الموضوع: مقارنة بين فانتازيا , جيتا , فلوانس , كيا سبورتج , فورد مونديو

Fantasy Skoda Octavia Shore

المشاركة الأصلية كتبت بواسطة hurgada90

يا جماعة أنا بجد محتار بين 5 عربيات :
1-الفورد منديو : عربية خرافة بس ملهاش سعر اعادة بيع بس تعتبر منافسة للباسات بس مانيوال كمان.
2-سكودا فانتازيا: بصراحة انتشرت زيادة عن اللزوم وسعرها مبالغ فيه .. مفهاش حاجة زيادة يعني !!
3:-كيا سبورتج الجديدة : عربية شكلها تحفة .
4--رينو فلوانس: وأبقى وفرت شوايت فلوس فيجيبي http://www.nilemotors.net/Nile/image...s/00020140.gif
5-ممكن أستنى الجيتا الجديدة بس أنا شايف إن القديمة شكلها أحلى .
ياريت يا جماعة تفيدوني في الموضوع ده أنا عموما ميال للفورد
أنتم رايكم إيه ؟

بص يا سيدي
1- في مصر المانيوال ماينفعش لا صحراوي ولا زراعي ولا جوه البلد لانك في الآخر مش حتعيش في الطريق الصحراوي وبعد مشوار طويل حترجع تعبان وتلاقي السكة زحمة وواقفة ده غير قطاع الغيار اللي مش متوفرة وسعر اعادة البييع ومهما طال حتيجي في يوم حتبيع ده el-bm وال مرسيدس بيتباعوا
2-الاوكتفيا عبها إنها زي الباسات تقيلة حبتين في سحبها أنا ماجربتهاش بس ساحبت جمبها وبرده سعر اعادة البيع علشان كل الأروبي بينزل حتى el-bm ومارسيدس وطبعا اسعار قطع الغير اللي أكيد أكيد في شوارعنا الحلوة حتتكسر فيها حاجة غير كده مااعرفلهاش عيوب
3-الكيا مش شكل بس كمان أداء وثابتة لحد 150 لاني ماجبتش أكتر من كده طول ماأنت مااختيش غرزة على العاصي مش حتعوم مش حاسس بـفرق كبير بينها وبين الميجان في الثبات
بس حاسس بـفرق el-140 حصان صحيح لحد el-120 وبعد كده سحبها بيضعف وده راجع ل الفتيس ال6 سرعات لأن ال6 بيجي على 65 موضوع البنزين 92 بيقوله ينفع 92 بس أنا بـصراحة خايف اجرب بس إن شاء الله حاجرب بـ5 لتر واقول إيه اللي حصل وربنا يستر , دور على موضوع كيا سبورتاج في المنتدى حتفهم أكتر(ضمان 5 سنين وبره مصر ضمان 7 سنين) , بس هي ده العربية اللي تنفع في مصر
4- الميجان جميلة بس لو جبتها علشان نقول إنك جبت حاجة كويسة لازم الهاي لين بس متورها 105 حصان وال فتيس 4 غيار وح تزعل من العفشه بعد سنة ولا حاجة
أنا معايا ميجان 2007 معيار مقص -سكاترة -قطمة دركسيون - 2 كويل ير باج - وطبعا كل شادادات البيبان - كمبرسر تكييف -4 مساعد -كولر جير بوكس - صحيح كل ده كان في الضمان بس ضمنها 3 سنين
5-الجتا الجديدة في الصور هي كلاسيك زيادة ببصلها بأحس إن فيه حاجة غلط هي إيه مش عارف وطبعا عيوبها زي عيوب كل الأروبي + الفيتس ال dsg اللي فهمته إنه هو وحظك وبرده حتاخد بنزين 95
بس نصيحة فيمصر هنا هات حاجة عالية ( بـال ترتيب اللي أنا شايفه ممكن يتجاب,من الارخص 1- دستر (عبها سعر اعادة البيع ومانيوال ) 2- تريوس ومصر كلها عارفة عيوبها 3- سبورتاج
4- بيجو 3008 ولسة ما اعرفش عيوبها 5- رانجلر عبها 3700 cc
6- كابتيفا 3200 cc
ولو عايز توفير توفير يعني هات سكربيو ديزل بس استغنى عن كل حاجة تانية
يا رب أكون نورتلك جزء من طريقك

المشاركة الأصلية كتبت بواسطة hurgada90

طيب حضرتك إيه رأيك في الفرد مونديو , أنا مشفتش حد عنده معلومات كويسة لحد دلوقتي عنها .. ثبتها إيه ظروفه؟

انا حاولت انى استبعد العربيات التى لا تتفق مع متطلبات حضرتك او ميولك الشخصيه عشان متشتتش نفسك
بخصوص الفوكس"الى اعرفها" فهي عربيه ثابته وتحس بمتعه بقيادتها ومش منتشره وسمعت ان كان نازل عليها عرض كويس عشان الشكل الجديد لكن عيبها سعر اعادة بيعها وعدم انتشارها وبخصوص قطع غيارها لو سألت اتنين من ملكها عن قطع غيارها هتلاقى واحد بيقولك بنفس اسعار فئتها والتاني يقولك اغلى بكتيير
ده بخصوص الفوكس لكن المونديو عربيه لسه نازله بعد انقطاع طويل ومش هتلاقى حد عنده اى خلفيه عنها ( رأي الشخصي انها مخاطرة )
لو كان ليا انى الفت نظرك لحاجه فهقولك حاول تسأل على الفلونس الخليجي لان موتورها نشيط (نفس موتور النيسان تيدا) والتكييف فيها من نيسان وكمان الفتيس بتعها cvt (الموجود فى المورانو وهينزل فى الصني الجديده 1500 والنيسان تيدا الجديده واغلب العربيات الجديده من رينو او نيسان ) وده افضل بكتير من الموجود الان فى الفلونس المصري لانه بتكنولوجيا جديده بتقلل من استهلاك البنزين لانه 6 سرعات وفى نفس الوقت بيحسن الاداء فى التسارع

نقطه اخيره مفيش عربيه جامعه لكل المميزات كل عربيه لها نقاط قوه ونقاط ضعف فحاول تختار العربيه الى تلبيلك احتياجاتك واولوياتك والى انت مرتاح ليها وعجباك

تحياتي