انا بصراحة مش عارف ابتدى الموضوع منين بس بداية فعلا لازم أشكر القائمين على المنتدى ده لأنه فعلا منتدى محترم وكفء قبل كل شىء اعرفكم بنفسى انا اسمى محمد احمد طبيب بيطرى من محافظة الغربية اضطرتنى ظروفى السودة والمهببة انا وبعض اصدقائى لشراء الحثالة المسماة افيو اوتوماتيك والكلام ده كان من سنتين وشهرين تقريبا ومن يوم ماجت العربية اللى انا اسف انى اقول عليها عربية وشفت الويل معاها من عيوب الافيو اللى انتو كلكو عارفينها اولا 1-عداد الار بى ام اللى عذبنى يعلى مع نفسه والعربية مموره ووصلت لدرجت انه كان بيعلى وينقل السرعات كمان مع نفسه لان العربية اوتوماتيك من الاخر العربية كانت بتمشى لوحدها .(راكبها جوست يعنى) على رأى واحد صاحبى ومتحلتش المشكلة غير بتغيير ضفيرة الكهربا بتاعتها كلها.
2-مشكلة الطنابير اللى بتتاكل بدون سبب العربية غيرت 7 مرات طنابير فى سنة ونص وساعات مكنتش بتكمل الالف كيلو وتبوظ وكنت هموت بسببها مرة وهابقى احكيلكم التفاصيل بعدين.
3- عومان العربية وعدم ثباتها وانحرافها بشكل دائم عن الطريق.
4-عفشة زى الزفت.
انا عارف ان مش كلكم قابلتو المشاكل دى وممكن حد مشافهاش بس كل اللى عايز اقوله ان كل اللى عند مشكلة ميسبش حقه خلاص الدنيا اتغيرت ومش كل واحد يقول نصيبى وخلاص وابيع العربية انا اشتكيت المنصور فى حماية المستهلك او اللى انا بحب اسميه جهاز نفخ المستهلك لانه متواطىء بشكل فاضح مع المنصور مش عارف بيعملهم ايه بصراحة بس لما روحت اجتمعت معاهم هناك قالولى هنصلحهالك ولو باظت ملناش دعوة بيك واعلى مافى خيلك اركبه ولو عايز فلوس هات العربية وقعدو يحسبو حسبة كده وقالولى هنديك 28 الف جنيه طبعا انا كنت هقول كلمة قذرة بس مسكت نفسى وواحد صاحبى حظه هباب برضه قالوله 42 الف جنيه .
المهم ان اليوم اللى روحت فيه الاسبوع اللى فات حماية المستهلك بالصدفة لقيت كل اللى قاعدين وكنا 3 بيشتكو من الافيو الاوتوماتيك وحصل نفس اللى حصل معايا
وحاليا ابتديت فى رفع دعوى قضائية ضد المنصور انا واتنين اصحابى فى طنطا والقاهرة عشان منسيبش حقنا فنصيحة اخوية اللى عايز يجيب العربية دى ميشتريهاش وااللى عنده وفيه العيوب دى ياريت نجتمع على صوت واحد عشان نعرف نجيب حقنا وكفايانا بقى كلام انا تليفونى 01065545647 كل اللى عايز يستفسر منى عن حاجة وانا تحت امركم فى اى حاجة واسف للاطالة والسلام عليكم ورحمة الله وبركاته