دة نتيجة طبيعية لغياب دولة القانون (تنفيذ القانون على الكل) وسيادة شريعة الغاب.
حصلى نفس الموقف من 3 سنوات خلف اركاديا، كان الوقت رمضان وكان عندى شغل وفطرنا فى الشركة ونازل مروح، السايس عايز يحاسبى على وقوف فترتين (قبل وبعد الفطار) اتخانقت معاة وقلتلة هسبهالك واضيع عليك فلوس الركنة بتاعتى وبتاعت الى هيجى يركن مكانى. سكت ومشيت.
نفس الموقف عند حماتى كل العمارات محلات - على الرغم انة شارع جانبى - يعنى الى داخل عارف انة رايح انهى محل مش ماشى يدور، ولازم اركن على بعد. واتكرر تانى قدام بيتى فتح محل تصليح كمبيوتر ومش عايز حد يقف قدام المحل، وابن صاحب المحل طالع متقفش هنا، قلتلة خلى بابا يكلمنى، ولما جة ابوة نفس الاسطوانة - الرزق ... الخ- كلام بقى زيادة قوى ومحتاج وقفة.