ها يا شبااااب ايه الاخبار
واخبار الريموت الجديد ايه
والصفقة القنبلة دى
ياريت كل عضو نقل الريموت القديم الى الجديد يقولنا انطباعه ورائيه
وايه اللى حصل معاه
تحياتى ومستنى مشاركتكم
ها يا شبااااب ايه الاخبار
واخبار الريموت الجديد ايه
والصفقة القنبلة دى
ياريت كل عضو نقل الريموت القديم الى الجديد يقولنا انطباعه ورائيه
وايه اللى حصل معاه
تحياتى ومستنى مشاركتكم
السلام عليكم
كيفكم يا صقووووور
لالالالا الحمد لله ..... زي الفل ماشاء الله لا قوة الا بالله
اخيرا حسيت ان العربية بقيت عربية محترمة ههههههه .... فاضل بس مثبت سرعه ةتقلب ألماني :)))
انا فعلا كنت خايف من موضوع الخامة بتاعته وهايطلع من حاجات الصين الفكسانة
واصلا كانت ايدي علي قلبي ليكون اشتغاله والفلوس ياخدوها مننا ... بس الحمد لله
الريموت خامته رووووووووعه واعتقد مفيش احسن من كده ... تقفيله ممتاز وخامته محملة و الجزء اللي فيه السلاح جامد ومحترم ومش سهل يتكسر ماشاء الله
انا مسكت ريموت الفانتازيا والريموت ده ...... فعلا مفيش فرق خامات ولا فروق تقفيل ابداااااا ...الا الجزء اللي فيه السلاح مخدوم حبة زيادة
و شكله شيك جدا ماشاء الله ..... ربنا يباركلنا في الشناوي انه فكر في الموضوع ده والاعضاء كلهم استفادوا وتقريبا اعضاء نايل موتورز في مصر كلها هما اللي ماسكين الريموت وديه لوحدها حاجة في حد ذاتها شئ كوييييييييس جدا .
ربنا يديم المعروف .... يارب العالمين
http://img194.imageshack.us/img194/3038/dsc00851uh.jpg
ابعاد السلاح اللي جايه مع الريموت اعرض حوالي ملي من ابعاد السلاح بتاع الريموت
و ده بيخالي ناحيه واحد بس اللي تشتغل و انا الباب اشتغل ناحيه واحد و الكونتاكت نفس الكلام و الشنطه مافيش خالص
لانه من الواضح في الصوره مع الاماكن اللي انا معلم عليها الفرق واضح و يوم الاستلام قولت لمحمد الشناوي كرمه الله علي اللي لاحظته لانه وراني المفتاحين بس هو كان شفرات المفاتيح اللي معاه فيهم ناحيه مترحله عن ناحيه حوالي 2 ملي فمكنش عايز يفتح خالص
لكن انا لما عملته كان كويس بس ناحيه واحده هيا اللي شغاله بس و الشنطه مافيش خالص
فجيبت البكوليس (اداه بنقيس بيها الميلي مترات) كانت عنده و قسيتها لاقيت فيها ملي تقريبا فكده المفتاح مش هايظبطه علي المكنه خاااااااالص
السلاح ده موجود بيتاع جاهز علشان فيه حته كده محفوره بالعرض بتبات فيها التيله بتاعة الريموت مش انه يجيب مفتاح و يقطع و يحور فيه هو لو عنده السلاح اعمل عنده ماعندوش شوف غيره
ياحسين انت السلاح بتاعك مش حلو فياريت تجيلي اعملهولك كويس لانه معوج و شكله مكنش عاجبني امبارح بس انت عارف الواحد كان عامل ازاي يومها
السلام عليكم ورحمة الله وبركاته
انا والله لسه ما عملتش السلاح
عاوز اعمله واحتمال اروح بكرة لواحد شاطر يحاول فيه ويعملو وربنا ييسر الحال ..
بس لو ما عرفش يعملهولي ممكن انزل القاهرة علشان اعمله بقى ... لان خسارة حاجة قيمة زي كده الواحد يبوظها علشان حاجة بسيطة
وربنا يباركلنا في الباشمهندس محمد الشناوي ويجعله في ميزان حسناته,,,,, اللهم امين
ازيك يا رجالة
امبارح بعد اما رجعت باليل نقلت الشريحة فى الكيت وجهزته تمام التمام من غير ما السوستة تفك زى ما احمد عمل قدامنا فى المقابلة
واول حاجة عملتها الصبح انى اروح عشان اطلع نسخة ع المفتاح
اول ما الراجل مسكه بص فيه وقالى ده اصلى مش كده مكتوب عليه نيسان اهو ؟
هههههههههههههههههههه طبعا ما قدرتش امسك نفسى قولتله اه بس مش من التوكيل ده جايلى من برة مستورد من الصين
سألنى عن سعره وقولتله 100ج بس يسوى اكتر من كده
قالى انه كان عنده حاجة زيه كده بس ما اشتغلتش وكانت اغلى
اكيد كانت زبالة عشان كده ما سالتوش عن سعره كان كام
المهم خلصنى بقى ياعم انت وطلعلى النسخة
عمل ناحية من المفتاح وجه يعمل التانية لقى البلاستيكة السودا بتخبط فى المكنة
قولتله فك السلاح من البنز ده
قعد يبرد فى مسمار عشان يعرف يطلع بيه البنز
المهم طلعه وقالى نفس الكلام اللى قاله محمد الشناوى انه ضعيف عشان صينى ونصحنى افتح واقفل العربية والشنطة بالريموت ويادوب استعمل المفتاح فى الدوارة وتكون براحة عشان ما يتقطمش فى الكونتاكت
المهم عمله وركبه وجربه وقعد يزبط فيه كده بالمبرد ومشيت بعد اما اديتله 10ج
بصراحة احساس تانى خاااااااااالص
كأنى راكب العربية زيرو من جديد والمفتاح شكله شيك ومحترم
ربنا يجازى اللى كان السبب
انا اول حاجة عملتها الصبح النهاردة انى نزلت عملت نسخة المفتاح عند واحد عندى فى بنها بعد ما كنت ركبت الريموت امبارح واشتغل 100 فل وعشرة الحمد لله
طبعا شكل الريموت تحفة ومبهر لدرجة ان الراجل اول ما شافه قالى ده اصلى محفور عليه نيسان اهو وجيابه بكام ومنين
طبعا كنت مخنوق من اسئلته وصدرتله الوش الابلاكاج وقولتله ب100ج وجايلى من برة من الصين ومش موجود فى مصر اصلا
طلع كان عنده نوع تعبان وما اشتغلش عنده وبطل يجيبه
المهم هو عجبنى فى حاجة طريقته فى الشغل بينت انه محترف
تأكيدا وردا على كلام وليد فعلا السلاح مختلف عن الاصلى لانه اعرض
هو عمل جنب واحد من المفتاح وجه يعمل التانى الماكنة ضايقته من جسم الكيت
قولتله مغلب نفسك ليه فك السلاح ووريته مكان البنز وفكه بمسمار رفيع
على فكرة المفاتيح التانية السوستة دى بيبقى السلاح متركب بمسمار او اتنين رفيعين مكان البنز ده
المهم عمل الجهة التانية وجربه قبل التركيب على كالون الباب والشنطة والكونتاكت
وبعدين ركبه بعد ما قعد يبرد فيه بالمبرد وجاب المقياس ده اللى وليد قال عليه وقاس الحتت العريضة وزبطه قد ما يقدر وبقى تمام التمام
بس برضه علق على خامة السلاح الصينى انه ضعيف زى ما محمد الشناوى قال وقالى لو جراله حاجة هاته ونغير السلاح بس كان بيتكلم على مفتاح اسبانى ويقطعه ويخرطه مش جاهز زى ما وليد قال
المهم شغال 100 100 ودفعت 10 ج ومشيت
احساس تانى خااااااااااااااااااااااال ص ما يتوصفش وانا ماسك المفتاح الجديد وقوته وحلاوته ما شاء الله
انا كنت واخد كيت اضافى لواحد زميلى فى الشغل
كلمته وقولتله عليه فرح اوى وجالى باليل خده منى وركبتله الريموت فيه وقفلته من غير ما السوستة تفك منى زى ما احمد رحيم عمل فى المقابلة وشكله تحفة جدااااااااااا
راح يعمل السلاح عند واحد تانى غير بتاعى جه يفك البنز وعمل السلاح ولما ركبهوله تانى لعب فى ضغطة السوستة مش عارف ازاى
المهم لقيت صاحبى بيكلمنى بيقولى السلاح ما بقاش يتفتح بضغطة واحدة زى الاول عاوز يتشد ع السوستة من تانى
قولتله خلاص بكرة اشوفهولك واعمله باذن الله
ودلوقت بعد نجاح التجربة بحمد الله
وبعد ما الزملاء فى الشركة يشوفوه معايا ومعى زميلى
احب اقولك يا ابو حميد اعمل حسابك على 100 كيت فى الشحنة الجاية مبدئيا
وممكن نستورد ونسوقه احنا بمعرفتنا سواء هنا فى المنتدى او فى محلات المفاتيح او حتى التوكيلات
بس قول يارب يا مسهل
السلام عليكم ورحمة الله وبركاته
انا بقي لسه بدور علي واحد كويس اخرط المفتاح عنده
يا ريت يا وليد تقولي الراجل اللي انت عملت عنده فين واسمه ايه بدل ما اعك الدنيا
انا عملته عن واحد في فيصل اسمه المهندس في العشرين ماخدش في ايده دقيقتين و الحمدلله اشتغل من اول مره فتح وقفل و شنضه و كونتاكت وما علقش على السلاح ولا حاجه انو صيني او كدهو كان بيقولي لو تعرف تجبلي منه هاشتري منك d: لو قريب ليك هوا جنب مدرسه حسام الدين
ز عليكم السلام و رحمة الله و بركاته
استاذ احمد ..... ازيك ياباشا معلش بعتذر لحضرتك عن يوم المقابله و الحاله السيئه اللي الواحد كان فيها
بالنسبه للمفتاح زي ماقولت لحضرتك بالظبط هتلاقي عنده سلاح هابقي اصوره ان شاء الله لما ييجي او فاكر لما استاذ محمد الشناوي كان معاه الريموت و السلاح القديم هو هايبقي كده علشان المجري بتاعة البنز اللي في الريموت تبات كويس فيه لكن لو هايقطع مفتاح و يأيفه عليه ماتعملوش
انا اللي بعمل عنده في مصر الجديده عن نادي هيليوبليس اسمه كوكو حضرتك شوف حد قريب ليك لو ده بعيد عنك
انا عملتة
والراجل اعد يسأل جبتة منين والحوارات دي
قولتلة قبل ماتشتغل هل ينفع السلاح دة ولا مش هيشتغل
قال هنجرب
راح عملة بدقة شوية وقام صاحب المحل هو الي عاملة
وبردة وجرب واشتغل من اول مرة
بس شكلة قال عليا ابن ناس وفرفور اخد 25 جند بالعافية
وكان عاوز حلاوة الكيت
قالي ياباشا انت ماسك حاجة محدش ماسكها
اة نسيت اقول
دة كان فاكر ان العربية اوكتافيا في الاول لما شاف الريموت
ونسيت اقول هو غير السوستة علشان كانت ضعيفة ومش عدلة في الحلزون بتاعها
والي حاطها صراحة اطول واقوي تحس انك بتفتح مطوة
أنا لسة هعملة بكرة ان شاء الله فى مصر الجديدة
يا جماعة نقل الشباية مش محتاج لمحل ولا حاجة
ممكن تعملوه فى البيت .. تفكوا الريموت وحد يكون معاكم ويسند من الجنب السلاح ويخليه مقفول .. وواحد تانى ينقل البطارية والشباية .. وده اسهل حاجة .. وتروحوا المحل يفك السلاح من غير ما يفك الريموت اصلا .. ويخرطوا
او لو حتخلوا المحل ينقل الشباية يعملها بالطريقة اللى قولنا عليها بدل ما يفك السلاح من الجنب بالسوستة
واذا السوستة اتفكت من حد لما يركبها زى ما وضح محمد بردوا يلفها كذا مرة بالسلاح زى ما وضحنا فى الفيديو قبل كدا عشان تبقا مضغوطة جامد والمفتاح يفتح بسرعة من الجنب
تحياتى
ان شاء الله اكتب التجربة قريبا .. مبروك يا شباب
انا كانت السوستة مش حلوة خالص والفتح والغلق بتاع السلاح كان تعبان قوي ودة حتي قبل تركيب الشيبة
علشان كدة بتاع المفاتيح غير السوستة
هو محل قدام قسم م نصر الي في شارع النصر
بص يا سحس باشا
انا لما اخذت الحاجة منك لقيت بتاع
لما بيفتح تحس ان في شوية تأخير يعني بطيئ شوية
قلت مش مشكلة ابقي الف السوستة زي ما الدكتور شناوي قال
ركت الشيبة كلة تمام
بس السوسصتة تحس انهي مش قوية زي المفاتيح الاصلي
روحت للراجل دة بتاع المفاتيح
كان بيقفل قلتلة معلش انا مش فاضي اجي بكرة
بص علية الصتايعي شاب صغير واغد يرغي وهنفك وهنركب وكلام كتير
راح قام صاحب الحل لبس النضارة
وقالي هعملهولك ومتقاقش
عملة وبردة
وقالي خد جرب ومن النهبتين
كان شغال فلة شمعة منورة
وهو بيفتح وبيقفل السلاح قالي السوستة دي تعبانة هغيرهالك
فك الكيت وعمالها في ثواني
السوستة الجديدة اطول والحلزون اقوي واكتر علشان كدة بيها قوة في الفتح
حتي لما تيجي تقفل تحس بقوة السوستة وانت بتضغط علي الجزء البارز
اخد كلة 30 جند وانا صراحة كنت مبسوط ولو قال 50 كنت هديلة
بالرغم انة مبالغ في السعر
بس لما لقيت ان الموضوع ماشي حلو قلت مش خسارة
والواد بلية عندة بيقلوا يسطي اليموت دة ماشوفتوش قبل كدة
واعتقد الراجل الي انت عملت عندة مش حلوا
ممكن تفك السلاح بتاعك وتغيرة وتغير السوستة
بص يا سحس باشا
انا لما اخذت الحاجة منك لقيت بتاعي
لما بيفتح تحس ان في شوية تأخير يعني بطيئ شوية
قلت مش مشكلة ابقي الف السوستة زي ما الدكتور شناوي قال
ركبت الشيبة كلة تمام
بس السوستة تحس انهي مش قوية زي المفاتيح الاصلي
روحت للراجل دة بتاع المفاتيح
كان بيقفل قلتلة معلش انا مش فاضي اجي بكرة
بص علية الصتايعي شاب صغير واغد يرغي وهنفك وهنركب وكلام كتير
راح قام صاحب المحل لبس النضارة
وقالي هعملهولك وماتقاقش
عملة وبردة
وقالي خد جرب ومن النحيتين
كان شغال فلة شمعة منورة
وهو بيفتح وبيقفل السلاح قالي السوستة دي تعبانة هغيرهالك
فك الكيت وعمالها في ثواني
السوستة الجديدة اطول والحلزون اقوي واكتر علشان كدة بيها قوة في الفتح
حتي لما تيجي تقفل تحس بقوة السوستة وانت بتضغط علي الجزء البارز
اخد كلة 30 جند وانا صراحة كنت مبسوط ولو قال 50 كنت هديلة
بالرغم انة مبالغ في السعر
بس لما لقيت ان الموضوع ماشي حلو قلت مش خسارة
والواد بلية عندة بيقلوا يسطي اليموت دة ماشوفتوش قبل كدة
واعتقد الراجل الي انت عملت عندة مش حلوا
ممكن تفك السلاح بتاعك وتغيرة وتغير السوستة
متشكر اوي يا شناوي على الريموتت
بس مش عارف اخرطو عند حد تعرفلي حد كويس
والبرمجة عند مين
http://www.car-addicts.com/wp-.........rbo_remote.jpghttp://www.car-addicts.com/wp-.........rbo_remote.jpg
http://www.car-addicts.com/wp-.........rbo_remote.jpg
ده شكل الريموت نسيت احطو
http://img263.imageshack.us/img263/5...nneturbore.jpg
مع احترامي الكامل للراجل صاحب المحل العظيم ده
اول مافتحت الكيت اول ماخدتها اتفرج عليها وانا في البيت بقي علي رواقه اكتشف ان فيه ماده لزجه محطوطه بين السلاح و البلاستك
قومت ماسحها و بعدين بعد ماعملت المفتاح و شغال ناحيه واحد (خالي بالك من النقطه دي) ركبته في السوسته و جيت اقفل و بفتح لاقيت السلاح مش بيطلع بالكفاءه اول ماخدته و ضعيف اوي بيطلع ربع طالعه كده و بعدين قومت فاكك الريموت تاني و لفيت السوسته كمان لفتين اتعوجت في ايدي قولت زي الفل طبعا حوارات و ثوارات و جوالات دامت فتره علشان اعدل السوسته تاني و الحمد لله اتعدلت و افتكرت الماده اللي كانت بين السلاح و البلاسيتك (منطقة الاحتكاك) قومت لافف السوسته لفتين زي الاول و قفلت الريموت تاني لكن المره دي قومت حاطط تقطتين زيت علي منديل و حاطيهتم في نفس المكان و السلاح الحمد لله بقي بيطلع بالسرعه المطلوبه اول ماخدته
انا عامل السلاح علي فكره بخمسه جنيه و راجل مكنش عاجبه اني هامشي بناحيه واحده مع ان حظي ان الناحيه اللي شغاله كانت واجهة الزراير لفوق فقولتله يستحيل هافتح الباب او الكونتاكت و واجهة الريموت لتحت لاني كده كده هابقي ماسكه كده
فالمهم اخد نمرتي و قالي هاجيبلك السلاح و اكلمك
لافيت علي كذا واحد مشهور بتاع مفاتيح معندهمش الخامه خالص حتي كوكو اللي قولت عليه ده البوب قالي الخامه دي مش بتنزل لوحدها لازم بتيجي مع الريموت و الحل البديل اني اقص من مفتاح و حوار
قولت الحمد لله علي ناحيه واحد و خلاص
انا مع حضرتك بس السوستة كانت جاية تعبانة و معوجة
ومع لفها بقت تعبانة قوي وبقت شبة بتاعتك
فا انا لقيت فرصة ان الراجل عندة واحدة اطول وشكلها اقوي
فابعد تركيبها الريموت بقي اقوي وتحس بية في الفتحة ان السوستة بقت اقوي
عاوزين من الدكتور محمد لو طلب طلابية تانية انهم يبعتوا سوست احتياطي
وان السلاح يبقي زي المفتاح الاصلي
الحمد لله يا شباب انا روحت النهاردة وعملت المفتاح علي نفس سلاح اللي جي مع الريموت اللي جه من الصين وتمام التمام
بصراحة مش عارف اشكركوا ازاي ، الحمد لله ركبيت الشيب في الريموت وشكله جااااااااااامد جدا مع العلم باني ركبت الجلدة السودة اللي جت مع الريموت الجديد
انا كان عندي مشكلة في الشيب قبل مركبه في الريموت الجديد لان الزراير كانت مصدية وده كان متقل الزراير أوي
وسمعت كلام أ/ أحمد ورحت النخيلي بس لأسف لما رشها بالاسبراي مشتغلش خااااالص غير زرار الشنطة
المهم رحت للمنقذ الكهربائي بتاعي ... مهندس بيفهم في كل حاجة في دنيا العربيات هو راح غطس الشيب في البنزين وقعد يدعكها بفرشة سنان ... هو عمل كدة أنا قولت بس الريموت باظ هو قاللي متخافش ..... بس بصراحة الريموت بعد كدة اشتغل جاااااامد وأحسن من الجديد وشفت الشيب كانت بتلمع زي الجديدة
المهم هو شاف الريموت الجديد وعجبه قوي وقاللي أركبهولك قولتله لأ انا هاعمله وفعلا عملته الموضوع سهل خصوصا لما شفت أ/أحمد ربنا يكرمه بيركبه في المقابلة
بكرة ان شاء الله هروح اعمل السلاح .. الكهربائي قاللي على واحد في القصر العيني قصاد معهد السكر أظن وقاللي هو جامد وهيعمللي كل اللي انا عايزه (هاسأله على قوة السلاح والسوستة)
الحاجة اللي زعلتني انهاردة ان العلامة بتاعة نيسان اتكسرت وانا بحطها من ناحية الn من عند المسمار :(
بجد والله يا جماعة انا اتشرفت بمعرفتكوا وان شاء الله معاكوا في طلعات أو شحنات أو مقابلات تانية
السلام عليكم ورحمة الله وبركاته
الحمد لله يا جماعة روحت النهاردة عند واحد عندنا في الفيوم بتاع مفاتيح وكان الحوار كالآتي :
عاوز اعمل نسخة من المفتاح ده يا ريس بس علي سلاح تاني لأن السلاح ده ما بيشتغلش ع العربية بعد ما يتنسخ....
الصنايعي : ومين اللي قال كده يا باشا ...
ألعبد لله : أصحابي في القاهرة عملوه وما نفعش ... بيفتح جنب من العربية وما يفتحش الجنب التاني ولا الشنطة...
الصنايعي : هههههههههه ( وبنظرة مملوءة بالسخرية ) هات يا باشا المفتاح .... وأخد المفتاح الأصلي وعمل منه نسخة ع السلاح بتاع الريموت الجديد ...( والله يا جماعة ما أخد في ايده 2- 3 دقائق ) ]...... يلا يا باشا نجرب .... وكانت المفاااااااااااااااااجئة ..... المفتاح بيشتغل وبيفتح كل الأبواب والشنطة وبيدور العربية وشغااااااااااااال ( زي السكينة في الحلاوة ) وعلى وجهه ( أي الصنايعي ) ابتسامة بها مزيج من التهكم ونشوة الانتصار ( زي ما يكون حرر سيناء ) .... وأنا جنبه في غاية الكسوف وغاية الفرحة .....
المهم رجعت معاه اتلكك عليه واقوله المفتاح تقيل شوية ....
قالي : اصبر يا باشا لما يطبع وهيبقي تمام ....
قلت : يا ريس ابردهولي بالمبرد شوية .....
قال : يا باشا اصبر وهوو يبقى تمام ....
قلت : يا عم اسمع الكلام ...
وبالفعل سمع الكلام وبردو وفعلا المفتاح بقى أنعم بكتير من الأول وتمام التمام
كام يا عم حسابك ....
خلي علينا يا دكتور ...
شكرا يا ريس ....
خلاص يا باشا .... 10 جنيه بس
شكرا يا نجم ... اديني بقى رقم تليفونك واخدت رقم تليفونه ... وأضاف إنه ممكن يعمل المفاتيح المشفرة وبيعمل نسخ ع الكونتاكت لو المفتاح الأصلي ضاع .... وكتييييييييييير
والحمد لله المفتاح تماااااااام لحاد دلوقتي وما عملش اي مشاكل خاااااالص
ماعلهش طولت عليكم بس انا والله فرحان جدا بالريموت وفرحان اكتر بالاكتشاف ده اللي ممكن يفيد المنتدى كله ....
منتظر اي استفسار وتحت أمركم يا احباب الصقور.... ومش عاوز اطول عليكم اكتر من كده
حلوة فكرة مثبت السرعة دي ... في امكانية لتركيبها ولا ايه؟
أه نسيت ابعت شكر خاص جدا للأستاذ محمد الشناوي على تعبه معانا وربنا يكرمه ويجازيه بكل الخير
يالهوى امال انا حاعمل ايه فى قنا ؟ دة احتمال يقلبوهولى مصاصة او طفاشة
اليكم القول الفصل فى السلاح والسوستة
مفتاحى زى الفل وركبته وركبت بتاع صاحبى بطريقة اخونا احمد رحيم يعنى فك وتركيب الشيباية بدون فك الزرار ولا السوستة وده افضل بكتير قوى لأن زبط السوستة متعب شوية
بس النهاردة لقيت صاحبى لما طلع السلاح عند واحد غير اللى روحتله بوظله السوستة لأنها لفت منه حوالين نفسها والسلاح مش راكب وبالتالى قوته ضعفت ومبقاش يتفتح بسرعة
ماكدبتش خبر طلعت عليه وعملت اللازم
الاول جربت افك البلاستيك تانى والف السوستة من جوة والريموت مفتوح الموضوع فشل فشل ذريع
اسهل واجمد طريقة وهو راكب بالمسامير
عليك وعلى البنز اللى ماسك السلاح فوره بابرة او بسن رفيع واسحبه ببنسة من الناحية التانية
ولف القرص الماسك للسلاح حوالين نفسه لفة او اتنين حسب القوة اللى عاوزها عكس اتجاه عقارب الساعة واسنده بطرف صابعك وركب السلاح وركب البنز وكله يبقى تمام
المشكلة طلعت فى الفتك ابو العريف اللى عمله السلاح داس ع الزرار والسلاح مش راكب فلف حوالين نفسه لجوه وضعفت السوستة
نقطة اخيرة احب اوضحها وأأكدها ان الكيت دى تحفة بدون مبالغة وفعلا رفعت من شأن الصنى جداااااااااا وباين من المشاركات ان كل اللى رحنالهم نطلع عندهم السلاح باختلاف اماكنهم وكفائتهم اجمعوا على جودته وكله سأل على سعره وكله اداله سعر اغلى من 100ج وموضوع السلاح ضعيف ولا قوى ده حسب طريقة عمل النسخة ع المفتاح الاصلى وحرفية الصنايعى ولو حصل وباظ ايه يعنى لما يتغير المهم ان الكيت سليم وشيك ويجنن
تسلم يا شناوى باشا وفى انتظار التحف التانية اللى ناوى عليها المرات الجاية باذن الله
ههههههههههههههههههههههههه هههه
ما تخافش يا باشا
استفيد من خبراتنا واعمل اللى قولنا عليه وكفاية انك تروح لواحد بتاع مفاتيح عربيات وبس
ركب انت الريموت ولو امكن تفك البنز وتخلع السلاح وتروح بالسلاح بس تنسخ عليه المفتاح وابقى ركبه تانى عشان كل واحد بيشوف الكيت بيفتى فى كل حاجة ويحسسك انه شايف اختراع جديد ولا حاجة
لا يافندم انا اللى فهمته من كلام وليد ان مقاس السلاح الجديد غير السلاح اللى جاى فى الكيت عشان كده عمله من ناحية واحدة عشان يقفل كويس
انما كلنا عملنا المفتاح من الناحيتين طبعا وشغال وبيفتح كل حاجة
فى الاول والاخر دى حرفية صنايعى
انا مثلا بتاعى مختلف عن بتاع صاحبى وهما الاتنين كانوا واحد فى الاول
بتاعى مبرود كويس وما بيحكش فى البلاستيك وبيفتح ويقفل بسلاسة
انما بتاعه مخربش واصفر لونه شوية من التخبيط والدقدقة عليه عشان الاخ اللى عمله بعد ما ركبه لقاه بيحك فى البلاستيك !!!
فعلا الرك علي الصنايعي اللي هايعملك السلاح
انا مثلا الصنايعي بتاعي نقول 50% هو خرط الناحيتين بس ناحيه واحده بس هيا اللي شغاله و التانيه لأ و الحظ انها طلعت الناحيه المواجه لوش الريموت فكده الحمد لله مش هحتاج اغير سلاح
هو قالي ان المفتاح ابعاده مختلفه و المكنه مش هاتعرف تظبطه و ده صحيح (مكنه موديل قديم اوي)
صنايعي تاني مافيش اي نوع من الاحترافيه فبوظ السلاح و جاب سلاح تاني او مفتاح و قطعه
صنايعي تالت زي الاستاذ atefadel عمل عنده اللي قدام قسم مدينة نصر و ده 100% ماشاء الله عمله تمام و الناحيتين شغالين زي الفل .... كده يعني وانت و حظك بردوا
فى البدايه بشكر الدكتور الشناوى على تعبه والاخ احمد تى فى والدكتور يوسف على ذوقه واخلاقه العاليه .الريموت استلمته من الدكتور يوسف وهو وضحلى بعض الامور الفنيه .المهم خدته وروحت لصنايعى فى شبين يابشوى بازار الجمهوريه لقيت عندهم نفس الريموت بالمفتاح لماركات تانيه واختلفنا ان المفتاح مشفر والنسخه مش حتشتغل طلبت انه يعمله ونجرب يس اضطرينا نفك الريموت ونخرج السلاح وننسخه وقمنا كمان ناقلين الريموت القديم فى الجديد وجربته اشتغل زى الفل ابواب وشنطه وكونتاك يعنى زى السكينه كده فى الجاتوه واتكلف عشره جند وجندين بقشيش بس بصراحه ممتاز
السلام عليكم احلى صقور , اولا بكرر للمرة العشرين شكرى العميق للمحترم محمد الشناوى على ذوقه واخلاقه الرفيعة بجد راجل محترم وتشرفت بمعرفته , استلمت الريموت وقمت بنقل محتويات القديم فى الجديد مع خرط المفتاح وشغال تمام التمام بس المفتاح بيعض سنه كده وهوه داخل الكونتاكت بس مش مشكله , المهم ان الريموت شكله تحفه وشيك جدا بجد الواحد حاسس انه جاب عربيه جديده , مع ان العربيه اصلا بقالها 4 شهور بس , لكن الريموت فعلا ادالها طعم تانى خاااااااااااااالص , مبروك لكل من اقتنى التحفة الجديدة وعقبال اللى لسه لم يمتلكها
انا بكرر شكري للدكتور شناوي والواحد سعيد جدا أنو اتعرف علي الناس المحترمة في المقابلة انا كنت واخد 2كيت واحد ليا واحد لصديق انا ركبتهم ونقلت الشباية وكلة تمام بس السوستة فوتيت مني في الأتنين بس الحمدلله فى واحد بتاع مفاتيح جنب البيت بصراحة خدمني انا وصاحبي وغيرلنا السوستتين بسوسستتين اقوي واشتغل الريموت بدون مشكلة وشغال ناحيتين زي الاصلي الراجل دة محترف بصراحة وعندة كيتات لانواع سيارات مختلفة ماعدا الصني وخد مصنعية 25 ج في الاثنين المشكلة بالنسبة لي لما اجي اغير البطارية هبقى اوديهولوا عشان السوستة متفوتش مني تحياتي للجميع
فعلا الكيت الجديد اضافة جديدة وجميلة للصنى وكأنى راكب عربية تانية او عربية زيرو جديدة مع انها معايا بقالى سنة ونص
يوسف باشا الف مليون شكر على تعبك الريموت وصل بالسلامه و الف مليون شكر بجد انت انسان محترم و جزاك الله كل خير
سؤال بقى يا ريس انت عملت نسخه على المفتاح النبيتي ولا المفتاح الاسود
حتقولي و هل يوجد فرق
حقولك اه المفتاح النبيتي مش بيفتح الشنطه لكن الاسود بيفتحها