هل استعمال الشيفت يؤثر على الفتيس

**hany63** · 16-10-2011 01:01 PM

صباح الخير يا جماعه
انا معاي VTI 2010 وبأستعمل الشيفت اللي في الطاره عادة في الطرق متوسطة الزحام للاسباب التاليه:
1-تثبيت النقله حتى لو رفعت رجللك من دواسة البنزين ورجعت دوست تاني
2-متعه اكتر فى السواقه
3-تثبيت النقله الرابعه (اعتقد الخاصيه دي غير متوافره في LXI عشان اخرها النقله الثالثه) في الطرق السريعه شديدة الكثافه ( الطريق الدائري مثلا) بدلا من القياده على وضع D و الاضطرار الى عمل كيك داون بكثره كل ما السرعه تنزل ل 60 كم

و في الزحام (start/stop roads) باسوق على وضع D و كذلك فى السفر

السؤال هل الاسلوب ده ياثر على عمر الفتيس الافتراضى

**hany63** · 16-10-2011 01:04 PM

نسيت اقول انى باحرق فى العادي على 3500 لفه ولما باحب اشد بيبقى لحد 4500 لفه او 5000 بحد اقصى مره او مرتين في اليوم

**eng.m7md.ali** · 16-10-2011 02:22 PM

مش غلط طبعا يافندم
ولو كان غلط يبقى اتعمل ليه؟

**devil_storm** · 16-10-2011 05:25 PM

المشاركة الأصلية كتبت بواسطة eng f3lix

مش غلط طبعا يافندم
ولو كان غلط يبقى اتعمل ليه؟

+11111111
هو معمول علشان متعة السواقة الرياضية و مش غلط طبعا

**hany63** · 16-10-2011 06:34 PM

معلش ياجماعه انا حبيت اتأكد عشان ناس اصحابي حذروني من كثرة استعماله مع ان قناعتي ان الشيفت بيحافظ على الفتيس عشان بتقدر تتحكم فى النقله بنفسك وزمنها و بالتالى عدد نقلات اقل

**beast2004** · 16-10-2011 10:57 PM

هو اسمه shift ولا Cruise Control.

**hany63** · 16-10-2011 11:17 PM

الشيفت عباره عن نظام نقل الفتيس من الطاره يدويا زي الجيتا و السيراتو الجديده

**SAMEH_FOUAD** · 17-10-2011 03:56 PM

الغلط كثرة استخدام الكيد داون بدون داعى

وبالنسبة لل paddle shift وهو دة اللى بيطلق على ناقلين الحركة اللى موجودين خلف الطارة

وطبعا زى ماحضرتك عارف ان دة بيبقى مشابهة جدا للمانيوال فى نقلاتة يعنى تعاملة كأنك بتعامل مانيوال بالظبط , واهم حاجة ماتحاولش تنقل على عدد لفات عالى يفضل تنقل على 6 اربى ام طبعا دة فى ظروف الشد او الجرى , وفى الظروف العادية يبقى اخرك 4000 لفة هتلاقى العزم مناسب معاك جدا , والعربية مظبوطة جدا , وخلى بالك ان القيادة دية بتخلى الكنترول ياخد انطباع ان اسلوب القيادة رياضى فطبعا دة هيزود استهلاك البنزين

**SAMEH_FOUAD** · 18-10-2011 12:47 AM

المشاركة الأصلية كتبت بواسطة hany63

ازيك يا استاذ سمسم
طب لو انا متعود اني باسقط نقله واحده بس برجلي (نص دوسه بس بمعنى مابلزقش الدواسه في الارضيه )الار بي ام يطلع من 1800 الى 2700 مره واحده (من الخامس للرابع مثلا) ده يتعب الفتيس برضه

تمام ياباشا الحمد لله يارب تكون بخير , وانا اسمى سامح او سمسم مافيش استاذ كلنا اخوات واصدقاء هنا ياباشا
لأ كدة عادى طالما حضرتك فى نطاق النقلات من اول الثالث وانت طالع يبقى كدة المحرك مستريح , لكن اللى يتعب المحرك والفتيس الكيك داون اللى بيسقط نقلتين مرة واحدة طبعا بيعلى الاربى ام بيوصلة مش اقل من 5 الاف لفة وطبعا بتزود عشان توصل لاقصى سرعة فى النقلة دية وهو دة اللى غلط على الفتيس كتر الكيك داون

وكمان الضغط على بدال البنزين للاخر من سرعة اقل من 20 او من الصفر

وعموما ماتقلقش الهوندا معمرة جدا ومش اى حاجة بتأثر فيها وهتعرف الكلام دة بعد كدة