محتاج أعمل نضارة؟ محلات إيه كويسة؟

**رزق** · 13-10-2011 12:04 AM

مين في مستوى مغربي (بس ارخص كتير؟) terry كويس؟

**رزق** · 13-10-2011 12:41 AM

في كمان c and co إيه نظامه

**SYD** · 13-10-2011 12:54 AM

تيري مستواه عالي جدا واسعاره مش حنينة ولا حاجة

عايز أقول لحضرتك ان النظارة مفيهاش حلو ووحش
المصدر واحد
العدسات كلها فرنساوي
المشكلة في القص
لأن العدسة بتيجي عبارة عن دائرة بقطر حوالي 10سم
وبتاع النظارات بيقصها علي شكل الشمبر
لو قص من الأطراف طبعا بتبقي الرؤية رايحة في داهية
المهارة انه يقصها ويخلي الجزء المطلوب هو سنتر الدايرة وطبعا يبقي في سنتر الشمبر

اتكل علي الله من عند أقرب واحد ليك ونصيحة هاتها زجاج مش بلاستيك واوعي تعمل انتي ريفلاكشن

كل دة اشتغال وهتتجرح وهتتشوه والأنتي ريفلاكشن هيقشر

كل دة في وجود أطفال
لكن لو هتحافظ عليها ومش هتحطها في الجراب يبقي البلاستيك مع الأنتي ريفلاكشن هيكون فعال وكويس

والف سلامة عليك

والله المستعان
،
،

**SaberMan** · 13-10-2011 01:24 AM

البلاستك أخف فى الوزن و كل ما يكون الشانبر خفيف و مش ماسك فى الجناب يكون أريح

بالنسبه للعدسات اللاصقه لا يفضل لبسها مده طويله أذا كان الاستعمال للخروجات يقبى تمام (لكن لا غنى عن النضاره العاديه)

**SYD** · 13-10-2011 01:54 AM

الزجاج اوضح ونقاءه اكتر بكتير من البلاستيك
هارد وورك
بيتحمل
مش بيتخربش
مريح اكتر للعين

انا بلبس نظارة داخل دلوقتي في 21 سنة
وبقولك الكلام دة عن تجربة وخبرة طويلة مع النظارة

والله المستعان
،
،

**M7amD_7amDy** · 13-10-2011 02:02 AM

أولا العدسات مش كلها فرنساوى ويوجد نوعيات كتير جداا منها فرنساوى وألمانى وصينى

والصينى بيشتغل فيه أغلب المحلات إن مكنش كلهم

والعدسات البلاستيك مريحة جدا فى اللبس وخفيفة بس يعيبها إنها بتتخدش بس ده على حسب الإستخدام

يعنى لو من النوع اللى بتحافظ عليها وتغسلها بالمية وتنشفها ببطانة قطن نظيفة عمرها ماهتتجرح

انما لو هتمسح العدسة وهيا عليها التراب هنا هاتتخدش

والأنتى ريفلكشن طبعا مش أشتغالات ولا حاجة دى طبقة ليزر من الداخل والخارج

وبتحمى العين لو قاعد قدام الكومبيوتر أو وأنت سايق ومنها أنواع برده والأخضر منها أفضل ومش بيطلع خالص

وبخصوص تركيب العدسات دلوقتى بقه التركيب أوتوماتيك يعنى العدسة تخش الجهاز تطلع جاهزة على فورمة النظارة :))

لو محتاج اى إستفسار تحت أمرك :)

**swimmer25** · 13-10-2011 02:04 PM

إزاي الانتي ريفلكشن مالوش لازمة يا جماعة
ليه لازمة جدا...
اولا لما تيجي تتصور وانت لابس النضارة..إضائة الفلاش هتتعكس وعينك متبنش لو مش انتي ريفلكشن
ثانيا لو إنت في أي مكان وفيه نور قدامك...اللي قدامك وبيبص عليك هيشوف انعاكاسات الاضاءة في عينيك وبتكون واضحة جدا..الانتي ريفلكشن مش بيعمل كده...وبصراحة بيكون شكل الانعكاسات دي وحش جدا
ثالثا بتخلي الرؤية أوضح لأنها بتسمح بمرور الضوء كاملا للعين وبالتالي بتريح العين وخاصة مع القيادة
رابعا مش بتخلي العدسة تصفر...عدسات الغير انتي ريفلكشن بتصفر بسرعة وده برده بيعتمد علي نوع العدسة نفسها

1- عدسات زجاج أحسن
2- طبعا تعمل انتي ريفلكشن أخضر لانه أحسن..
3- تغسل النظارة بالمياه عادي جدا بس متسيبش مياه تنشف عليها خالص عشان متعلمش في العدسات (أنا بغسلها بالصابون كمان) وتنشفها دايما بقماشة قطنية نظيفة..(دايما متستخدمش المنديل اللي معاها لما يتوسخ لانه بيبوظها أكتر..ومتدعكش العدسة جامد)
4- خلي معاك دايما نضارة احتياطي ودي مش لازم تكون انتي ريفلكشن ومش لازم تعملها غالية...ممكن ام 60 جنيه دي...بس عشان تستخدمها اذا حصل اي حاجة في النضارة الاصلية

لو افتكرت اي حاجة تانية هبقي اقولهالك...بالتوفيق

-

الموضوع: محتاج أعمل نضارة؟ محلات إيه كويسة؟

LinkBack

أدوات الموضوع

عرض

-

-

-

-

-

المواضيع المتشابهه

عاوز أعرف محلات عطور كويسة

محتاج اشتري كرسي اطفال للسيارة ماركة كويسة من فين ؟

محتاج اكسسوارات للشادو 400 تكون اسعرها كويسة

محتاج عربية بيجو 504 بحالة كويسة جدا

محتاج ابيزا كويسة ف حدود 33000! ياترى ممكن

الكلمات الدلالية لهذا الموضوع

المفضلات

المفضلات

ضوابط المشاركة