ياجماعة انا عندى لانسر شارك 2008 وبصراحة انا كنت عايز اغيرها بس بفكر اجيب شارك 2011 او النترا اصل شكل الالنترا عاجبنى جدا و جامد وعاجبنى فانا كنت عايز مقارنه واعرف رايكو برضو ....مقارنه من ناحيه كل حاجه ثبات و شكل و سعر و ايه افضل عربيه فى الاتنين
ياجماعة انا عندى لانسر شارك 2008 وبصراحة انا كنت عايز اغيرها بس بفكر اجيب شارك 2011 او النترا اصل شكل الالنترا عاجبنى جدا و جامد وعاجبنى فانا كنت عايز مقارنه واعرف رايكو برضو ....مقارنه من ناحيه كل حاجه ثبات و شكل و سعر و ايه افضل عربيه فى الاتنين
انا مش معاك فى الاختيارين خالص
شارك تانى ليه؟ الواحد لماابيحب يغير بيجيب حاجة مختلفة, لو جبت نفس الحاجة هتحس بس انك دفعت فلوس من غير ماتحس احساس العربية الجديدة
النترا ليه؟ هتحس بفرق كبير فى عدم ثبات العربية عشان انت نازل من شارك اللى ثباتها هائل
فكر فحاجة تانية تحس فعلا انك عملت Upgrade حقيقي
Octavia Fanatsia is better
ربنا يوفقك ياريس :-)
عايز اقولك ان ركوبة اللانسر شارك الذ وامتع بكتير من ركوبة الفنتازيا عن تجربة
بعد تجربتى مع الاوكتافيا a4 بعدها اشتريت لانسر بومة 2009 زيرو اقدر اقولك انى اعشق اللانسر ويوم ما انزل منها هركب الشارك باذن الله ويوم ما انزل منها برضة هفكر فى اى لانسر شركة ميتسوبيشى هتنزلها لانى عشقت اللانسر بس لو انت حابب تغير اقترح عليك الكورولا الجديدة او المازدا نصيحة خليك فى اليابانى الالمانى قطع غيارة نار واليابانى جودته عالية متحسش بفرق كبير بينة وبين الالمانى
صدقنى ياكبير قطع غيار الشارك بقت اخر استهبال, الواحد بيفكر يعمل جمعية على الصيانات الكبيرة اللى فيها فلاتر بنزين وهواء و تكييف وزيت فتيس :)
انا بشوف الاوكتافيا قطع غيارها اقل من الشارك فى الحجات الدورية, نفس الكلام فى معظم اليابانى المازدا والهوندا نفس الاستهبال
ملحوظة الشارك لو هاى لاين تبقى احسن من الكورولا والمازدا
عارف ياباشا انا معايا غير اللانسر جيتز قطع غيارها من الوكيل (غبور ) بالنسبة للانسر برخص التراب عيب على التوكيلات اليابانية بجد البهدلة اللى احنا فيها دى
ياباشا العربيه اللى معايا 2008 خليجى كويتى كل الكماليات معادا الاسبويلر وفتحة السقف العربيه عامله 37 الف كيلو وبعدين انا كنت عايز ابيعها اصل فى تاجر عايز يا خدها ب 123 الف فانا كنت هكمل واجيب جديده احسن والعربيه مفيهاش غلطه انا بعمل صيانه دوريه ع طول ودى صوره العربيه Mohamed Elbayomi's Photos | Facebook ودى صورتها من جوه Mohamed Magdy's Photos | Facebook
ممكن تجيب جيتا بيتهيقلى هتكون احسن
بص حسب كلامك انت معاك فلوس تعمل ابجريد .. بس لو مش معاك هات الالنترا اكيد وسيبك من اللي يقولك ده كوري العربي تحفة بجد في كل حاجة اوبشن وشكل وقوة وثبات وواسعة
وممكن كيا كارينز لو عندك عائلة ومحتاج حاجة واسعة .. او سيراتو او سيراتو كوبيه جامدين جدا برضه
بس باختصار الكوري مبقاش وحش الكلام ده من 10 سنين دلوقتي الكوري من احسن العربيات وشوف مبيعات هيونداي وكيا وانت تعرف
بس لو عايز ياباني يبقى الكورولا اكيد
طب بلاش دول انت ليه صرفت نظر عن الالنترا .. الالنترا فولي لود كل الكماليات اللي تتخيلها في حدود 150-155 الف
لو عاوز تزود وتخش في فئة تانية احسن حاجة هيا الاوكتافيا .. وهي اكتر عربية منتشرة في الفئة دي واثبتت كفائتها والماني وشياكة وفيها كل اللي تتمناه
فـ شوف انت فئتك ايه لو 150-160 يبقى النترا او رينو فلوانس ( بالمناسبة عليها عرض لو اشتريتها تاخد iPhone 4 هدية ) او ممكن جراند تريوس لو 180-200 يبقى اوكتافيا
انا عن نفسى لو هشترى كنت هفكر فى 3 عربيات لانسر شارك-رينو فلونس -فورد فوكاس 2012
دول اكتر 3 عربيات بحبهم و كمان بنسبه لقطع غيار للفلونس وفوكاس بقى سعرهم حلو و مقارب جدا للانسر و فى حاجات ارخص و رنج سعر بردوا قريب انا برشح فورد فوكس 2012 فيها كل كماليات جديده و زياده بس لسه منزلتش فى توكيل بيقولوا فى اول 2012 بس ايه شوفت اعلانها رائعه فى كماليات نظام ركنو فتيس 7 سرعات استيب ترونيك و حساسات و صاج محمل كل حاجه عيبها سعر اعاده بيع انما قطع غيار التوكيل جديد وفر كل قطع غيار و اسعار زى كورى ويابانى و تانيه حبييتى لانسر شارك عيبها بنسبالى صاج ابواب و اكصدام مش عجبنى و فرامل طبله هى حلوة بس يفضل سكينه فى خلف ومفهاش مثيت سرعه و لا بلوتوث و لا مرايات ضم و لا حساس ركن و صوت موتورعا عالى سنه بس بحبها جدا كنت اتمنى تكون و تالته فلونس عيبها نتشه فتيس خفيفه و طرمبه بنزين حساسه فمع وقت بتقرأ غلط مؤشر بنزين لكن رينو هينزل طرميات جديده تناسب بنزينا اتمنى اكون افادتك
دى ترشيحاتى وتقبل منى و ربنا يوفقك
بص انا ارشحلك النترا هاي لاين شبابي وشكل روعة واداء اروع .. ده من الاخر وفعلا سيبك من اللي يقولك هتنزل من الاعلى للاقل .. وهي ارخص من الشارك بحوالي 10 الاف يعني ممكن تصرفهم عالعربية تخليها ملاك ( مع انها مش محتاجة اصلا )
متهيألي في خليجي بس مش متأكد
اسف لو كنت اتاخرت عليك فى الرد
بس الاوكتافيا بصراحة ركوبة جميلة جدا تحس انك راكب دبابة وثبات وتقل مشفتوش فى اليابانى او الكورى بس قصاد كدا قطع غيار غالية نار دا غير ان مش اى حد يشتغل فيها
يعنى لو هتجيبها لازم تكون بتتعامل مع مركز صيانة محترم انت عارفة كويس