الموضوع: حصريا لنايل موتورز فقط ..كتالوج النيسان جوك قبل ما تنزل مصر

السلام عليكم
انا بعد ما قريت موضوع الاستاذ Ahmed T.V بخصوص العربيه الجوك . قررت انزل اسأل عليها في التوكيل هنا لأني مشوفتهاش في البلد هنا لحد دلوقتي و في نفس الوقت انا كنت بدور علي عربيه عاليه و تكون 1600 بموتور محترم علشان انزلها
المهم رحت علي التوكيل و لقيت العربيه عندهم
العربيه للوهله الاولي احسن من الصور بس بردو شكلها غريب جدا و تحس انك عايز تعمل شفت للفوانيس لتحت شويه علشان شكلها يظبط و حتي مندوب المبيعات قالي (هي قبيحه بس جميله و مختلفه)
العربيه هتنزل هنا ب 3 فئات و موتورين
الفئه الاولي (فول اتوماتيك) و موتور1600 بجير بوكس CVT بقدره 117 حصان و هتكون بحوالي 75 الف ريال
الفئه الثانيه : هتكون زي الاولي في الموتور و الفتيس بس هتزيد عليها جنوط و فرش افضل و مثبت سرعه او بلوتوث مش فاكر بالظبط و هتكون بحوالي 85 الف ريال
الفئه الثالثه و الاعلي : هتكون بموتور 1600 مع تيربو بقوه 190 حصان و هتختلف في المواد و الالوان الداخليه للكونسول و فتحه سقف و جنوط اكبر و هتكون تقريبا ب 105 الف ريال

ملحوظه : الريال = 1.628 جنيه و الاسعار دي قبل الجمارك طبعا

في حاجه قالي عليها المندوب و هي ان التكييف بتاع العربيه غير مشابه لاي تكييف تاني و مصمم خصيصا للعربيه دي علشان يدي بروده كويسه و ميأثرش علي الموتور

انطباعي عن العربيه:
-العربيه شكلها غريب من قدام و مش عارف ابلعه بس من ورا حلوه
-المساحه الداخليه صغيره بالنسبه لواحد طويل زيي بالنسبه للاقدام و الراس وفي الخلف المساحه ضيقه للارجل و جيده جدا للراس لان سقف العربيه من ورا مرتفع
- مساحه الشنطه صغيره جدا و متشلش شنطين سفر متوسطي الحجم
- التقفيل الداخلي كويس و المواد كويسه
- حجم العربيه اقرب ما يكون للكيا سول
- سعر العربيه مبالغ فيه جدا و افتكاسات التصميم الداخلي و الخارجي مش مبرر للسعر ده مع العلم ان العربيات في قطر اغلي من باقي الدول الخليجيه يعني ممكن تكون ارخص في دوله تانيه

علي العموم انا اخدت الكتالوج و صورته علشان خاطر اعضاء نايل موتورز و خاصه قسم النيسان اللي انا جديد عليه و اتمني انه يكون مفيد للي بيفكر يشتريها