تلاقي بس سواق ميكروباص بيفك عشرة خمستين من السواق اللى جنبه في موقف العاشر او تباع بيولع سيجارة من تباع بتاع ميكروباص تاني عادي يعني.
عرض للطباعة
تلاقي بس سواق ميكروباص بيفك عشرة خمستين من السواق اللى جنبه في موقف العاشر او تباع بيولع سيجارة من تباع بتاع ميكروباص تاني عادي يعني.
ايوا قصدي علي طلعة الدائري الي قبل قرية فلفلة
دلوقتي الناس بقيت بتيجي من الشوارع الجانبية وتقفل ,, دي غير فية ناس بتطلع عكسي من نزلة الدائري الي عند النفق الجديد مع التصليحات الي علي الكوبري والي زاد الطين بلة انهم دلوقتي بيركبوا غاز في الشارع بتاع فلفلة فكلة مكسر ,,
دا اقل مايجب اذا الشوارع فى اى مكان بقى فيها بال 4 صفوف انتظار واللى جاى عاكس واللى بيسلم على واحد فى وسط الشارع والتوك توك وعجل وناس بارده ومعندهاش دم تقف تشترى حاجه من عربيتها ( قسما بكتاب الله شوفت واحده وقفت قدام فرن افرانجى فى وسط الشارع عاوز تشترى عيش فينو وهى فى عربيتها )
وبياعين حطين حاجتهم وواخدين ربع الشارع واللى واقف بعربيه كارو واللى مطلع كراسى فى وسط الشارع للقهوه
وبعد ده كله مش عاوز مصر تبقى زحمه دا كويس اننا لسه بنتحرك
الفوضى واللامبالاه وعدم الاحساس واللى بيحصل بيأكدوا على ان ناس كتيره جدا جدا ماينفعش تمشى عدل الا لما تاخد على دماغها ويوم ماتغيب عن متابعتها متعملش الا كل فوضى وبواظان
عشان في تواجد مروري حصل امبارح والنهاردة
والسادة الميكروباصات اتسحب منهم رخص بالفعل
عند الحرفيين والسلام الطريق ماكنش بيمشي اطلاقا
امبارح فعلا كمان كان طريق مصر اسماعيليه (اتجاه القاهرة) كان واقف بطريقة أول مرة أشوفها .. كنت رايح الزقازيق فى اتجاه العبور و الطريق الناحية التانية كان واقف من العبور لحد السندباد تقريبا.
بجد القاهرة بقت حاجة صعبة جدا .. أنا كنت بخرج من شغلى فى الدقى من سنتين الساعة 5 و كنت ساكن فى المعادى .. كان ليه واحد صاحبى بيسافر الزقازيق كل يوم .. كان بيوصل قبلى .. عجبنى الموضوع سيبت المعادى و رجعت قعدت فى الزقازيق .. كنت بوصل بدرى عن المعادى و مستريح عشان كنت بسافر فى القطر .. و كنت بقرا قران بانتظام و كتب فى المواصلات.
بعدها بكام شهر نقلونا القرية الغبية.:no4:
بس فعلا اللى يعرف يستخدم المواصلات .. أفضل كتير من السواقة.
شوف ياباشا اسف معرفش اسم حضرتك (:
انت دخلت مريوطيه من ع فيصل هتفضل ماشي لحد ما يقبلك اول مزلقان تروح داخل شمال هلاقي شارع كبير اريح جي تمشي فيه لاخرة هتكون انت كدة عند شيشيني وطريق كعبيش عند شعبولا كدة
هتخش حتى عكسي صغيرا علشان في يوترن هناك وتكمل ع طول لاحد ما هتلاقي فى كوبري اامامك فى بقا يوترن قبل كوبير ع طول تلف وتدخل فى شارع اللى فى وشك ع طول بس خلي بالك وانت بتلف علشان فى بهايم بتبقى جيه سريعه مهم هتفضل واخد شارع دة لاخرة وهتلاقي شارع نازل بيك وهتلاقي مطلع فى وشك خش شمال هتمشي حبه صغيرين هتلاقي اول مطلع ع يمينك وتعامل بقا ... معلش ممكن تكون لفه غبيه شويا بس ارحم من تكير ووقفه وقرف اللى بتشوفه وعارفه دة وع فكرة شوارع اللى هتمشي فهيا كلها اسفلت وفيها بعض مطبات صناعيه مش اكتر
هوا بس شارع الاخير منقر حاجه بسيطه والله مستعان ....... معرف بقا عرفت اوصلك واشرحلك ولا لا؟ وع فكرة لو بتجي من فيصل وبتعدي ع طوابق اصلا تخش طابق ثالث لاخرة......؟ هيوصلك لما تم شرحه
شكرا يا استاذ عادل :)
انا اكتشفت كمان مكان جديد علشان تطلع الدائري ,,
عارف حضرتك النفق الجديد الي هو قبل المريوطية علطول ,, اصلا هناك فية نزلة كدا بتاعة الدائري للناس الي جاية من عند الرماية ,,
الناس بقي بتاخد المنزل ده وبتطلعة عكس !!!