لان نظام الفرامل (الديسكات)
اكثر تكلفة في كل حاجة
وفي المقابل أداء أفضل
(بس عموما أداء الفرامل في الصني جيد جدا)
عرض للطباعة
هو ايه الفرق بين الديسكات و الطنابير
بس لو فعلا طنابير هزعل جدا عشان كنت عايز اركب جنوط و اجيب كفر Brembo لونه أمر :(
على فكرة التيل الخلفي أغلى من التيل الامامي وبيقعد اكتر من 100 الف كم لان الحمل كله على الامامي.
من رأيى مش هاتفرق كتير اوى بين ديسكات ولا طبلة
لأن اساس فرملة العربية بيبقى معتمد على الديسكات الامامية واحسن نوع فيهم هو الديسكات المهواة ventilated discs
وعمرنا ما شوفنا فرامل امامية طبلات !!!
وموضوع abs ده فايدته الحقيقية هى فرملة الطوارىء لمنع زحف العربية وقفش الفرامل غير كده مش بتستفاد بيه فى الفرملة العادية
وفعلا فرملة الصنى قوية مقارنة بمنافسيها
هو في الصني
الامامي يقارب سعر الخلفي(تقريبا مفيش فرق في السعر)
لكن في الغالبية العظمي من السيارات التيل الأمامي أغلي ويرجع ذلك الي اختلاف شكل التيل
وبيكون في الامامي كاليبر(ديسك)
وفي الخلفي بيتعشق في الطنبورة(درامز)
وذلك لاختلاف انواع الطنابير(درامز أو ديسكات)
وطبعا التيل الخلفي بيعيش اكتر من الامامي نظرا لان الحمل بيكون اكتره علي العجلات الامامية
شاكر مرورك الكريم
ياجماعه انا اتصدمت صدمتين لحد دلوقتي
ازاي الصني مايكونش فيها دسكات ورا وقدام مع ان في عربيات مودلات ثمانينات وفيها الكلام ده دانا شوفت 504 فيها دسكات ومافيهاش abs
ممكن تكون الصني اللي شوفتها خليجي بقي
الصدمه التانيه
الطنابير اللي خرطها مش نافعه لازم طنابير جديده
بعد عدة ايام من المشي عالطنابير المخروطه بدات اسمع طقطقه غريبه مع الفرامل ورا المهم رحت لواحد حبيبي صنايعي محترم قلي ان الخراط شال حته زي شفه بارزه كده في اخر الطنبوره هي اللي خلت التيل يخبط التخبيط ده
المهم ايه الحل قلي طنابير جديده
وبعدين انتوا ازاي بتقولوا ان التيل اللي ورا عمره اطول طيب مانا غيرت التيل ورا علي 55000 ولسه التيل اللي قدام
وبكده الواحد عشان يغير تيل ورا بس يبقي هايدفع 400 للتيل و800 للطنابير
حديعرف التيل اللي قدام ده تمنه كام
ودمتم