ارجو المساعده فى اتخاذ قرار

**aliyehia** · 15-10-2011 12:54 AM

الاخوه الافاضل
السلام عليكم و رحمه الله و بركاته
انا محتاج اشترى عربيه قريبا و معروض عليا من احد اعضاء المنتدى لانسر 98 بالمواصفات التاليه( انا لسه ما شوفتش العربيه)
العربيه glx مانيوال دواخل فابريقه كل الكماليات تعمل عدا السنتر يحتاج اصلاح و بها جنوط سبور ماليزى و كاوتش 185/14/65
مطلوب فيها 51 الف بالجنوط او 48 الف بدون الجنوط
سبب سؤالى هو انى ماعنديش خبره فى اسعار السيارات قوى و شايف انه مش عيب انى اطلب المشوره من الجميع قبل ما ارد على الزميل العزيز
اشكر مشاركتكم فى مساعدتى مقدما

**aliyehia** · 15-10-2011 12:55 AM

الموتور عامل 150000 كم

**SASA3** · 15-10-2011 01:00 AM

سيبك من الجنوط و بعدها اما تروحله و تشوف العربية لو لقيت حالتها كويسه و كل حاجه شغالة و مفيش عيوب فيها ممكن تنزل كمان عن ال 48

**aliyehia** · 15-10-2011 01:17 AM

يعنى حضرتك شايف ان ال48 الف دى( لو حاله العربيه زى ما بيقول) قريبه من السعر الواقعى للعربيه و يمكن التفاوض البسيط بالسعر؟

**salah_86** · 15-10-2011 03:38 AM

بقولك طالما ناوى تدفع 51 كمل شويتين وهات لانسر مكوة انا معلوماتى انها ممكن تكون فى حدود 60 الف

**aliyehia** · 15-10-2011 09:50 AM

الحقيقه للاسف اخرى 46 و عامل فى حسابى انى مجنب 1000 جنيه لزوم ضبط العربيه من سيور و زيوت و خلافه

**bassem_sams** · 15-10-2011 12:53 PM

المشاركة الأصلية كتبت بواسطة aliyehia

الاخوه الافاضل
السلام عليكم و رحمه الله و بركاته
انا محتاج اشترى عربيه قريبا و معروض عليا من احد اعضاء المنتدى لانسر 98 بالمواصفات التاليه( انا لسه ما شوفتش العربيه)
العربيه glx مانيوال دواخل فابريقه كل الكماليات تعمل عدا السنتر يحتاج اصلاح و بها جنوط سبور ماليزى و كاوتش 185/14/65
مطلوب فيها 51 الف بالجنوط او 48 الف بدون الجنوط
سبب سؤالى هو انى ماعنديش خبره فى اسعار السيارات قوى و شايف انه مش عيب انى اطلب المشوره من الجميع قبل ما ارد على الزميل العزيز
اشكر مشاركتكم فى مساعدتى مقدما

انا دخلت على موقع كونتاكت كار فى سيارات مستعمله و بصيت بصه سريعه علشان حضرتك لأقيت مانيوال نظيفه فى حدود 45 الى 49 الف و اتوماتيك فى حدود 52 الف لو عربيه نظيفه و مفهاش حاجه و موتور و عفشه و فتيس تمام يبقى توكل على الله بس فى نصيحه اكشف عليها فى توكيل و دلوقنى فى حمله فحص مجانى ممكن تستخدمها و تكشف على عربيه مجانا بدل ما تدفع 200 جنيه فكرة بردوا و اعمل استخارة

**zakihacker** · 16-10-2011 02:32 AM

من الاخر اخرها 47 ده لو زيروا انا كان معايا واحده على النعمه الدنيا كلها بتحكى عنها كانت بجنوط والاستبن تيوبلس مانزلش موديل 1998 وب 47 ياعم لو نزلت السوق هتعرف الاسعار لانى انا لما اشتريت كان السعر غالى لاكن فعلا ماتدفعش اكتر من 47 والله والله نصيحه لوجه الله من اخ لاخوة وعلى فكره لو انت المكان الى فيه فيه مطبات يبقى سيبك من الموديل ده لانها بتمشى تكنس الارض فى المطبات وده سبب بيعها انى باخد كل المطبات يمين فى شمال والى يقولك عليها والكلام ده ماتسمعش الكلام علشان العربيه ماتعومش وانا كنت بجيب بيها 180 والله

**Haitham10** · 16-10-2011 05:43 AM

المشاركة الأصلية كتبت بواسطة zakihacker

من الاخر اخرها 47 ده لو زيروا انا كان معايا واحده على النعمه الدنيا كلها بتحكى عنها كانت بجنوط والاستبن تيوبلس مانزلش موديل 1998 وب 47 ياعم لو نزلت السوق هتعرف الاسعار لانى انا لما اشتريت كان السعر غالى لاكن فعلا ماتدفعش اكتر من 47 والله والله نصيحه لوجه الله من اخ لاخوة وعلى فكره لو انت المكان الى فيه فيه مطبات يبقى سيبك من الموديل ده لانها بتمشى تكنس الارض فى المطبات وده سبب بيعها انى باخد كل المطبات يمين فى شمال والى يقولك عليها والكلام ده ماتسمعش الكلام علشان العربيه ماتعومش وانا كنت بجيب بيها 180 والله

متفق معاك 100 100