Flush للموتور باستخدام عبوة ABRO

**MaZaGAngeE** · 15-10-2011 11:29 PM

عجبني الموضوع اللي كان بيتكلم عن نظافة دورة الزيت و الموتور من بواقي الزيت و الرواسب .. رحت رايح على الميكانيكي و انا بعمل الصيانة و قلتله عايز أعمل فلاش و متوقع انه مش عارف عنها حاجة و هقعد أشرح و اجيب سبورة , لقيت الراجل عنده كذا علبة و قاللي حاضر هخلص و اعمل فلاش ..
المهم جبت علبة ABRO و دي صناعة أمريكية من عنده و دي صورتها :

و ده طريقة استخدامه انك تسيب الموتور لما يبرد و تضيف الزيت على الزيت القديم الموجود و تشغل العربية مدة 3 دقايق و بعد كده تفضي الزيت القديم و الشوائب و تروح مغير الزيت و الفلتر ... طبعا الفلاش فيه منه انواع تانية ليها طريقة مختلفة في الاستخدام و كل نوع مكتوب على الغلبة بتاعته الطريقة المناسبة .

**prisoner** · 16-10-2011 03:18 PM

مبروك عمل الفلاش بس اسمحللى اسالك ايه التاثير اللى حسيته على العربية بعد الفلاش وكنت سمعت قبل كده انه غلط على الموتور جدا لان الموتور بيحتاج الى بعض الشوائب دى للقيام بعمله طبعا مش متاكد من صحة الموضوع هل الميكانيكى قالك عليه حاجة يعنى لو ممكن تفاصيل على العموم مبروك وتقبل مرورى

**M.Elgergawy** · 16-10-2011 03:31 PM

متابع

**mostafa mahmod** · 16-10-2011 03:38 PM

متهيالى ده كمان بيتعمل لما تغير من زيت معدنى لتخليقى

**kar!m** · 16-10-2011 03:53 PM

أنا عملته مره برضه .. بس حسيت من كتر التحذيرات اللى عليه .. انه غلط جدا لو استخدمته غلط .. عشان كاتب كذا مره "اوعى تمشى بالعربية" .. عشان كده حطيت نص العلبة بس مش كلها.

اللى انا جبته اسمه Gunk و كان ب 17.5 جنية تقريبا .. و دى صورته.

**MaZaGAngeE** · 16-10-2011 05:05 PM

المشاركة الأصلية كتبت بواسطة prisoner

مبروك عمل الفلاش بس اسمحللى اسالك ايه التاثير اللى حسيته على العربية بعد الفلاش وكنت سمعت قبل كده انه غلط على الموتور جدا لان الموتور بيحتاج الى بعض الشوائب دى للقيام بعمله طبعا مش متاكد من صحة الموضوع هل الميكانيكى قالك عليه حاجة يعنى لو ممكن تفاصيل على العموم مبروك وتقبل مرورى

الله يبارك فيك , لسه مجربتش العربية و هستلمها النهاردة بالليل و هيبان , لكن الميكانيكي قاللي انه هيحسن اداء العربية ... عموما انا اخدته من منطق انها نظافة للموتور و مش منتظر اداء افضل من كده لأنها ادائها مرضي جدا ليا ... عربية موديل 1993 و ماشية زي الفل و ثابتة جدا لحد 170 و من غير اي مشاكل و انا مش بمشي اقل من 140 لأن اغلب مشاويري سفر ..
الموتور بيحتاج الشوائب دي لما يكون الشمبز و البستم فيهم تجريح أو شروخ فالشوائب بتملى الفراغات دي عشان يعوض الفرق ...

المشاركة الأصلية كتبت بواسطة mostafa mahmod

متهيالى ده كمان بيتعمل لما تغير من زيت معدنى لتخليقى

مش عارف بس انا قلت من باب النظافة للمكنة بس انا فعلا هغير من موبيل 1000 كيلو لموبيل وان ال 10000 كيلو ...