هههههههه ماشي
عرض للطباعة
ياجماعة انا الحمد لله وصلت لطريقة هوصل بيها الموضوع للصحافة ويمكن دى الطريقة اللى ان شاء الله نعرف الناس كلها ان فيه مشاكل كتيرة من الافيو فياريت اللى معاه افيو وكان عنده او مازال عنده مشاكل فيها بس يكون معاه مستندات تثبت الكلام ده يبقى يكلمنى او يرد عليا بالكتير يوم الجمعة لانى والناس اللى معايا هنقابل واحد صحفى يوم السبت ان شاء الله. ولو معاك برضه اى حاجة شيفروليه مش شرط الافيو بس فيها مشاكل برضه كلمونى(من الاخر اى حاجة تبع المنصور بس اهم حاجة الورق) سلام
انت دلوقتي سبت القضيه وروحت الصحافه حضرتك قلت انت جمعت5 توكيلات تقريبا علي مااتذكر مارحتش لمحامي ليه ؟؟؟؟؟؟؟؟؟؟
طيب انت غيريت رايك وروحت للصحافه ليه ؟؟؟؟؟؟؟؟؟
طيب لو الصحافه نشرت الموضوع ابقي قلنا الجريده التي نشرته ؟؟؟؟؟؟؟
المهم انا عاوز اقولك اي خطوة تثبت بيها صحة كلامك ابقي بلغنا علشان نعرف الدنيا مشيه ازي
متقولش حاجة غير لما يتنشر فعلا واكيد عارف ليه
طبعا عارف ليه بس ان شاء الله لما يتنشر الكلام اكيد هنشره والاابقى خلبوص وكداب
ومتشكر ياأخ يوكو على اهتمامك . انت عارف انا بدأت أحس أن موضوعى بدأ ياخد منحنى مضحك للغاية والناس محسسانى انى شوية باتجنى على المنصور وشوية طب اثباتاتك وشوية طب محاميك والناس والتوكيلات .وبالنسبة لموضوع الصحافة ده بكل بساطة ان مش هقول فعلا كلمة غير لما الكلام يتنشر ان شاء الله والصراحة انا واحد صحفى اللى كلمنى مش انا اللى كلمته وعرف الموضوع عن طريق متابعته للمنتدى بالصدفة وانا شرطت عليه انه يعرض الموضوع كما هو للامانة وينشر المستندات اللى معايا ومع الناس وننسيب الامور تاخد مجراها الطبيعى والله الموفق والمستعان وادعولى
مردتش برضوا فين القضيه الي انت عاوز ترفعها ؟؟؟
طيب لو منتشر الكلام بتاعك ؟؟
طيب هيبقي موقفك ايه ؟؟
ياريت كل واحد يكتب كلمه حق اوباطل يكون قدها
هاني ممكن تصبر شويه وتبطل الي بتعمله
الراجل قال هيقول لما يتنشر إهدى كده لحد ما يقول نشر لما يعدي شهر وميحصلش حاجة إبقى قول إنه بيألف والعربيه فله وكلنا هبل وبنخرف وإنت الوحيد الي صح
معذرة ياجماعة أنا قررت وبعد تفكير أنى مش هاكتب او هنشر حاجة غير لما تكون حصلت حرصا على المصداقية وحتى تتوقف حملة التشكيك المستمرة فى كلامى ومش عارف ليه كأن فيه مجموعة من الناس يقربوا للافيووعزيزة عليهم فعشان كده انا بقولكم الافيو دى عربية فلة شمعة منورة ولما تحصل حاجة هابقى ابلغكم بيها ان شاء الله وسلامى لكل الناس
وياعم هانى خف عنى. كفاية المصايب اللى فوق دماغ الواحد . ماهيش ناقصة