انا بسوق بايدى الشمال عند 9 ببقى محكم فى العالى و التاره و الكلاكس بسهوله مع الاستناد على فرش الباب و اليمين مبحجهاش العربيه اوتو
الى بيطلع ايده بره الشباك عايز الحرق :)
عرض للطباعة
تعليق بسيط
مش كل الناس اللى مرجعا الكرسي والضهر يبقو بيروشو
انا طولى 193 سم
استحالة تبقى القاعدة مريحة ليا غير كده وخصوصا انى بسافر كتير
ومن اهم مميزات السيراتو حقيقى ان بعد مبريح اوى كده ممكن حد يقعد ورايا
وف نفس الوقت التابلوه مش نازل على رجلى اوى كده زى اللانسر بوما
اما بالنسبة لوضعية الايادى الناعمة
فالانسب على الطرق السريعة نسبيا هيا 10-2 الا لو ماسك السيجارة او الموبايل
والله مسكة الدركسيون دي على حسب حالة الطريق وعلى حسب انت ماشي بسرعة ولا براحة وتعبان ولا مش تعبان
بس في الغالب بكون ماسك الدركسيون بإيد واحدة
وفي حالة الجري شوية باليمين وشوية بالشمال على حسب
لو غرزة شمال مثلا احب اكون ماسك الدركسيون بايدي اليمين عشان اتحكم في العربية احسن والعكس
واحيانا لو جري بليل بمسك الدركسيون بايدي اليمين من النص فوق (12) وايدي الشمال عند 9 عشان اقلب نور وسعات بستسهل وبمسك الدركسيون بايدي الشمال من عند النور عشان اقلب نور وادي اشارات اسرع
ولو الموضوع سخن وبقى فيه تسقيط نقلات همسك الدركسيون بالشمال واليمين على الفتيس :majd(4):
ولو سخن اكتر وعديت ال 130 لازم بايدي الاتنين ( على شكل 9 وربع ) عشان اتحكم في العربية كويس
و بكون مرجع ظهر الكرسي بس مش عشان منظرة او حاجة لا سمح الله الفكرة ان ضهري بيتعبني جدا من السواقة
فبكون مضطر اني ارجع ظهر الكرسي لوراء عشان اريح ضهري وخلاص اتعودت على كدة
خاصا في زحمة شارع فيصل الجميلة برجع الكرسي زيادة واسقط نفسي في الكرسي عشان احس اني نايم على السرير لحد مالشارع مايمشي
اما على الطرق السريعة زي الصحراوي لو ماشي على 100 مثلا ومع نفسي ومش مستعجل باكون ماسك الدركسيون بايدي الاتنين بس من تحت على شكل 5 و 7
والله العظيم انا حاولت كتيييييير انى امسك الدركسيون بايدى الاتنين وفشلت تماما
وافضل وضع عندى بيبقى الشمال ماسكة الدركسيون واليمين غالبا على الفتيس او على رجلى هو مش افضل وضع انا بافوق الاقى نفسى لا اراديا عاملة كدة
ومرسيه على التوبيك الحلو ده
عارفهم الشباب اللي بتقولو عليهم دول .. اللي تشوفهم تحس انه منزل الأنتريه من البيت حاطه في العربيه وقاعد هو واصحابه
انا للأسف 90% بالشمال فقط ما بين 9 و 12 ، ولما تكون ايدي واجعاني بتبقي 6 .. أو 12 وافرد ايدي علي الأخر مع ان فردها علي الأخر ده غلط برضو بس بريح شويه مش اكتر
ولو بالاتنين بتكون 3 و 9 أو 10
ملحوظه مهمه بس للناس اللي بتسند الدركسيون فقط مش بتمسكه كويس ،، في حالة لا قدر الله أي ظرف طارئ مش هتلحق تمسكه ، عجله فرقعت والعربيه حدفت، حاجه في الأرض شدت العربيه أي ظروف .. حتي لو بإيد واحده لازم يتمسك كويس
بس اغرب مسكة دركسيون شوفتها بجد واحد حبيبي معانا هنا في المنتدي .. بيمسكه بالشمال فقط علي 3 علي الكلاكس من جوا .. هو عارف نفسه بقي مش هقول مين :))
شكرا علي مرورك
بس انا علي فكرة مش بتريأ او بنتقد كل واحد مرجع الكرسي لورا او حتي مريح الظهر والا ماكنوش عملوها في الكرسي وكانوا خلوه كرسي ثابت
بس انا بنتقد الي بيقعد وينام ويريح ويتأمل في الناس وكأنه بيتفرج علي الناس ومش بيسوق
واعتقد حضرتك بتشوف المناظر دي
انا شخصيا احيانا بيريح الكرسي لكن مش بنام انا ممكن اسند علي المسند الجانبي الي بين الكرسيين او بسند علي مسند الباب لما أكون في اشارة او الطريق زحمة لكن بسوق بأنتباه لما الطريق بيمشي
أزيك يا أحمد عامل ايه ؟؟
انت يا بني مش كان ربنا هداك وبقيت بتسوق بالراحة، أيه الي حصل ؟؟
ربنا يطمنا عليك
وشكرا علي مرورك
شكرا علي مرورك
بس انا لاحظت ان سواقة البنات اتقدمت اوي مش انتي اول بنت ترد علي الموضوع وتقول انها بتسوق بأيد واحدة
علي العموم حاولي تتعودي علي مسكة الدريكسيون بالأيدين الأتنين وانسب الأوضاع 9-3 و 10-2 وفي حالة السفر والسرعات في وجود اير باج بيكون الوضع الأأمن هو 8-4 و 7-5
شكرا علي مرورك
والله المستعان
،
،
بالنسبة يا جماعة للأير باج والسرعات ومسكة الدريكسيون
انا امبارح قابلت واحد عند بتاع قطع الغيار الي بتعامل معاه
وكانت ايديه الشمال متعورة وكأنها محروقة ومكان خياطة وجراحة
ولما بنسأله من أيه قال انه كان عمل حادثة بعربية اوبل كورسا والأير باج فتح والزجاج الأمامي هو الي عور أيده
ولما بسأله كنت ماسك الدريكسيون ازاي ؟؟
قالي انه كان ماسكه من فوق بأيده الشمال فقط
وعلي هذا يكون انسب وضع في وجود الأير باجز علي السرعات هو فعلا 7-5 او 8-4
ربنا يستر طريقنا جميعا
والله المستعان
،
،
احنا عايزين نسأل سواقين الميكروباص السؤال دا :) ؟؟
خصوصاً و هما بيعدوا الأجرة ... بلاقي العربية بتحدف منهم يمين و شمال و على طرق سريعة كمان و يا ريته بيكون لوحده لا دا بيكون معاه ركاب ... ربنا معاهم