انا لسه مستلم العربيه من يومين والكلام ال اتقالى من التوكيل ان المفتاح مشفر
عرض للطباعة
انا لسه مستلم العربيه من يومين والكلام ال اتقالى من التوكيل ان المفتاح مشفر
أنا عن نفسي مركب إنذار على سارينة في التوكيل + صوت الكلاكس (الإنذار اللي نازله بيه العربية) وبكسر الدركسيون على طول قبل ما انزل، وطبعا عصاية الدركسيون مع الدبرياج، بالإضافة إلى كلابش للعجل (وده أخر اختراع) بس بستعمله في أوقات معينة، وبالنسبة للسرقة بالإكراه الجي بي إس مفيد طبعا.. تحياتي
شكرا علي الرد... بس لو سمحت هو حضرتك ركبت الانزارفي توكيل ايه مودرن ولا اوتو ايجبت ولا يونيتد جروب؟
انا سالتهم بالتليفون كده وقالولي عنهم بس يونيتد جروب قالي عنده واحد معاه مفتاح .. اعتقد زي المفتاح السكينه اللي بيطلع من الريموت... مش عارف ايهم افضل.... كمان ان قرات بعض المشاركات في المنتدي العام الناس بتشكر في انذار اسمه spy 2 ways خصوصا انه كمان بيفصل الكهرباء طول ما الانزار شغال بس انا بصراحه مش عايز اشتريه وركبه عند كهربائي لان انا علي طول بتعامل مع التوكيل بس اضمن, فهل النوع اللي ركبه في التوكيل Spy ولا حاجه تانيه ويا تري صيني ولا ايه
حاجه كمان بعد اذنك هو ايه كلبش العجل ده انا اول مره اسمع عنه.... وهل الافضل اجيب كلبش الدريكسيون مع الدبرياج ولا عصايه الدريكسيون الطويله دي
مشكور.
لأ يا بيشو مش أول عربية، في برناج بييجي كل يوم أربعاء على القناة الأولى اسمه (الأمن للجميع) وكانت الشرطة ماسكة عربيات مسروقة وكان فيه واحدة منها صني سوداء..
أما الحالة اللي بقولك عليها (عربية الضابط) هو ساكن في الدقي وكانت العربية لسه معاه من أسبوع تقريبا ركنها وطلع نام ، تاني يوم مالقهاش آدي كل الحكاية وهو ساكن في دور عالي فممكن يكون ما سمعش الكلاكس... بس المفروض زي ما انت بتقول ما بتدورش صح ولا إيه!!
اول مره اسمع عن حرامى بيسرق نيسان صنى