جوان الشكمان المربوط بالفرن

**hanzcanz** · 20-10-2011 05:42 PM

المشاركة الأصلية كتبت بواسطة ashraf_ashraf

معلش حقك على انا افتكرت اتجاه المسمار زى عندى
دى صوره للصاموله خلى الجزء الازرق( البلاستيك ) للخارج
بالتوفيق ويبقى عليك 5 جنيه تصليح ههههههههههههههههههههههههه ه

ياباشا عنينا ليك
خليها 10 جنيه
كتر خيرك على تعبك معايا
وربنا يكرم

**pop_king3** · 10-11-2011 02:54 PM

اسمها صاموله مجلفنه عليكوا عشرين جنيه

**graffittiii** · 10-11-2011 07:33 PM

كان عندي نفس المشكلة لحد ماأشتريت جوان مصري معفن كده ب 5 ج باين ... وبقالة 6 شهور عايش ... الأول كنت بجيب الأصلي يقعد أسبوع ويضرب !!!

كلام بيتقال :
ماسورة الشكمان وزنها لتحت بيعمل ضغط علي الماسورة ف الإتجاه لأسفل ف بيشد الصامولة ومع الحرارة والشد الصامولة بتفوت ويحصل تنفيس ...
دا اللي أنا فهمته من صاحب ورشة الشكمانات ... بعد تعديل الصياغة بالطبع وحذف كلمات من عينة (( نربط الماسورة بحبل !! )) وكلام أخر غريب كده ..
والله أعلم وكلامة منطقي مع أن ميبانش عليه أنه فاهم حاجة ...

**EngAhmedSayed** · 18-11-2011 08:37 PM

الصامولة قلى موجودة دى
اسمها صامولة
كونتر
دة اسمها
ووظيفتها بتركب على الاجسام قلى بيبقى فيها اهتزاز علشان متتفكش بفعل الاهتزازات الميكانيكية
ودى فى الغالب مش هتنفع معاك علشان سخونة الفرن هتأثر على الجزء البلاستيك قلى موجود فى الصامولة
انتا حالك اية انتا تجيب صامولة تانية و تقنطر بيها الصامولة الاولنية يعنى اربط الصامولة الاولنيةعادى جداااا و حرق كمان واربط عليها الصامولة التانية كدة مش هتفك خالص دى اسمها صامولة قنطرة

**hanzcanz** · 19-11-2011 03:48 PM

المشاركة الأصلية كتبت بواسطة essamenen

سبقتنى كنت عاوز اقول الكلام ده الله ينور عليك
هناك طريقه فى ربطه يعنى تربط الصواميل على شكل x وتكون لفه واحده لكل صاموله بحيث تلم مع بعظهاويطبع مع الجوان
بعد ما تربط الصواميل تشغل العربيه وتخلى واحد صحبك يسد الشكمان من ورا بحيث لو فى تنفيس من الجوان يبان بوضع ايدك حول الجوان ( لو هناك تنفيس من الجوان الجوان هيبوظ بسرعه وده السبب فى رائى )

مع احترامى لكلام حضرتك بس احب اقولك انى فعلا عامل الموضوع دا
يعنى رابط صاموله اولى ورابط عليها صاموله تانيه وفكيت الاولى درجه والثانيه ربطها درجه بحيث يبقى الاتنين ماسكين فى بعض ودى عموما بتحتاج الى مفتاحين 13 علشان واحد يربط والتانى يفك

بس للأسف مش نافع الكلام دا خالص والصواميل بتفك منى بعد فتره قصيره تقريبا اسبوع
ولما بحاول اعرف هل الجوان بينفس ولا لأ بسد الشكمان من ورا لكن العربيه مش بتبطل فبعرف على طول ان الشكمان بينفس
عموما هجرب موضوع الصواميل المجلفنه دى وشكرا على مساعداتكم معايا