الموضوع: قطع غيار اوبل الجديدة

المشاركة الأصلية كتبت بواسطة ahmedmaklad

والله يا احمد انا عملت كده مره او مرتين امال انا جبت ال 160 دي ازاي و بعدين انا ركزت امبارح مش سامع صوت ونة او حاجة
طيب هي المفروض تجيب 160 علي كام Rpm
انا غيرت بوجيهات بس من حوالي شهرين في اول الصيف كده و جبتهم Gm بس حاسس ان العربية قلت بعديهم و بتسخن مش قوي هي ساعات بتوصل ل 95 بس ده اخرها و غيرت فلتر بنزين في نفس الوقت او قبل كده بشوية و فلتر الزيت من حوالي شهرين برده بس ما غيرتش فلتر الهوا
و انا عندي الدبرياج تقيل شوية فعشان كده بيقول عايزة طقم دبرياج اسطوانة و ديسك و بلية عاملين حوالي 1500 جنية Gm
بش انا مش عارف ازاي اجيب اخر دواسة البنزين و ال Rpm علي 5000

المشاركة الأصلية كتبت بواسطة ahmedmaklad

طب تعرف اجيب بوجيهات اية و فلتر اية و بكام
انا كنت جايب GM و حاسس انه اي كلام
على فكرة انا عندي البلف ده و التعديل ده مش تعديل في الفرامل ده تعديل في ال ABS بس

انا بشترى دماغى وبجيب من التوكيل قطع الغيار برة مش مضمونة لحد فلتر الزيت بقيت بجيبة من التوكيل بعد لما لقيت اللى برة بيسرب زيت
سيبك من الماركة وشكل العلبة والباركود والبارت نمبر والكلام دة اللى بيغش مش اهبل على الاقل التوكيل لو قطع الغيار فيها مشاكل هترميهالة

موضوع الفرامل دة اول مرة اسمع عنة طيب اية الفرق وهو من موديل كام ولا اية؟؟؟

طب لو جبت الحاجات دي قبل كده من التوكيل ممكن تقولي اسعارهم او انواع البوجيهات و مقاسهم ايه يا ريت لو حد يعرف

و الله انا مش عارف هو موديل كام بس بيتهيالي هو مش حكاية موديل هو حكاية Abs جاي من بره و بتعدل في الضفيرة عشان تركبة في العربية و هو اصلا ارخص من الاصلي

المشاركة الأصلية كتبت بواسطة ahmedmaklad

طب لو جبت الحاجات دي قبل كده من التوكيل ممكن تقولي اسعارهم او انواع البوجيهات و مقاسهم ايه يا ريت لو حد يعرف

و الله انا مش عارف هو موديل كام بس بيتهيالي هو مش حكاية موديل هو حكاية Abs جاي من بره و بتعدل في الضفيرة عشان تركبة في العربية و هو اصلا ارخص من الاصلي

البوجيهات 150 GM (بوجيهات فكترا B)
الفلتر مش فاكر بس مش غالىوهو غالبا مصرى تبع منصور


ازاى تعديل ومش موجود هنا وبيبيعوة ارخص , انا حاسس ان الموضوع مش على اد تعديل ABS برة العربية بتنزل ب traction control وحاجات تانية بتاعة الدول النضيفة ممكن يكون دة الل ىيقصدوة !! (خلى بالك الصنايعية بصمجية فى ناس مش عارفين هما بيبيعوا اية اصلا هما حافظين بس)

المشاركة الأصلية كتبت بواسطة ahmedmaklad

انا جبت الحاجات دي من الحرفييين
2 مساعدين مونرو 750 جنية
2 فوانيس امامية 2000 تايواني كريستال 400 جنية
شبكه 2000 من غير العلامة 150 جنية
طقم فل اللي بيتحط تحت الاكصدام (شوية فل اهبل كده و مكتوب عليه Gm) ب 120 جنيه
صليبة لعلبة الدركسيون استيراد 200 جنية
2 بلية عجل خلفي استيراد 400 جنية

بالنسبة للفوانيس الأمامية والخلفية هل بيفرق الأصلي عن التايواني ؟؟ بالنسبة للشكل أنا قارنت بين الفاوانيس الخلفية عند أخد محلات قطع الغيار ملقيتش أي فرق خاااالص في الشكل الظاهري وشفافية الزجاج .. بس حتلاقي الأصلي مكتوب عليه من جوا (صناعة أسباني) وجسم الفانوس الخارجي أملس تماما بدون أيه كتابات .. أما الفانوس الخلقي التايواني به من الأسفل لجوه بعض الكلمات الصغيرة جدا بارزه .. السؤال هل الفانوس التايواني بيفرق عن الأصلي في الشفافية وانعكاس الضوء حتى بعد فترة من تركيبه؟ وأعتقد أن ذلك يظهر أكثر في الفانوس الخلفي لأن النور أحمر .. بمعنى انه لوعندي فانوس خلقى أصلي وركبت الاخر تايواني هل حلاقي فرق في النور ولو بعد فترة ؟ بالنسبة للأسعار اللي سألت عليها بخصوص الفوانيس الخلفية للأوبل فيكترا موديل 2000 .. وجدت أرخص الأسعار هي : الأصلي بـ 400 جنيه - التايواني بـ 180 جنيه - الكريستال التايواني عامل 350 جنيه (ومفيس كريستال أصلي) ... لس واضح يا أحمد باشا انك رحت لمكان أسعارة ممتازه في الحرفيين يخليك تشتري فوانيس أمامية تايواني بـ 400 جنيه ده سعر ممتاز ياريت تقولي على عنوانه بالظبط .. أنا لسه مستني ارائكم المفيدة قبل مأشتري .. معتمد على الله ثم عليكم

المشاركة الأصلية كتبت بواسطة superkenwood

بالنسبة للفوانيس الأمامية والخلفية هل بيفرق الأصلي عن التايواني ؟؟ بالنسبة للشكل أنا قارنت بين الفاوانيس الخلفية عند أخد محلات قطع الغيار ملقيتش أي فرق خاااالص في الشكل الظاهري وشفافية الزجاج .. بس حتلاقي الأصلي مكتوب عليه من جوا (صناعة أسباني) وجسم الفانوس الخارجي أملس تماما بدون أيه كتابات .. أما الفانوس الخلقي التايواني به من الأسفل لجوه بعض الكلمات الصغيرة جدا بارزه ..

الفانوس الاصلى مش فاكر صناعة اية بس معتقدش انة اسبانى كمان الاصلى بيبقى مكتوب علية النوع وشوية كلام تانى على الفانوس من تحت مبيبقاش املس

هات استيراد حالتة نضيفة اضمن ولو اتغسل مش هتفرقة عن الجديد

الفروق يا سيدي بتكون في ايه..
اولا.. اللون بعد ما الفانوس يقعد شوية..
المضروب لونه بيتغير بسرعه جدا.. الاصلي ممكن يقعد 10 سنين و لونه زي ما هو تماما..
و غير كده بقي و ده الاهم جدا.. انه ممكن ميبقاش بيركب في مكانه مرتاح زي الاصلي..
بيبقي في فرق ولو مليمترات في الابعاد.. تخلي منظر الفانوس مش كويس خالص لما تركبه..
لكن وهو في ايدك برة. مش هتلاقي اي فرق..
انا رأيي انك تجيب الاصلي استيراد ومتجيبش التايواني الجديد.. حتي لو اغلي شوية..

+100 الفانوس الاصلى لونة بيفضل زى ماهوسواء الباغة او العواكس مهما قعد كل فترة فكهم اغسلهم هيرجعوا جداد تانى ... التايوانى عمرة مهيبقى نفس الخامة والمقاسات مش مظبوطة , لو بسيط على الفانوس بزاوية فى ضوء عمرك مهتلاقى مية الفانوس زى الاصلى هتلاقية مش مظبوط كمان كام سنة وهتغيرة لأن هتلاقى الالوان بهتت وشكلة جربان

المشاركة الأصلية كتبت بواسطة abdelaziz-waleed

السلام عليكم ورحمة الله وبركاته
اعزائي اعضاء رابطة عشاق الأوبل

ديه اسعار شوية قطع غيار جديدة لسيارتي الأوبل فكترا 1997 1600CC مانيوال

طقم طنابير امامي SK الماني --------> 200
طقم طنابير خلفي Febi اماني -------> 440
طقم تيل امامي SK الماني ----------> 90
طقم تيل خلفي Febi الماني --------> 180
طقم مساعدين امامي الماني ---------> 625
طقم مساعدين امامي GM اصلي ----> 725
طقم مساعدين خلفي اماني ----------> 525
طقم مساعدين خلفي GM اصلي ----> 625
طقم جلب مقصات خلفي (4 زيت) ---> 4*60 = 240
طقم جلب مقصات خلفي (2 فخاد) ---> 2*90 = 180
قاعدتين موتور الماني ------------> 2*225 = 450
قاعدة فتيس الماني --------------> 190
الحاجات ديه جبتها من الشيماء اللي في التوفيقية (12 شارع سيد درويش (ذكي سابقا) - التوفيقية) تيليفون 25752001
وممكن لو حابيتو تعرفو اسعار محلات تانية. ديه تيليفونات محلين اوبل في شارع شمبليون
شركة سرور 25758011
شكة امريكان ستار (39 و 46 شارع شمبليون ت: 25791402 - 25791403 - 25777408)
وفي محل في التوفيقية اسمه عواد (46 ش سليمان الحلبي ت : 25754924)

اما بالنسبة للقطع اللي جبتها من التوكيل

طقم مساحات زجاج GM اصلي ---------> 90
بكرة تعديل ظهر الكرسي ----------> 40
اويل سيل اسبراتير ---------> 73
كتاوت فانوس اشارة او شبورة --------> 42
فلتر بنزين GM مصري --------> 35
فلتر زيت GM الماني --------> 27
طقم كاوتش كوبلن داخلي --------> 60

ان شاء الله كل ما اشتري او اعرف اسعار اي حاجة هابلغكم



_________
تم تثبيت الموضوع

مشرف القسم.

السلام عليكم
انا ملاحظ ان قطع غيار الفيكترا رخيصه اوي بالمقارنه بالاسترا..حد معايا في الكلام ده؟