منين اشترى كفر للمرايا ؟

**Ayman-Ahmed** · 16-10-2011 12:39 AM

السلام عليكم ورحمة الله وبركاته

ممكن مساعدة او راى فى كفر للمرايا لعربية نيو اكسنت .

كفر المرايا اليمين طار واتفشفش ومينفعش يتلحم تانى.كنت محتاج اعرف ممكن اجيبه منين ولا اجيب نواكل اركبها فوق جسم المرايا وخلاص.

**Ashraf_Ibrahim** · 16-10-2011 01:59 AM

ايه حصل يا حج ايمن مهي كانت سليمة :)
خير ان شاء الله
انا نفس القصة تقريبا حصلت معايا بس انا لحمته وظبطته وقمت جايب كفر نيكل مركبه عليه وبقت الحياة زي الفل وبقاله سنة اهون
شوف لو تعرف تظبطه واديها كفر نيكل هيبقا زي الفل

**Ashraf_Ibrahim** · 16-10-2011 02:37 AM

هو بيمسك في الكفر البلاستيك اللي تحتيه !

**eldell** · 16-10-2011 04:33 AM

ايمن باشا انت ممكن تجيب غطا نيكل وتلزقه بلزء جاااامد وهيلزء معااااك عادى فى المرايه كان عند صحبى وجبنا النيكل ولزقناه بسيلكون كتيييييييييييير علشان مش يفك

**Ayman-Ahmed** · 16-10-2011 09:52 AM

مشكور يا دل .يعنى ممكن الزق علطول من غير ما اجيب الكفر الفبر خالص وكدة يبقى انت سهلتلى الموضوع كتير.ومشكور مرة تانية.

**eldell** · 16-10-2011 04:19 PM

المشاركة الأصلية كتبت بواسطة ayman-ahmed

مشكور يا دل .يعنى ممكن الزق علطول من غير ما اجيب الكفر الفبر خالص وكدة يبقى انت سهلتلى الموضوع كتير.ومشكور مرة تانية.

ايوه ياايمن باشا كان الحوار ده فى عربيه يارس والكفر بتاعه اتكسر وجبنا النيكل وادناله سيلكون وادينا للمرايا برضه ولزقناها وبقت تمااااام اوى وتحت امرك ياايمن باشا

**Ayman-Ahmed** · 16-10-2011 04:23 PM

المشاركة الأصلية كتبت بواسطة eldell

ايوه ياايمن باشا كان الحوار ده فى عربيه يارس والكفر بتاعه اتكسر وجبنا النيكل وادناله سيلكون وادينا للمرايا برضه ولزقناها وبقت تمااااام اوى وتحت امرك ياايمن باشا

ربنا يخليك يا دل.وانا فعلا بدات مشوار التدوير على الفبرة اللى برة بس ولحد دلوقتى 80 % لازم اشترى مرايا جديدة او اشترى واحدة صينى ولا تايوانى واخد الكفر بتاعها. وفى الاغلبية اخر ما هزهق هعمل فكرتك لاننى فكرت فيها برضه وكنت قلقان ميمسكش كويس ولكن بما انها مجربة يبقى ربنا يسهل بكرة بامر الله هشوف التوفيقية اوالحرفيين اخبار اسعار المرايات الاستيراد ايه وان مكانش يبقى النيكل.

مشكور لذوقك يا دل.