مطلوب خدمة من اصحاب ال405و 505 في المنتدى

**magdykorashy** · 13-10-2011 11:50 AM

السلام عليكم و رحمة الله
اخواني الاعزاء. بفضل الله و نعمته حصلت على الدكتوراه من جامعة نوتنجهام بانجلترا. و هرجع مصر قريبا ، علشان كده كنت عاوز 405 او 505 كويسة ومن اصل طيب لم تهان بحمل شكاير اسمنت او كراتين سيراميك . وتكون اساسياتها نظيفة. و طبعا الباور و التكييف يكونوا شغالين. لو عربية مرسيدس معدل نضيفة تبقى فل قوي برضه.
ارجو من اعلام منتدى البيجو زي دكتور مزيراتي او الاستاذ نور او المهندس صاحب ال406 اللي كان عنده 405 قبلها المساعدة. انا من ميت غمر و شغلي في الاسماعيلية. يا ريت اقدر اتعرف على الاخوة من الدقهلية-الشرقية-الاسماعيلية قريبا. وان شاء الله اي مقابلة في هذا النطاق حتلاقوني فيها اذا كان في العمر بقية. انا بقالي 3 سنوات متابع المنتدى بشكل منتظم بمعدل 3-4 ساعات و قرأت معظم الموضوعات و استفدت جدا من مهندس سبعاوي و مهنس اياد بتاع اسماعيلية. يالله سلام بقي طولت عليكم

**magdykorashy** · 17-10-2011 10:36 PM

متشكر جدا يا جماعة, مشاركاتكم في الموضوع و نصائحكم أفادتني جدا.

**MASERATI** · 18-10-2011 01:10 AM

السلام عليكم و رحمة الله و بركاته

بقى أنا من أعلام منتدى البيجو, الله يكرم أصلك و يجبر بخاطرك و ألف مليون مبروك عالدكتوراة و عقبال جايزة نوبل ان شاء الله.

أنا من رأيى أنك تدور على مرسيدس معدلة 200, أفضل من ال505 بكتير و دى من الصعب أنك تلاقيها و أنت فى انجلترا, ان شاء الله, لما تيجى بألف سلامة, ممكن تلاقيها, أنا بلاقى على الموقع ده, مرسيدس معدلة 200 كتير بيتباع, الرك على السمكرى اللى تاخده معاك و أنت بتتفرج عالعربية عشان ماتقعش فى حاجة مغيرة نص و لا مقلوبة و الحاجات دى, لأن النصب بقى كتير أوى.

www.fabreka.com