امبارح فى الميرغنى حادثة عربية تويوتا كورلا 2007 بسرعة حوالى 180 دخلت فى عمود مش ممكن 3 شباب ماتو والعربية كل حتة فى ناحية والعداد فى الارض واقف عند 120 ده طبعا بعد الفرامل ربنا يستر طرقنا
عرض للطباعة
امبارح فى الميرغنى حادثة عربية تويوتا كورلا 2007 بسرعة حوالى 180 دخلت فى عمود مش ممكن 3 شباب ماتو والعربية كل حتة فى ناحية والعداد فى الارض واقف عند 120 ده طبعا بعد الفرامل ربنا يستر طرقنا
استفسار الح عليا معلش
عربية تويوتا و عملت حادثة
ايه اللي جاب ده في قسم بيجو ؟؟؟؟؟؟؟؟؟
استفسار بس
لا حول و لا قوة إلا بالله ..
قدر الله و ماشاء فعل ..
ربنا يصبر أهلهم ..
برضه بنرجع و نقول السرعة خطر يا جماعة ..
:(:(
اصل عربية بيجو هي اللي اتسببت في الحادثة :biggrin24::biggrin24:
ربنا يكفينا شر السرعة:3gears:
معلش يا جماعه هو شارع المرغني ده طريق سريع علشان 180 يعني
و بعدين الي مايش في شارع على سرعه 180 مش خايف على ارواح المشاه
ربنا يستر طريقنا و يبعد عننا ولا الحرام
شارع الميرغني ده من اوله لاخره ( ملقف ) لكل من هب و دب و عايز يثبت لنفسه انه ركب عربيه و بيسوق احسن من شوماخر .. ادي 3 شباب راحو .. و الله اعلم ماتوا علي ايه .. طاعة و اللا معصية .و عشان ايه ...ربنا يصبر اهلهم ...و يبعد عنا شر الحوادث ..اللهم امين
**********
الله يرحمهم ويصبر أهلهم
ممكن أعرف ملابسات الحادثة إيه و فين في المرغني بالظبط ؟؟
Thanks
Eng.Sherif Shaker
أخرة اللي فاكر الطريق رالي
و الله ابطال الراليات نفسهم مبيسوقوش في المدينة كدة
لأنها مش سلطة !
ربنا يرحمهم
مافيش اي صور
اي دليل قاطع
اي حاجه كده ولا كده؟؟
عمتا ربنا يرحمهم
ويصبر اهلهم
"ولا تلقوا بأيديكم الى التهلكة"
ربنا يسترها بس الموضوع مش داخل دماغي بس لو كده ده يبقا جنان
اخرة السرعة والجنون 180 في الميرغني يا نهار اسود اهو ده ميتزعلش عليه لانه اصلا مخافش علي ارواح الناس فربنا اداله علي اد ضميره
ياجماعة 180 فى شارع الميرغنى !!!
مش داخله دماغى
ربنا يسترها علينا و على الجميع ... ويهدي الناس
انا لسا سامع بردك على الموضوع دة دلوقتى حالا من واحد صحبى
قالى العربية متقطعة الواد الى سايق أيديه ورجله مقطوعين .. :(
يا جماعة الله يرحمهم و يرحم امواتنا
بس احنا منعرفش عنهم حاجة و منعرفش الظرف اللي كانوا فيه
جايز كانوا بيلعبوا و جايز برضوا كان حد من الركاب عاوزين يودوه المستشفي ...او فعلا فيه ظرف طارئ يستدعي السرعة دي .
ربنا يستر علينا و علي من نحبهم
بس ل 180 في شارع مش هاقول طريق
ده حرام عليهم <الله يرحمهم و رحم موتى المسلمين و يغفرلهم> يعني لما يقابل ربنا يقله ايه كنت بقفل عداد و لما ربنا يقله طب و ارواح الناس اصل في ظرف يا رب حرام الصراحه السرعات دي في شوارع و ناس تعدي الطريق تروح هدر علشان شويه عيال كلهم استهتار و ..............
انا عن نفسي هادعيلهم بان ربنا يغفرلهم علشان ده يعتبر انتحار مش حادثه و قضاء و قدر
يا جماعة ...بس انا قصدي فكر لو انت في ظرف مظنش هتفكر في كل الكلام اللي انت بتقوله ده
طيب موقف حصل فعلا لواحد صاحبي ...
كنا بنزوره عشان كان جاب بنوته زي القمر و فجاه البنت تعبت وو شها ازرق مبتتنفسشي نزلنا جري و مامتها شايلها و هو جري علي عربيته و احنا طلعنا وراه و خدنا شارع الهرم و ما ادراك ما شارع الهرم ...انا مش عاوز احكي هو كان سايق ازاي و كام مره طلع علي الرصيف بالعربيه عشان يعدي الزحام .. و مش عاوز اقولك علي سرعته كانت كام .....
الحمد لله البنت بقت بخير بس ده مثلا ظرف ممكن تتعرضله ... طيب مين مننا لو اتعرض للموقف ده هيفكر بعقل و هيلتزم بسرعة معقولة او هيهتم بحياته او بحياة اي كائن علي الارض
معلومة صغيرة الكرولا ماتجبش 180 فى شارع ذى الميرغنى
زمن(تسارع عربية ) /مسافة (طول شارع الميرغنى )
الله يرحمهم و يرحم موتى المسلمين و يغفرلهم
فعلا انا كنت هناك النهارده بالصدفة جنون وتهور وعدم مسؤليه والله انا اول ما شوفت العربيه اترعشت
ربنا يرحمهم ويصبر اهاليهم
ربنا يرحمنا ويرحم امواتنا
وعموما كل ده عظه لينا علشان السرعه
وربنا يسترها
في شيخ افتي فتوي ان اللي يمشي ازيد من السرعه اللي مقرارها الدوله علي الطرق فهو بمثابت المنتحر و يموت كافر واليعاذ بالله
مارايكم في الكلام ده ياشباب
180 جوه البلد ... لا تعليق !
===
ربنا يرحمهم و يصبر أهلهم
و االلي يموت من الجوع اللي مقرراه الدولة يبقي منتحر و كافر ..
و اللي يموت من نقص العلاج اللي موفراه الدولة يبقي منتحر و كافر..
و اللي يموت من التعذيب اللي مقرراه الدولة يبقي منتحر و كافر ..
و اللي يموت من الطوابير اللي مقرراها الدولة يبقي منتحر و كافر ..
و اللي يموت من الحفر و البلاعات اللي مقرراها الدولة يبقي منتحر و كافر ..
و اللي يموت من الهم و الغم و النكد و و بيذاكر طول عمره المقررات اللي مقرراها الدولة و يطلع من الاوائل .. و بعدين يتعين ب150 جنيه .. يبقي منتحر و كافر ..
و اللي يموت من الخضار المسرطن اللي مقرراه الدولة .. و الفراخ بتاعة الانفلونزااللي مقرراها الدولة .. و اللحوم المجنونة اللي مقرراها الدولة .. و المياه الملوثة اللي مقرراها الدولة .. و اللبن بتاع السيراميك اللي مقرراه الدولة .. و السمك بتاع المصارف اللي مقرراه الدولة .. و الهواء اللي مقرراه الدولة اللي السجاير الكليوباترا انضف منه .. يبقي منتحر و كافر ..
خرجتني من الموضوع يا راجل يا طيب
حرام عليك يا راجل .. شيخ ايه بس اللي بيستشهد بما تقرره و ما لا تقرره الدولة .. ده تلاقيه هو شخصيا بيشتم اللي .......... الدولة.
180 جوه البلد في شارع الميرغني طب ازاي...
ما أعتقدش ان العربيه هتجمع بالغباء ده وتجيب 180...
عالعموم ربنا يسترها معانا ..
وربنا يتولاهم برحمته ويصبر اهاليهم..
ايه ياعم انت سخنت عليا كده ليه
ايه اللي دخل الحاجات دي في موضوع السرعه و بعدين هوه قال كده علشان اللي سايق هوه اللي مقرر السرعه اللي ماشي بيها و عارف انه عرضه لاي خطأ و مع ذلك مصمم انه بمشي بالسرعه دي
لكن الحاجات التانيه دي اللي حضرتك بتتكلم عليها دي مش بمزاجك ولا بمزاج اي حد تاني دي ظروف دوله
عادي يعني وبعدين كلمه و قولتها و اديني سحبتها تاني ياعم علشان متزعلش الدنيا مش مستاهله حرقة الدم دي :)
لا يا وليد بك .. كل الموضوع انك بس دست علي الزرار .. فالواحد اشتغل لوحده ,, و بعدين رجعت لقواعدي مرة اخري ..
و عذرا اذا كنت اعتقدت اني سخنت عليك ..
كل ما في الامر ان ساعات بعض الامور بتدوس علي الجرح جامد .
اعتقد يا بشمهندس انه ممكن يجيبها لو واخد الشارع من اول السبع عمارات .. و طلع بسرعته الكوبري .. و بعدين نزل ناحية سينابون .. في المكان ده ممكن يجيب سرعة عالية جدا .. و في المكان ده .. ممكن بسهولة يفقد سيطرته علي العربية لان الشارع بيلف يمين قليلا ..
ده ممكن يكون سيناريو .. لكني بالطبع معرفش اللي حصل و لا الحادثة كانت فين ..
و ربنا يرحم موتانا جميعا
180 فى الميرغنــــــي :funny34d:
:helpsmilie:
مش مصـــــدق :fool:
لأ دول اتنين بس اللى كانوا فى العربية مش 3 و عندهم 16 سنة فى مدرسة المصرية اللى فى التجمع.اقتباس:
جايز كانوا بيلعبوا و جايز برضوا كان حد من الركاب عاوزين يودوه المستشفي ...او فعلا فيه ظرف طارئ يستدعي السرعة دي .
و فعلا كانوا ماشيين على سرعة عالية جدا و دخلوا فى عمود و العمود وقع على العربية قسمها و الايرباج طلعت بس طبعا مكنش لها اى لزمة و غرقانة دم و العداد فعلا واقف على 120 و ان شاء الله هجيبلكوالصور.
عمل الحادثة الساعة 4:30 الفجر مفيش ظروف و لا حاجة.
و دى صور الولد
http://www.facebook.com/group.php?gid=18249615717
بصراحة انا كنت بسوق من وانا عندى 16 سنة منغير رخصة و اهلى اللى كانوا سامحينلى بدون ميكون حد معايا و كمان مرة اتمسكت فى كمين و الظابط كان عادى خالص و مشانى قالى متسوقش لوحدك تانى الكلام دا كان قدام سيتى ستارز لما كانوا بيبنوا فيهاقتباس:
يعنى 16 سنة
ومش معاهم رخص وسايقين العربية لوحديهم وعلى سرعة 180
ايه الاهمال ده فيـــــــن اهـــــاليــهم
عادى انت فى مصر.
بره سن السواقة مش 18 اقل.
المشكلة بس فى السرعة مش السن , معظم اللى بيسوقوا اقل من السن القانونى دايما بيمشوا على سرعات عالية اوى زى كده و بيحصل مصايب :(
اولا البقاء لله
ثانيا الحمد لله ان الحادثه ماصابتش او ماموتتش حد تانى معدى او حتى راكب عربيته
ربنا يرحمهم يا جماعه و فعلا ياريت نقلل من موضوع السرعات العاليه و ما نستخدمهوش غير فى الضروره و لما يكون الطريق يسمح بكده
يا جماعه ادعولهم بالرحمه و المغفره فقط و يا ريت قراءة الفاتحه,,
و يا ريت محدش يلومهم او يحاسبهم احنا مالناش اننا نقول حاجه غير (انا لله و انا اليه راجعون )
كمان (اذكروا محاسن موتاكم ) يا جماعه و بلاش كلام استهتار و قلة تربيه والكلام ده
هما اكيد مش ناقصين كلامنا
و موضوع الشيخ الي افتى فده شيخ بيفتي لان مش هو الي هيحدد انهي الي يتحسب عند ربنا
و في موضوع ال 180 ده فده مجاز انه كان ماشي بسرعه عاليه و الشعب المصري اكتر واحد يحب يتكلم في موقع الحادثه
يعني ممكن تكون الحادثه معموله على 120 بس (و دي سرعه مش قليله في شارع عرضه قليل ) فكل الي واقف هيبقى بالنسباله انها كانت طايره
و غير كده هتلاقوا 100الف واحد الي بيقولك العربيه كانت طايره في السما و الي يقولك العربيه كانت بتسابق هيليكوبتر و الي يقولك دي نزل عليها صاروخ جي من جماعه يهود
انما حقيقة السرعه الفعليه دي في علم الغيب لان محدش كان معاهم في العربيه
بس بعد الحادثة و الفرامل العربية العداد بتاعها علق على 120 يعنى اكيد كانوا مشيين اسرع .اقتباس:
انما حقيقة السرعه الفعليه دي في علم الغيب لان محدش كان معاهم في العربيه
كلامك مظبوط مليار فى الميةاقتباس:
يا جماعه ادعولهم بالرحمه و المغفره فقط و يا ريت قراءة الفاتحه,,
و يا ريت محدش يلومهم او يحاسبهم احنا مالناش اننا نقول حاجه غير (انا لله و انا اليه راجعون )
كمان (اذكروا محاسن موتاكم ) يا جماعه و بلاش كلام استهتار و قلة تربيه والكلام ده
هما اكيد مش ناقصين كلامنا