الموضوع: سخونه غير مفهومه

عندى العربيه بتسخن ....... لو واقفه و شغاله عادى او ماشيه سلانسيه كده على rpm 1.5 او 2 على اى نقله مش بتسخن و اول ما ازود بنزين و ال rpm يعلى عن ال 2 بتبتدى تسخن لحد التلات ارباع العداد كده.
مع العلم ان المروحه سليمه و شغاله و المياه مش بتنقص و غالبا دورة المياه شغاله (الطلمبه و الخراطيم) بس لسه ما كشفتش عليها عشان الكلام ده كان امبارح متأخر.
فى ميكانيكى قاللى مادام المياه مش بتنقص و المروحه شغاله يبقى حاجه بسيطه و هتها بكره (النهارده) اعملهالك بس مقالش ده ممكن يبقى ايه.
ميكانيكى تانى عديت على قاللى مادام بتسخن مع ال rpm العالى يبقى بص الاول عند بتاع شكمانات على علبة الشكمان ممكن يكون فى حاجه مسدوده فى السكه و هى اللى بتعمل السخونيه دى و ان ماكنش ابقى هاتها اشوفهالك.

اسف على الاطاله بس قلت اشرح الموضوع بالتفصيل عشان لو حد يقدر يساعدنى و كمان عشان كلنا نستفيد من التجربه دى ان شاء الله و هبقى اقولكم ايه اللى حصل عند الميكانيكى.

شكرا على ردك
انا معتقدش انها ثرموستات لان العداد شغال كويس و فعلا العربيه بتكون سخنت بجد و المروحه كمان شغاله كويس.
المياه انا كنت حاطط ميا خضراء من فتره, بس هى لو المياه فيها حاجه ممكن تسخن العربيه على ال rpm العالى كده؟!

هو اكيد الميكانيكى هينظف دورة المياه و حتى لو العيب مش فيها انا هنظفها لانى منظفتوش من فتره كبيره قوى و يا رب المشكله تطلع بسيطه ان شاء الله

شكرا تانى على ردك يا باشا