مش هتركن هنا شوفلك حتة تانية

**SASA3** · 17-10-2011 03:06 PM

المشاركة الأصلية كتبت بواسطة Medo007

بص ياباشا هيا العملية بقت فردة مش عارف اقول ايه غير حسبي الله ونعم الوكيل
وهو ده النظام دلوقتي الواحد يشتري محل متر في متر ويبقى كل الشارع بتاعه الرصيف اللى قدامه والركنة وكلللله

حاجة تشل الناس اللى زي دي تاخدها على قد عقلها ومتحاولش تكتر معاهم
يعني انا بعملها كتير اركن قدام محل واقفل عليه واقوله انا مش هتاخر وجاي بيخلي باله منها
ومره كنت في شارع مصر والسودان حدايق القبة وهجيب حاجة من عند بي تك وقدامه في محل بتاع كاوتش ومكنش فيه ركنة غيره ولازم المحل يبقى قدامه فاضي عشان لو واحد عايز يغير فردة او يزود هوا انا بقى ركنت قدام المحل وقلتله معلش شوية وراجع وقالى ولايهمك ونزلت ولقيت عربية عايزة تركن عشان هتصلح حاجة عنده وهو كان مستنيني وقالى ولايهمك وكده .يعني انا اللى احرجته .تخيل بقى لو كنت ركنتها قدامه وقلت له هركنها يعني هركنا كان هو هيتحرق دمه وممكن يعمل حاجة في العربية مثلا ويقول ده اكل عيشي

ومره برده ركنت قدام ميكانيكي وقلت له شوية وراجع واتاخرت عليه ولما رجعت كان فيه عربية بترجع هتخبط في عربيتي قاله حاسب حاسب وكان واخد باله منها .تخيل بقى لو كنت ركنت عنده ومقلتلوش حاجة مكنش هياخد باله منها اساسا
حاول تسايسهم

ماشى تاخدهم على قد عقلهم بس فيه ناس ملهمش عقل اصلا

هوا اشترى المحل و الرصيف و الشارع و ممكن البنى أدمين الى ماشيين كمان
بس برضه الركن بالنية

**SASA3** · 17-10-2011 03:09 PM

المشاركة الأصلية كتبت بواسطة ramyhekal

طيب خد دى عندك
كنت داخل اصلى العصر ويوم جمعه وفى منطق فاضيه
وبركن بعد المسجد بشويه ولاقيت
صوت جاى من فوق واحده ست من البلاكونه دور تانى
متركنش هنا واطلع يالله
روحت واخد بعضى ورايح راكن بعيد
مش تقولى محل

انت بتفكرنى بواحده جارتنا يوميا على الله لازم تمسح الشقه بتاعتها و البلكونه و الذى منه و تكب المية من البلكونه على الشارع بمزراب لدرجة ان المية حفرت حته كبيرة فى الرصيف
و ده مش بتتفاهم اى عربية تحت البلكونه على طول لازم تستحمى منها يوميا على الله
علشان كده متلاقيش حد من السكان بيركن تحتها ابداا

**SASA3** · 17-10-2011 03:11 PM

المشاركة الأصلية كتبت بواسطة Elawany13

ده الموضوع ده بيغطنى بشكل

حسبى الله ونعم الوكيل

قلبى عندك كل الناس كده و الله بيبقا نفسى ادخل اركن جوا المحل بتاعه كمان

متشكرين على المرور

**SASA3** · 17-10-2011 03:13 PM

المشاركة الأصلية كتبت بواسطة elbeheri

موضوع مهم جدا دا الواحد ما يعرفش يخرج بالعربية الا لما يعرف هيركن فين الاول

انا و الله سعات بروح مشوارى بتاكسى علشان عارف انى مش هلاقى مكان ركنه و هتبهدل عقبال ما اركن

فى شارع عندنا فى المنصورة اسمه بورسعيد و شارع العباسى و الطميهى الاماكن ده استحاااااااااله تلاقى مكان تركن فيه يبقا انى اروح و أجى بتاكسى بخمسة جنيه احسنلى

**minicooper20** · 17-10-2011 03:13 PM

هههههههههههههههه
حد جرب يركن فى الزمالك عند فندق ام كلثوم او من اول ساقيه الصاوى كده
هناك هاتشوف العجب

**SASA3** · 17-10-2011 03:15 PM

المشاركة الأصلية كتبت بواسطة tutankhamoun

نتيجة طبيعية لغياب القانون و غياب التخطيط والتكدس السكاني الرهيب و اللي أحنا مش بنتعلم منه أي حاجة و نحاول نغير شكل الأحياء الجديدة (مفيش فايدة )

هو أصلا المفروض أي ميكانيكي أو واحد بتاع كاوتش يكون عنده مكان يعمل فيه التصليح مش في الشارع لان مش من حقه انه يقفل الشارع

بس بقى احنا عايشين في مصر (فوضى و انعدام وجود قوانين او تخطيط )

و عندنا عقده تانيه على فكرة الى هى ازاى يبقى عندنا شارع نضيف و ليه يكون عندنا شارع تضيف من غير مطبات او كاوتش بالعرض الناس بتتكيف اما تكسر و تبوض الشوارع و فى الاخر تيجى تشتكى

**SASA3** · 17-10-2011 03:17 PM

المشاركة الأصلية كتبت بواسطة dolly13

طالما لا يوجد قانون فكل واحد بيعمل اللى يريحه.
طيب انا مرة ركنت العربية امام محل ورد يعنى لا عنده زباين ولا نيلة والرصيف كبير يعنى العربية مش مدارية واجهة المحل وغبت نص ساعة بالظبط والله ارجع الاقى البيه صاحب المحل راكن عربيته صف تانى ومانعنى اطلع ومش راضى يطلع من المحل يحرك عربيته فقمت سايبة العربية وقعدت اتمشى شوية ولما رجعت لقيته قاعد فى العربية مع واحد تانى وبيطلع بشويش اوى بس انا كنت ابرد منه ولا بصيتله ولا قلتله حاجة وفى الاخر ربنا يشفى هانعمل ايه مع البشر دى ؟

دا محل ورد يعنى اخره ديلفرى لفرح بوكيه يتعمل مش محتاج يعنى مكان قدامه يطلع فيه البضاعة

**SASA3** · 17-10-2011 03:20 PM

المشاركة الأصلية كتبت بواسطة elawany13

قاعد فى العربية ؟
ولا على العربية ؟

ليه يا عم قاعد على العربية مستنيك يعنى

**SASA3** · 17-10-2011 03:22 PM

المشاركة الأصلية كتبت بواسطة minicooper20

هههههههههههههههه
حد جرب يركن فى الزمالك عند فندق ام كلثوم او من اول ساقيه الصاوى كده
هناك هاتشوف العجب

العجب العجاب موجود فى كل مكان حاول كده تيجى المنصورة و تركن عربيتك على المشاية يوم خميس او جمعه كده :):)

**Amr Axel** · 17-10-2011 03:30 PM

قمة قلة ادب و التخلف كل واحد بيحسسني انه اشتري الشارع لحسابه
فيه ناس ذوق مش مشكلة و فيها ناس عايزين الحرق بجاز مخلوط بمبيد حشري
اتخانقت كتيير بسبب الموضوع ده و لو قعدت احكي في مواقف من هنا لبكرة مش هنخلص
يعني نمشي بجراج محمول و لا ايه مش عارف جايز يخترعوها جراج يتحط في شنطة العربية تطلعه تفرده و تركن العربية فيه
حاجة تقرف

انا عن نفسي بعد كده هتنقل بالعجلة و اريح دماغي زي مقولت قبل كده
انا حاسس ان خلال سنة - 3 سنين ان شاء الله و عيشنا كل الناس هتركن عربياتهم لأنهم مش هيلاقوا مكان يمشوا فيه بعد كده

الموضوع: مش هتركن هنا شوفلك حتة تانية

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مشكلة تانية

مشكلة مرة تانية فى الميجان

اللى يبيع ماتش .. يبيع اى حاجة تانية وده لو كان ف حاجة تانية اصلا .

الفـــــــــــــــــــرامل و حاجات تانية

هو انا في بلد تانية و لا ايه

الكلمات الدلالية لهذا الموضوع

المفضلات

المفضلات

ضوابط المشاركة