقتباس:

---

المشاركة الأصلية كتبت بواسطة weka_sa

انت لو اسمعلاوى ماكنش اتعمل فيك كدة :)

---

لو مكنتش مصري خالص

اقتباس:

---

المشاركة الأصلية كتبت بواسطة mostafaismail

:) طول عمرهم كدة ... انا الحركة دى بتتعمل فيا من ايام ثانوية عامة (98)
ربنا يجازيهم على اد اعمالهم.

---

خلاص يبقي الحل ان الواحد وهو رايح الشغل يتنكر في زي واحدة
بس للأسف مش هتبقي جميلة
هههههههههههه

................................*
تم دمج المشاركات بواسطتي
5.36م
11/10/2011

مشرف 14 ب

اقتباس:

---

المشاركة الأصلية كتبت بواسطة tutankhamoun

الأمراض المستعصية الحل الوحيد لها هو التخلص من الورم لأن معالجته بتكون صعبة و تقريبا في 99 % من الحالات بتكون مستحيلة .

و أحنا عندنا في مصر أمراض مستعصية كتيرة
و مثال لها سواقين الميكروباظ
يجب التخلص منهم تدريجيا و أستبدالهم بنظام القطارات (يأخذ عدد كبير من الركاب - سريع لا يُعطل المرور لا يوجد تقاطعات - مُنظم و يقف في محطات بعكس المدعوقين سواقين الميكروباظ )

---

مع الأسف ان احيانا ليهم لازمة علي قد عيوبهم
مين الي شالنا في مصر اليومين الي فاتوا مع اضرابات سواقين النقل العام ؟؟؟
بجد ماحسناش بالأضراب اساسا غير بس في ندرة وزحمة الميكروباصات

حاجة تانية

امبارح وانا عند الكهربائي بصلح عربيتي بعد الشغل
كان عنده سواق تاكسي وبنحكي عن سرقة العربيات بالأكراه
وحكالي عن واحد طلع عليه حرامية وزوغ منهم ونزل نزلة ميدان لبنان ووقف عند الكنيسة ومحدش طبعا من ركاب الملاكي وقفله
الوحيدين الي اتصدروا للحرامية سواقين الميكروباصات الي جايين من اكتوبر عن طريق المحور

اقتباس:

---

المشاركة الأصلية كتبت بواسطة elawany13

الثورة داخل الميكروباااااااص

فيديو تمثيلي يجسد تعامل فئات الشعب المختلفه في مشكلة ما يرمز الى الثوره
و مصلحه الوطن و وجهه نظر الفئات المختلفة لمفهوم الثورة و المصلحه العامة في الاتوبيس.....

‫ط§ظ„ط«ظˆط±ط© ط¯ط§ط®ظ„ ط§طھظˆط¨ظٹط³‬‎ - youtube

---

شكرا لملك الفيويوهات

اقتباس:

---

المشاركة الأصلية كتبت بواسطة أبو صلاح

5- تسمع ابشع الالفاظ والشتايم وتسمع اهبط اغاني واعلى صوت
6- بيشرب سجاير عادي في اي وقت وممكن كمان مخدرات عادي جدا وفي نهار رمضان كمان مش فارقة
7- ممكن يقف في اي حتة علشان يكلم سواق زميله جاي عكسه ويوقفو الطريق اتجاهين علشان بياخد منه سيجارة او بيكلمه في اي تفاهات
8- السير في اي اتجاه وفي اي حته مهو الشارع بتاعهم
9-الكلاكس اللي بيلحن طول ما انت ماشي واوات الكلاكسات الغريبة والمستفزة
10-
11-
12-
13-


كملوا انتوا بقى

---

14-
15-
16-
17-
18-
.
.
.
.
.
101-
102-

اقتباس:

---

المشاركة الأصلية كتبت بواسطة mesaharaty

أنا لما الحركة دى بتتعمل معايا باقوله :
طب هات بقى نص جنيه أركب عربية تانية تكمل بيا الحتة اللى فاضلة
(بجد مش هزار ولو ادانى الفلوس باخدهم عادى)
أصل الرخامة عاوزة رخامة أرخم

---

ماهو المشكلة ان الأجرة نفسها كانت نص جنيه
وانا لما نزلت كملتها مش اساسا

اقتباس:

---

المشاركة الأصلية كتبت بواسطة elawany13

10- الرعونة فى السواقة وفرد العضلات فى وسط الزحام والشوارع الواقفه وعلى الطرق السريعه
11- تعديل الاكصدامات الفيبر وبيركبوا اكصدامات حديد عمولة وديفندرات وخبط فى عربيات خلق الله (بالذات الميكروباصاتgmc العالية)
12- القذارة وقلة الأدب وسب الدين

إلا من رحم ربى
فيهم ناس محترمة وعلى قدر عالى من اللياقه ولكن قلة قليله جدا

اللى بستغربله فعلا
سلبية الركاب اللى فى الميكروباص
ازاى يسمحوا لفرد واحد او اتنين يمشوا كلمتهم وبدون اى حق على 14 راكب على الأقل
فى زيادة الاجرة او تقسيم المسافة
ازاى يسكتوا على الاهانات والسب والقذف اللى بيحصل لراكب معاهم
وكله قاعد مكبر دماغه ومليش دعوة
أنا بتنقط من الناس اللى راكبة اكثر من السواق والتباع بتاعه

---

ياباشا احنا قد قلت ادبهم
اذا كان هما في قلب بعض بيخافوا من بعض

والله والله والله
واحد عربجي شوية فيهم شوفتوا بيضرب سواق تاني منهم عشان حمل قبله

اقتباس:

---

المشاركة الأصلية كتبت بواسطة mohkhattab

حسبى الله و نعم الوكيل فى الميكروباسات و سواقينها و التابعين وربنا ينتقم منهم

---

أمين

اقتباس:

---

المشاركة الأصلية كتبت بواسطة elawany13

وخدوا بالكم ان الاخطاء اللى بننتقدها فى سواقين الميكروباصات
موجوده برده فى بعض سواقين الملاكى
وفيه شباب ورجال شكلهم محترم وراكبين عربيات فخمة
وفى منتهى الجلفنه والوقاحه وقلة الذوق والأدب

---

ماهو بيبقي تعليم حد فيهم
للأسف في ناس بتجيب سواقين ميكروباصات او تاكسي عشان تعلم اولادهم او زوجاتهم السواقة

متابع الموضوع من اول مابدء. لسه كنت بحكي لزمايلي في المكتب عن واقعة شهدتها في ميكروباص بولاق الدكرور - رمسيس الديهاتسو الـ 14 راكب العالي ده. ركبته من حوالي شهرين من قدام قدورة في شارع جامعة الدول وكان بيحمل اسعاف بـ 75 قرش ورمسيس بـ 1 جنيه. المهم الناس بدأت تبعت الأجرة وحصلت مشاحنات على الربع جنيه الباقي من الركاب والسواق حس انه متلخبط والزباين عاوزه تسرقه في ربع جنيه. راح واقف بالعربية في وسط ميدان سفنكس وراح ساحب سيخ حديد من على التابلوه وراح متدور لنا وقايل :
والله العظيم هنزل اموتكوا بالحديدة !!!!!!!!
حالة من الوجوم سيطرت علينا ، محدش فتح بؤه ولا قاله انت بتقول ايه. مش بسبب تهديده لأ بسبب شكله. والله العظيم مفيش حتة في وشه ودراعاته مش متخيطة. منهم جرح بادئ من تحت ودنه لغاية بؤه. وخياطات تحسوا انها اتعملت عند منجد افرنجي مش عند دكتور. واعتقد ان تصرف السكوت ده كان صواب لأنه لم يكن ليتورع عن ضرب التخين فينا بالحديدة اللي في ايده . عاوز اسمع ارائكم ولو كنتم في الموقف ده كنتم هتعملوا ايه.

على فكرة سواقين التاكسي زيهم بالظبط :
Log In | Facebook

اقتباس:

---

عاوز اسمع ارائكم ولو كنتم في الموقف ده كنتم هتعملوا ايه.

---

هتخانق مع واحد معندوش حاجة يخسرها ؟؟؟

السلام عليكم و رحمة الله و بركاته

يا باشا, لو كانوا رجالة, ماكانوش اشتغلوا سواقين ميكروباص, دول, هما و سواقين التاكسى و بالذات عندنا هنا فى المنصورة, من أحقر و أوطى فئات المجتمع, المهم, أنهم مفكرين نفسهم ناس فاهمين و ناس كلاس و أنهم أذكيا و كل الناس التانية, مابيفهموش.

عندنا يا باشا فى المنصورة, أغلبهم بيكون من مناطق بييييييييييئة أوى, زى كفر البدماص و شارع الحوار و محمد فتحى و المدير و مناطق تانية و دول بيكوتنوا غالبا, مؤهلات متوسطة و بيكون عندهم حقد طبقى رهييييييييييييييييييييييي يب جدا و ده لأنهم بيشوفوا دايما أبناء الطبقة الميسورة راكبين عربيات ملاكى و ماشيين يتدلعوا بيها و فضلوا على الوضع ده لحااااااااااااااااااد ماحصل حاجتين:
1 - بقى فيه تاكسيات زيرو بالتقسيط, قام كتير منهم دفعوا مقدمات و جابوا تاكسيات عشان يمشوا بيها فى الشوارع و ينقوا الزباين اللى تعجبهم و اللى مايعجبهومش, يسيبوه و يمشوا, بصرف النظر عما اذا كان راجل مسن و لا ست و معاها عيال و تلاقى الواد منهم مظلط شعره و وشه -أستغفر الله العظيم- مصدى من قلة الغسيل, و تلاقى فى ايده السيجارة و فاتح الازاز تلتين فتحة و حاطط دراعه على الازاز و سايق التاكسى بكل اباء و شمم و تناكة, كما لو أنه سايق bmw z8 !!!!!!!!!!!.
2 - انتشار الموتوسيكلات الصينى و اللى مكنت الفئة دى من أنهم يجيبوا موتوسيكلات و يحطوت عليها كاسيت عالى أوى للفت الأنظار و بييجوا يلفوا بيها مخصوص فى الأماكن الراقية فى المنصورة, قال يعنى, احنا كمان بنركب أهوه :00020140: .

فكرتنى بواحد كان شغال معانا فى الصيدلية و كان من شارع الحوار من عندنا من المنصورة و بعد ما اشتغل معانا أسبوعين, اكتشفنا أنه بيبرشم و مدمن و بعدين اكتشفنا أنه حرامى كمان, لما جه يمشى, قلتله, أنت ليك عندنا حساب 3 أيام من الشهر الجديد, قاللى بكل تناكة, أنه مش عايزهم و أنه متنازل عنهم و عاوزنى أطلعهم لله, و بعد يومين جه تانى و قاللى, أنه عاوز بقية حسابه, قلتله, مش أنت قلت, نطلعهم لله !!!!!!!, قاللى, أنه ماقالش كده و فضلت وراه لحد ماحلف بالله العظيم أنه ماقال كده !!!!!!!!!!, ساعتها, أنا قلتله, أنه أدام اتنازل عن رجولته و حلف يمين مغلظ بالله العظيم أنه ماقال كده, يبقى حلال عليه الفلوس :b4_388:

هما فئة واحدة, لازم تترش بالبيرسوووووول .

اقتباس:

---

المشاركة الأصلية كتبت بواسطة elawany13

10- الرعونة فى السواقة وفرد العضلات فى وسط الزحام والشوارع الواقفه وعلى الطرق السريعه
11- تعديل الاكصدامات الفيبر وبيركبوا اكصدامات حديد عمولة وديفندرات وخبط فى عربيات خلق الله (بالذات الميكروباصاتgmc العالية)
12- القذارة وقلة الأدب وسب الدين

إلا من رحم ربى
فيهم ناس محترمة وعلى قدر عالى من اللياقه ولكن قلة قليله جدا

اللى بستغربله فعلا
سلبية الركاب اللى فى الميكروباص
ازاى يسمحوا لفرد واحد او اتنين يمشوا كلمتهم وبدون اى حق على 14 راكب على الأقل
فى زيادة الاجرة او تقسيم المسافة

فى الوقت الحالى ما فيش الآوبشنز دة أصلا . هو من بداية ركوبك بيقولك أنا رايح لغاية نصف الطريق وهارجع عايز تركب أهلا وسهلا مش عايز براحتك شوف حاجة تانية . وبناء علية كل الركاب اللى بيركبوا معاة وموافقين من البداية هو دة طريقهم ومش محتاجين أكتر من كدة وكل واحد بينزل عند مكانة أو بيتة يعنى مش بيكملوا للأخر بناء على بداية الركوب
ازاى يسكتوا على الاهانات والسب والقذف اللى بيحصل لراكب معاهم
وكله قاعد مكبر دماغه ومليش دعوة

دة مش بيحصل ألا لما يكون الراكب فعلا عمل حاجة غلط مش كويسة ويستاهل لكن فى الآخر بردة الناس بتهدى اللعب على الآقل وبتخلص المواضيع

أنا بتنقط من الناس اللى راكبة اكثر من السواق والتباع بتاعه

---

موضوع السواقين دة ناتج عن ثقافة عصر الفساد السابق المتراكم على مدار السنين من الرشوة والفساد التى تغلغلت فى جميع أجزاء مصر بلدنا الغالى الحبيب ووموضوع السواقين دة فرع من الفروع الكتير اللى عايز علاج مش بتر علشان لو عملنا بتر ليهم كلهم هيتحولوا الى حرامية وبلطجية فى الشوارع وكدة حالهم أحسن وأخف الضررين ... فالحل فى العلاج عن طريق التوعية العامة وأصلاحهم وتعليمهم ثقافة التعامل فى القيادة ... ودة مش هيتم الى عن طريق أدارات المرور الصالحة لما ينصلح حلهم هما الآول وحال البلد يستقر بأذن الله .لآن عن طريق الآفراد مش كفاية وصعب الناس محتاجة دعم من الشرطة والمرور علشان يقدروا يحاكموا السواق لما يغلط دلوقتى أنتم شايفين الوضع أسوء مما سبق كمان
علشان لازم يكون فى تطبيق للقانون صح بدون رشاوى عن طريق ظباط وأمناء وعساكر شرفاء.
لما حال البلد ينصلح بأذن الله

والله الموفق والمستعان

اقتباس:

---

المشاركة الأصلية كتبت بواسطة mido51eg

متابع الموضوع من اول مابدء. لسه كنت بحكي لزمايلي في المكتب عن واقعة شهدتها في ميكروباص بولاق الدكرور - رمسيس الديهاتسو الـ 14 راكب العالي ده. ركبته من حوالي شهرين من قدام قدورة في شارع جامعة الدول وكان بيحمل اسعاف بـ 75 قرش ورمسيس بـ 1 جنيه. المهم الناس بدأت تبعت الأجرة وحصلت مشاحنات على الربع جنيه الباقي من الركاب والسواق حس انه متلخبط والزباين عاوزه تسرقه في ربع جنيه. راح واقف بالعربية في وسط ميدان سفنكس وراح ساحب سيخ حديد من على التابلوه وراح متدور لنا وقايل :
والله العظيم هنزل اموتكوا بالحديدة !!!!!!!!
حالة من الوجوم سيطرت علينا ، محدش فتح بؤه ولا قاله انت بتقول ايه. مش بسبب تهديده لأ بسبب شكله. والله العظيم مفيش حتة في وشه ودراعاته مش متخيطة. منهم جرح بادئ من تحت ودنه لغاية بؤه. وخياطات تحسوا انها اتعملت عند منجد افرنجي مش عند دكتور. واعتقد ان تصرف السكوت ده كان صواب لأنه لم يكن ليتورع عن ضرب التخين فينا بالحديدة اللي في ايده . عاوز اسمع ارائكم ولو كنتم في الموقف ده كنتم هتعملوا ايه.

---

هي المشكلة اساسا في الملايكة بتوع الداخلية مش هم اللي بيدو تراخيص لذوي السوابق يسلموهم حياة الركاب ؟ ( وبعد كده يقولك سلوكيات)

وهم برضه اللي بيدوا رخص لقائدي الملاكي بدون ما يكون عنده فكره عن قواعد المرور

ده السواق العام لازم يكون مستواه أحسن من السواق الخاص ( مستوي نفسي و تقني )

انا بركب مع سواق الأتوبيس في المانيا بحس اني راكب مع حكيم -- سواق له هيبه

97.6% من سواقين المكروباص في مصر ناس &&&&&&&&&&&&&
صراحة اسوأ فئات المجتمع