قطع غيار اوبل الجديدة

**rabbat5** · 19-09-2008 03:40 PM

الفوانيس الأصلي Gm ?
لأني كنت بشتري فوانيس و قالوا الموجود Valeo صناعة روماني و سعرهم 1100 الجوز .

**ENG\AHMED** · 19-09-2008 06:12 PM

اللى قدام فاليو
ورا مش فاكر نوعهم اية

**superkenwood** · 26-09-2008 01:04 AM

المشاركة الأصلية كتبت بواسطة abdelaziz-waleed

السلام عليكم ورحمة الله وبركاته
اعزائي اعضاء رابطة عشاق الأوبل

ديه اسعار شوية قطع غيار جديدة لسيارتي الأوبل فكترا 1997 1600CC مانيوال

طقم طنابير امامي SK الماني --------> 200
طقم طنابير خلفي Febi اماني -------> 440
طقم تيل امامي SK الماني ----------> 90
طقم تيل خلفي Febi الماني --------> 180
طقم مساعدين امامي الماني ---------> 625
طقم مساعدين امامي GM اصلي ----> 725

طقم مساعدين خلفي اماني ----------> 525
طقم مساعدين خلفي GM اصلي ----> 625
طقم جلب مقصات خلفي (4 زيت) ---> 4*60 = 240
طقم جلب مقصات خلفي (2 فخاد) ---> 2*90 = 180
قاعدتين موتور الماني ------------> 2*225 = 450
قاعدة فتيس الماني --------------> 190
الحاجات ديه جبتها من الشيماء اللي في التوفيقية (12 شارع سيد درويش (ذكي سابقا) - التوفيقية) تيليفون 25752001
وممكن لو حابيتو تعرفو اسعار محلات تانية. ديه تيليفونات محلين اوبل في شارع شمبليون
شركة سرور 25758011
شكة امريكان ستار (39 و 46 شارع شمبليون ت: 25791402 - 25791403 - 25777408)
وفي محل في التوفيقية اسمه عواد (46 ش سليمان الحلبي ت : 25754924)

اما بالنسبة للقطع اللي جبتها من التوكيل

طقم مساحات زجاج GM اصلي ---------> 90
بكرة تعديل ظهر الكرسي ----------> 40
اويل سيل اسبراتير ---------> 73
كتاوت فانوس اشارة او شبورة --------> 42
فلتر بنزين GM مصري --------> 35
فلتر زيت GM الماني --------> 27
طقم كاوتش كوبلن داخلي --------> 60

ان شاء الله كل ما اشتري او اعرف اسعار اي حاجة هابلغكم

_________
تم تثبيت الموضوع

مشرف القسم.

المشاركة الأصلية كتبت بواسطة mimysheckles

دى اسعار قطع الغيار اللى ركبتها عند التوكيل منصور

فلتر زيت ------------------ 14
خرطوم زور تانك ------------ 247.20
خرطوم تهوية تانك ----------- 128.95
سير دينامو ---------------- 80
تيل فرامل امامى ------------ 165
كاتينه -------------------- 95
ريشة مساحة زجاج امامى ------ 20
طبة فانوس ضباب يمين ------- 30
(حتة جلد بتركب فوق فانوس الشبوره ومخرومه من النص)
فلتر هواء تكييف ------------ 75
موبينه ------------------- 455.22
موديول اسبراتير ------------ 580
شاسيه مرايا كهربا يمين ------- 330

طبعا كله الاصلى Gm ربنا يخليهم لينا :(

كنت عايز أشتري تيل فرامل أمامي .. واحد قال انها بـ 90 جنيه وواحد قال انها بـ 165 .. اين الحقيقة ؟؟؟؟

**Ahmad Allawy** · 26-09-2008 01:10 AM

فرق السعر الرهيب ده عشان التوكيل.. اسعار الحاجة فيه بيبقي غالية شويتين عن برة..
يعني لو لقيت برة فيبي الالماني يكون افضل من بتاع التوكيل اصلا..

**abdelaziz-waleed** · 26-09-2008 06:04 AM

المشاركة الأصلية كتبت بواسطة Ahmad Allawy

فرق السعر الرهيب ده عشان التوكيل.. اسعار الحاجة فيه بيبقي غالية شويتين عن برة..
يعني لو لقيت برة فيبي الالماني يكون افضل من بتاع التوكيل اصلا..

عندك حق يا علاوي.
فيه بعض قطع الغيار بيبقى التوكيل مستهبل اوي في اسعارها واغلى من برة بكتير.
في حين انها برة لا تقل كفاءة واعتمادية عن التوكيل
انا ما بتريش حاجة من التوكيل الا في حالتين
فرق سعر مش كبير زي مثلا سير كاتينة او دينامو. وو على الاقل لو طلعت وحشة ارميهاله في وشه
ثانيا انها تكون قطعة حساسة لا تحتمل انها تجاب من مكان تاني برة خاصة الموتور

**moh3377** · 26-09-2008 06:13 AM

يا جماعة في حد عنده فكرة عن أسعار قطع غيار Vectra c الجديدة وبالذات الحاجات اللي بتتغير كتير, تيل فرامل, فلاتر ..الخ

**Ahmad Allawy** · 26-09-2008 05:44 PM

لا بصراحة لسة..
و غالبا الناس بتبقي شارياها لسة ف الضمان.. محدش اهتم انه يسأل لسة..
بس هتلاقي ارقام تليفونات المحلات اللي بنشتري منها..
ممكن سعاتك تكلمهم و تسأل و تاخد فكرة..
بس ابقي قولنا ايه النظام,,, الاسعار معقولة ولا مبالغ فيها.

**rabbat5** · 27-09-2008 05:38 AM

تيل الفرامل الأمامي ما كملش شهر و نص و هاتك يا تصفير على الرغم ان علبته مكتوب عليها صنع فى المانيا _بالانجليزي طبعا _ و اسمه يونيفرسال على ما اتذكر ، يا ترى المشكلة دي شايعة و لا التيل اللى جبته وحش و ايه النوع الأفضل ؟
مع العلم بان مفيش ميه بتيجي على الطنابير نهائي الا اذا مشيت فى شارع ارضيته فيها مياه.

**abdelaziz-waleed** · 27-09-2008 07:51 AM

المشاركة الأصلية كتبت بواسطة rabbat5

تيل الفرامل الأمامي ما كملش شهر و نص و هاتك يا تصفير على الرغم ان علبته مكتوب عليها صنع فى المانيا _بالانجليزي طبعا _ و اسمه يونيفرسال على ما اتذكر ، يا ترى المشكلة دي شايعة و لا التيل اللى جبته وحش و ايه النوع الأفضل ؟
مع العلم بان مفيش ميه بتيجي على الطنابير نهائي الا اذا مشيت فى شارع ارضيته فيها مياه.

مش شرط المية تخليه يصفر
لو شوية تاب داخلوا ممكن يصفر او ممكن يصفر مع الوقت من وجود الرايش اناتج عن الاحتكاك بين التيل والطنابير اثناء الفرملة.
لو صوت التصفير زاداوي معاك. ممكن وحضرتك بتغسل العربية حاول تضرب خرطوم المياه داخل العجل بحيث المياه تدخل بين التيل والطنابير بس حذاري ان التيل والطنابير يكونو سخنين. لازم يكونو باردين هتلاقي صوت التصفير قل جدا او تلاشى.
وعموما ما فيش قلق من موضوع التصفير ده خالص. وانا قرأتها في التوكيل من ضمن الحاجات اللي ممكن تحصل في السيارة ومفيش منها اي قلق هو صوت صفير التيل وارتفاع الحرارة حتى 97 ده طبيعي جدا

**ENG\AHMED** · 27-09-2008 04:14 PM

ممكن تكون الصفارة راجعة لنوع التيل نفسة لو فية نسبة نحاس عالية هيصفر

فى مصر سيبك من كلمة صنع فى اية دى اشترى من مكان مضمون وبعدين دور على صناعة اية .. اللى بيضرب الحاجة مش اهبل هيحوطلك عليها صنع فى المانيا والبارت نمبر وكل اللى انت عايزة عارفين ان المصريين مش بيحبوا الصينى لكن بيحبو الالمانى خلاص حط تكت صنع فى المانيا لو غضبو على المانيا وحبوا كوالالمبور تكت كوالالمبور بردو موجود مفيش مشكلة :)