لو جاى من اكتوبر او من حازم حسن او مطلع الدائرى من الصحراوى
فيه منزل للدائرى
بينزل فى الشارع اللى فيه النفق
بس خد بالك
فيه ناس تيت بياخدوه عكسى كمطلع
وانت كمان ليك وحشة يا دولا
عرض للطباعة
على فكرة الشيشينى ممكن يوديك المطبعة والطالبية
ولو حد يعرف طريق من المريوطية يطلع على الصحراوى يبقى قشطات بلبن بودرة
:ilikeit: حيشيش هاردتى يا احمد والله عارفه منطقه كلها هنا ك مطالع نزلات وتوهه واغلبها مكسر طريق
:baby25: ازي دة ياباشا مطبعه وطلبيه ازي بقا عللل....؟
اقولك
مش انت لو جي من ميدان لبنان وهتنزل نزله مريوطيه هتنزلها فل
وهتكمل ع طول مع نزله واول يوترن وتلف وترجع تانى هتعدي ع مدرسه الاورمان تقريبا وبعدها فى يمين ودة هيطلعك ع شارع البيبيني اللى فيه نفق؟ وفيه بردو نزله بتاعت دائري اللى ناس تيت بتخدها عكسي اوك دة لو خت يمين
اما اذا كملت ع طول
فى طلعه للدرائري تانى وهدي هتطلعك عليها توديك ع اكتوبر وصحراوي؟ وطريق اللى تجت يرجعك ع ترعه مريوطيه تانى....؟
كنت قلت لك انك لو جي بقا من شارع فيصل ودخلت مريويطه وخدتها ع اخرها تعدي ع فلفله وترعه شمالك تكمل ع طول وتمشي من جنب طلعه دائري اللى هناك من تحت ع طول هتوديك ع نزله اللى كلمتك عليها دلوقتى
فهمت حاجه ((:
يوم الخميس طلعت الدائري الساعه 3 العصر من عند طريق المدرعات ويادوب عديت الترب لقيتهم شغالين في كوبري وعشان اخد الحته دي اللي هي متكلمش كيلو اخدت اكتر من ساعه ونص
واجمالي من عند المنطقه الحره لحد نزلة الصحراوي حوالي ساعتين ونص
عايز اروح زراعي بعد كده- حد عنده فكره الدنيا بتبقي عامله ازاي ؟ انا اسمع من الزراعي عشان اروح الاسكندريه بتبقي زحمه قوي لحد بنها- الكلام ده صحيح ولاا يه؟
لو انا فى المريوطية
عند الشيشينى كدة
عايز انزل على الصحراوى
مش من فيصل ولا اطلع الدائرى
هل فيه طريق من تحت
الشيشينى لو خدته بيوديك شارع المنشية
شارع المنشية مكمل للطالبية
وهو مسفلت كويس
عيبه المطبات اللى فيه
خلاص بقيت اروح اخد الدائري من بعد الرماية :)
دي تالت مرة والطريق بيكون واقف لتحت بس مش بيعد اكتر من ربع ساعة لحد ما يفتح :)
انا بريح دماغى من كل ده وبسرح على كرداسه وبطلع على طلعه صفط على طول
طريق هادى وفاضى وبيريحنى من الحته الزحمه بتاعت الدايرى من فوق
بصراحة النزلة الجديدة اللى بتنزل من الدايري على جامعة القاهرة (شارع السودان)
بتنجز معايا في الوقت كتير خاصا لاني ساكن في اول فيصل فبتريحني من قرف الرماية والمريوطية والطوابق ... الخ
لسه جي من الاسكندريه للقاهره زراعي واخدت من كفر الدوار لحد قليوب ساعين الا عشر دقايق لحد كوبري قليوب واخدت من عنده لحد مطلع الدائري اكتر من نص ساعه بسبب الاغبياء اللي بيحملو من تحت الدائري
وبعد كده الدائري فضل سالك لحد داخلة المطار تقريبا وفي نزله وطلعه بعديها علي طول وفي النص اتوبيسات وميكروباصات واقفه برده اغبياء بين الطلعه والنازله وطبعا اللي طالع وعايز يدخل الدائري بيكسر شمال ويوقف الطريق خالص والشويه دوول خدت فيهم بتاع تلت ساعه برده
يعني كان المفروض من الأسكندريه لحد االمنطقه الحره في اقل من 3 ساعات - بصراحه نفسي اكسر الرقم ده
بس القاهره دي مش ممكن