أيه هو نظام نيسان ضد السرقه للصني؟؟؟

**eshta** · 01-06-2012 01:03 AM

انا لسه مستلم العربيه من يومين والكلام ال اتقالى من التوكيل ان المفتاح مشفر

**Sehsss** · 01-06-2012 09:39 AM

المشاركة الأصلية كتبت بواسطة walidadel

.....................؟
ده ايه ده ال "ابانبوليزر"
و ال 15 سنتي دول منين لمنين

أصلا النظام اللي في الصني مش إيموبلايزر بس صح إيه الـ "ابانبوليزر" ده

**Sehsss** · 01-06-2012 09:42 AM

المشاركة الأصلية كتبت بواسطة peaceman

من الاخر كده عشان منقعدش نلف في الموضوع ده كتير .. النيسان صني لا يمكن تتسرق كعربية علي بعضها لأن نظام الانذار فيها اول ما الحرامي هيفتح الباب .. هتقوم العربية مصوتة في وشه و بعدين تقوم فاصلة الكهرباء عن الكونتاكت مباشرة و لا يمكن تدويرها
و كفاية بقي كلام في الموضوع ده

لسه مسروقة واحدة من 4 أيام يا بشوي وصاحبها ظابط كمان

**Sehsss** · 01-06-2012 09:45 AM

المشاركة الأصلية كتبت بواسطة mzaher

طيب يا جماعه ايه افضل طريقه لتامين الصني انا كنت بفكر في gps tracker خصوصا مع انتشار السرقه للاسف بلاكراه ... ارجو النصيحه

أنا عن نفسي مركب إنذار على سارينة في التوكيل + صوت الكلاكس (الإنذار اللي نازله بيه العربية) وبكسر الدركسيون على طول قبل ما انزل، وطبعا عصاية الدركسيون مع الدبرياج، بالإضافة إلى كلابش للعجل (وده أخر اختراع) بس بستعمله في أوقات معينة، وبالنسبة للسرقة بالإكراه الجي بي إس مفيد طبعا.. تحياتي

**Dr'AhmZZong** · 02-06-2012 02:10 AM

المشاركة الأصلية كتبت بواسطة peaceman

لأن دي اول عربية تتسرق من اول يوم في الثورة لغاية النهاردة

+11111111111 فعلا

**Sehsss** · 02-06-2012 08:50 PM

المشاركة الأصلية كتبت بواسطة peaceman

اكيد ليها ظرف خاص جدا جدا لأن اشك في موضوع السرقة ده .. ياريت التفاصيل بقي عشان نعرف خيط السرقة بالظبط .. لأن دي اول عربية تتسرق من اول يوم في الثورة لغاية النهاردة

لأ يا بيشو مش أول عربية، في برناج بييجي كل يوم أربعاء على القناة الأولى اسمه (الأمن للجميع) وكانت الشرطة ماسكة عربيات مسروقة وكان فيه واحدة منها صني سوداء..
أما الحالة اللي بقولك عليها (عربية الضابط) هو ساكن في الدقي وكانت العربية لسه معاه من أسبوع تقريبا ركنها وطلع نام ، تاني يوم مالقهاش آدي كل الحكاية وهو ساكن في دور عالي فممكن يكون ما سمعش الكلاكس... بس المفروض زي ما انت بتقول ما بتدورش صح ولا إيه!!

**Sehsss** · 02-06-2012 08:51 PM

المشاركة الأصلية كتبت بواسطة mzaher

شكرا علي الرد... بس لو سمحت هو حضرتك ركبت الانزارفي توكيل ايه مودرن ولا اوتو ايجبت ولا يونيتد جروب؟
انا سالتهم بالتليفون كده وقالولي عنهم بس يونيتد جروب قالي عنده واحد معاه مفتاح .. اعتقد زي المفتاح السكينه اللي بيطلع من الريموت... مش عارف ايهم افضل.... كمان ان قرات بعض المشاركات في المنتدي العام الناس بتشكر في انذار اسمه spy 2 ways خصوصا انه كمان بيفصل الكهرباء طول ما الانزار شغال بس انا بصراحه مش عايز اشتريه وركبه عند كهربائي لان انا علي طول بتعامل مع التوكيل بس اضمن, فهل النوع اللي ركبه في التوكيل spy ولا حاجه تانيه ويا تري صيني ولا ايه

حاجه كمان بعد اذنك هو ايه كلبش العجل ده انا اول مره اسمع عنه.... وهل الافضل اجيب كلبش الدريكسيون مع الدبرياج ولا عصايه الدريكسيون الطويله دي

مشكور.

أنا ركبته في مودرن وهو تايواني ومتولف على نفس ريموت السيارة وسعره كان 550 جنيها بالضريبة تقريبا