الموضوع: ليه ال rpm بيقل لما بشغل النور العالي ؟

أنا أول مرة أسمع الكلام ده.
بس هى العربية ايه؟
ألار بى ام عادة ملوش دعوة بكهرباء السيارة, الطبيعى انو أمبير الحرارة يعلى مع تشغيل الأنوار, لكن عربيتك نوعها ايه؟ و فيها كنترول يونيت و لا لأ؟

المشاركة الأصلية كتبت بواسطة sab3aawy

على فكرة الموضوع مش غريب ولا حاجة ، ومعناه ببساطة ان سعة البطارية قليلة على احتياجات العربية ، لأن ده معناه ببساطة ان النور العالى بيحتاج سحب كهربائى شديد بيحمل على الدينامو لعدم كفاية سعة البطارية ، وبالتالى بيحط حمل مغناطيسى على ملف الدينامو، الأمر الذى بدوره يرفع حمل الدينامو على سير الدينامو، فيزيد بالتالى الحمل على المحرك مما يبطئ عدد دوراته

كانت بتحصل معايا فى العربية الشاهين دايما لما مروحة الردياتير تشتغل والموتور على السلانسية ، الاقى الموتور نزل من 900 الى 700 ، وكذلك عند اضائة النور العالى

غير ان هذا الأمر يكون مرتبط غالبا بالسيارات ذات الكربراتير، لأن سيارات الحقن الألكترونى لها تحكم الكترونى فى سرعة السلانسيه يقوم بتعويض ايه احمال اضافية مثل التكييف او الأحمال اكهربائية التى ترفع حمل الدينامو بزيادة البنزين اذا انخفض RPM السلانسيه

صحيح ان الكثير من سيارات الكاربراتير المكيفة يكون لها نظام تعويض لحمل التكييف، لكن لا توجد سيارة بكاربراتير لها تعويض للأحمال الكهربية الأخرى، لكن يتم التعامل مع هذة المشكلة بوجود نسبة سماح لانخفاض سرعة ال Rpm،مثلا يتم ضبط ال Rpm فى السلانسيه على 900 ويسمح بانخفاضها فى حالة الأحمال الكهربية الى 700 مثلا

كلام تحفة ربنا يخليك لنايل موتورز:)

بالظبط كده انا قبل ما اعمل كتاوت عندي في الابيزا البطارية ال 55 امبير كانت شغالة عادي جدا جدا و بعد ما عملت كتاوت لما باجي اشغل النور الواطي ال rpm يقل شوية مع العالي بينزل تحت 1000 rpm و العربية تترج و عصاية الفتيس تعد تتهز كده لو مضايقة هات بطارية امبير اعلي واحد صاحبي عاملها في لانوش و جايب بطارية 75 امبير و بتدي طاقة زي الفل و بيحمل عليها عادي

المشاركة الأصلية كتبت بواسطة Dr_Smart

الف شكر لردودكم يا جماعه جزاكم الله خيرا

انا المفروض البطارية عندي تكون 55 امبير انا جايب بطارية 70 امبير

يبقى اروح اكشف عليها ممكن تكون بايظة ؟
ولا اللي بيحصل ده يعتبر حمل عادي لا علاقة له بالبطارية ؟

اية ادة الدكتور بيسأل و انا معرفش

بص يا دكتور انت اول حاجة تعملها تعدى على حد بتاع بطاريات يقسلك تحميل البطارية و العربية دايرة و كمان مع الانوار
هو هايقولك اذا كان العيب جاى من الدينامو (مابيرميش شحن للبطارية ) و لا من البطارية نفسها
دة هايحدد تمشى فى سكة الدينامو و ما يتبعة من كتاوت ..ولا فى سكة البطارية و ما يتبعة من تزويد او صيانة

قيس الاول و شوف اية الاخبار

المشاركة الأصلية كتبت بواسطة seatlover

اية ادة الدكتور بيسأل و انا معرفش

بص يا دكتور انت اول حاجة تعملها تعدى على حد بتاع بطاريات يقسلك تحميل البطارية و العربية دايرة و كمان مع الانوار
هو هايقولك اذا كان العيب جاى من الدينامو (مابيرميش شحن للبطارية ) و لا من البطارية نفسها
دة هايحدد تمشى فى سكة الدينامو و ما يتبعة من كتاوت ..ولا فى سكة البطارية و ما يتبعة من تزويد او صيانة

قيس الاول و شوف اية الاخبار

اوعي تسمع كلام الراجل ده هههههههه انا زعلان منه :) لا اسمع كلامه راجل بيفهم و كلامه كله 100 100