رابطة ملاك الفيرنا الفيفا اهلا وسهلا

**medo200750** · 21-11-2009 10:38 AM

:b4_388:أنا فيرناوي فيفاوي من سنة والحمدلله مبسوط جدا بالعربية وياريت نتقابل مع بعض في أقرب وقت بس عندي العربية عالية يعني rpm عالي وكل ما أروح التوكيل يظبطوه وبعد اسبوع ترجع تعلى تاني لو حد عنده فكرة ياريت يفدنا مشكورين يا أصحاب الفيفا وكل عام وأنتم بخير

**A_Gamaledeen** · 22-11-2009 09:28 AM

عازين صور حقيقيه قبل ان تشتروا اذهبو ا لموضع بارومه في الفيرنا

**devilavokate** · 23-11-2009 02:20 PM

عازين صور حقيقيه قبل ان تشتروا اذهبو ا لموضع بارومه في الفيرنا

انا مش فاهم قصد حضرتك يا ريت توضح لنا

**gr8gr4** · 23-11-2009 09:52 PM

ذهبت لقراءة موضوع وجود صدأ وباروما للفيفا ووجدت رد من مدير خدمة العملاء المهندس عاطف عبدالسميع والرجل لخص الموضوع في نسبة مشاكل الفيفا بالصفر وان دي لأول مرة تحصل باروما في حوض الموتور لموديل 2008 وعرضت الشركة تغيير السيارة بعد خصم القيمة الاستهلاكية ولسة عضو المنتدي مستني تحديد قيمة الاستهلاك عموما انا عملت صيانة 15 ألف كيلو عند أبوغالي العبور دون مشاكل حتي الان والحمد لله انا بسافر كتير جدا بطبيعة عملي كصحفي ومعد برامج والاستهلاك دة خلال 6 شهور فقط ولا توجد أي ملاحظات علي السيارة سوي صوت الموتور العالي أثناء تشغيل التكييف
عموما فعلا وعن اقتناع الفيفا جامدة جدا

**nonaal2000** · 24-11-2009 02:12 PM

انا بشكر م/مروان ووائل وبعتذر اني ملحقتش اوصل واتمنى اني اشوفكم عن قريب بس انا عندي اقتراح انه نعم تصميم شعار للفيفياويا ونطبع ويكون على عربيتنا وبتالي تكون مميزه جدا لو كده انا هحاول افكر في تصميم وربنا يسهل واحاول اعرضه او في الأجتمعات تبقو تشفوه ولو حد عنده فكره لتصميم ياريت يبعت شكله وشكرا
مستني الردود والتصميمات

**devilavokate** · 24-11-2009 03:54 PM

انا كمان شكر مهندس مروان البندارى انا كنت معاه امبارح و عملنا صيانة للعربيه سيبكم من موضوع الصيانه الراجل ده محترم اووى اوووى و فاهم اووى كمان
شكرا يا مروان قوووى العربية تمام و الله و انا سعيد انى اتعرفت عليك و ربنا يديم المحبة و كل سنة و انت طيب و كل كل سنة والناس اللى فى نيل موتورز بخير

**shouk_1987** · 24-11-2009 11:20 PM

يا جماعة معلش ده أول سؤال ليا فى الرابطة وان شاء الله هنضملكوا قريب :
هيا فى من الفيفا دواخل غامقة زى الفيرنا المصرى ياعنى ولا كلها بيج عشان فى فالصور غامق و اللى فى الشارع كله بيج بس و كمان هو فى تقفيل غير الهندى ولا هندى بس.

وكمان يا جماعة تنصحونى أجيب ايه لو معايا 70 ألف مقفولين غير قابلين للزيادة نهائيا مع الاعتبار انى ما ينفعش اجيب قسط ولا used ولا هاتشباك و أرجو ايضاح الأسباب وشكرا جدا.

ومعلش تقلت عليكو بس هو حد ركب جنط و لو ركب ممكن يقولى التفاصيل و عمل ايه فى العجل ال stock وهل فى حد ركب لمض فيليبس القوية و شكرا

أسف للإطالة.

**nonaal2000** · 02-12-2009 09:31 AM

ايه يا جماعه اللحمه كبست عليكم ولا ايه مفيش اي مشاركات لالا يافيفيويا فوقوا كدا وحشتونا
:b4_282::b4_282::b4_282:

**devilavokate** · 03-12-2009 03:00 PM

معلش يا باشا اللحمه عملت عمايلها كل سنة وانتم طيبين

انا راللى اعرفه ان الفيفا بيج كلها و الغامق هو المصرى انا حجاوب على اللى عملته انا جيبت اللمبات الفيلبس من قبارى فى الاسكندرية اللمبة رائعة بجد انا جربت لمبات كتير و فى العربيه اللى قبل الفيرنا كان فيها زينون بس بعتها بيه و الكاسيت و الجانت من عارف ايه اللى خلانى عامل كده بس اقولك اللمبة جادددددددددده جدا و كمان ممكن تسال م / مروان البندارى او تعمل بحث على الجنوط بالنسبة للفيرنا بس او عايز رايى كلم مروان الراجل ده فاهم كويس

**devilavokate** · 03-12-2009 03:02 PM

ايه اخبار مقابلة الفيفا مش ناويين ولا ايييه يا رجاله ايه الكسل ده طب حتى بلاش نتكلم على العربيات نتعرف و نشرب شيشة و نلعب طاولة يا جماعه لييييييييييييييه الكسسسل ده