عداد ال rpm في الشيفورليه لانوس هيجنيني

سلام عليكم


يا جماعة العربية اول ما بدورها بلاقي ال rpm مرة واحدة فط و بقي علي 1500 rpm على السلانسيه و العربية مور و قولت استني لما العربية تسخن يمكن ينزل مفيش بردو و بعد كدة لما امشي و انقل بين الغيارات بلاقيه يزيد .... يعني مثلا ابقي جايب الغيار الثاني علي 2500 rpm و بعدن و انا جي اجيب الغيار الثالث بلاقيه يفط علي 3000 و بعدين اول ما اعشق الغيار ينزل ده غير التقطيع في السحب الي مكنش موجود قبل كدة
فعملت ايدل ليرن بقي تمام و بعدين رجع تاني زي ما كان :majd(4): و مش عارف اللي بيحصل ده سببوا إيه!!!!

حالة العربية : 37000 km
عامل ظبطت فيشة الاوكتين علي 95 وبحط 92
آخر صيانة كانت عند 35000
والزيت معاد التغيير بتاعه دلوقتي (زيت شل الأصفر)

غير حساس tps تمنه 125 الاصلى وبعدها الار بى ام هيعقل

هو إنت فاكيت الايدل ونضفتو ولا عامالت كده لوحدها ؟

نفس الموضوع بيحصل معايا بالظبط ...بس كل فتره ... و في التزويد بالاكسلاتير الار بي ام بيترعش شويه وهوة طالع و و هوة نازل .....

ياريت لو حد مر بالموضوع دة يقول تجربته

نفس الرعشه اللى فى الار بى ام اللى عندك عندى غير نفس المشكله بتاعت الار بى ام اللى بيطلع ساعت النقل عندى برضه

انا كان عندى المشكله دى وكنت هارى البوابه والايدل تنضيف لحد اما ربنا هدانى وغيرت tps اشتريته اصلى 125 جنيه

اعمل اسكان الاول وشوف قرائة حساس ال tps وشوف قرائة بلف الايديل وحساس الماب وبعدين قرر ايه الي تالف وغيره علشان متقعدش تجرب

يا جماعة انا عندي نفس المشكلة و غيرت ال TPS و مفيش فايدة .... و عملت IDLE Learn و بردة ما فيش فايدة .... يا تري هل في حل نهائي للموضوع دة ؟؟

اعتقد ممكن تكون بوابه .

يا شباب المشكلة ديه ازلية .. وواضح كدة انها ليها اسباب كتير ,, وعاملة زى فيرس الكمبيوتر لما بتمسك فى العربية مبتسبهاش

هو فيه حلول كتير .. والاضمن انهم دلوقتى بيعملوا تعديل فى التوكيل وبيتحل الموضوع تماما .. وطبعا زى ما الاخوة قالوا .. ممكن يكون من الايدل ,, او من التى بى اس ,, وفى ناس قالت تقوية ارضى الكمبيوتر بيحل المشكلة

بس من الواضح ان المشكلة ديه مشترك فيها حاجات كتير منها الحساسات وقرائتها مع الكمبيوتر والكهربا

وانا عن نفسى بقى فى عربيتى .. غيرت الاسطوانة والديسك .. فقط .. ومعملتش اى حاجة زيادة .. والمشكلة انتهت تماما ومظهرتش الا من شهرين وحسيت ان الاسطوتنة والديسك بيودعوا .. وغيرتهم تانى .. والحمد لله المشكلة اختفت .. وربنا يستر

انا rpm عندى مش ثابت على الجهاز بيقرا 825_ 850_875 وينزل مش ثابت وفى رعشه متوسطه فى العربيه ال tps مطلع قراءه 0.5 مظبوط يعنى والماب برضه مظبوك