الموضوع: تقرير مصور عن الجميلة Range Rover Evoque

في البداية يا اخواني الاعزاء أحب أقول إن أنا عارف إنه تقرير مستفز ومش مفروض أعمله ، لكن أنا حبيت اشارك معاكم التجربة ، وعشان هو مستفز أنا هخليه سريع وقصير جداً :)


التقرير دة عن العربية التحفة Evoque من شركة لاند روفر ، والسبب انها تحفة إن دي بداية تغيير خطوط التصميم للشركة ، وتوجه جديد ليها بدل ما كانت كل عربياتها في شكل صناديق تحولت إلى تحف فنية (مع إن حتى الصناديق دي كانت مبهرة )، والتحول دة مش بس في الشكل الجمالي لكن كمان في المواصفات والكماليات إلي بتنافس بيها كل اخواتها الألمانيات ، وفوق كل دة السعر المنافس جداً إلي مفروض تطرح بيه ، عشان تنافس فعلاً ال-X3 من BMW وال-Q5 من Audi و GLK من Mercedes و غيرها من السيارات في نفس الفئة .


وعلى فكرة العربية من حيث جودة الخامات الداخلية أحسن كتير من العربيات دي ، كفاية ملمس الجلد الداخلي بتاعها ، وشكل التقفيل حتى في البيز لاين ، أعلى كتير من أي سيارة منافسة ألمانية .
طبعاً الكماليات مش محتاجة كلام ، مع إن فيها كتير موجود قبل كدة في المنافسين لكن إسلوب تنفذه في ال-Evoque أجمل كتير ، على سبيل المثال فتح وقفل باب الشنطة بالكهربا (زرار لمس في الخارج يفتح وواحد زيه جوة يقفل الشنطة من غير ما صاحب العربية يبذل أي مجهود )، والفتيس الاوتو إلي واخد نفس تصميم الجوي ستيك بتاع جاجوار ولكن بشكل شيك ، و تدوير السيارة بدون مفتاح .. وغيرها كتير في قائمة الكماليات .


هسيبكم مع الصور واتمنى محدش يكرهني بعد التقرير دة



[URL=http://imageshack.us/photo/my-images/267/frontsaloon.jpg/]]

في الصورة دي الفتيس هو الحاجة السودة المدورة إلي تحت ايدي الشمال دة



[URL=http://imageshack.us/photo/my-images/3/fullfrontnx.jpg/]]


[URL=http://imageshack.us/photo/my-images/694/consolemanual.jpg/]]


[URL=http://imageshack.us/photo/my-images/713/doorpanel.jpg/]


[URL=http://imageshack.us/photo/my-images/832/clusternv.jpg/]



[URL=http://imageshack.us/photo/my-images/846/steeringc.jpg/]

المشاركة الأصلية كتبت بواسطة M.Moustafa

والله يا فرحات باشا انت اللي واحشني جدا جدا جدا والله وكان نفسي اشوفك وانا في مصر بس عرفت انك مسافر.

وبالنسبة للاخ عبد المقصود ارحمنا يا خويا كفاية فرحات عقدنا ما تزودهاش.

ملحوقة يا باشا إن شاء الله نتقابل في مصر أقرب فرصة


إنت عرف أحلى حاجة في الموضوع دة إيه ؟ إنه مجمع وحوش الميجان القدامى ، ومجمعهم على إيه .... Evoque :))