الموضوع: بخلص فى عربيه سيراتو ومحتار جدا ارجو المساعده

المشاركة الأصلية كتبت بواسطة mido

لو مفيهاش abs airbags تبقي خليجي

انا كلمت الراجل انبارح واكدلى انها توكيل مش خليجى

المشاركة الأصلية كتبت بواسطة kareemz

بص .. حسب مشيك .. يعنى لو انت مثلا بتعمل 20 الف كيلو فى السنة .. يعنى بعد سنتين العربية تبقى عاملة 95 ألف كيلو .. يبقى معقول بالنسبة لعدادات اليومين.

انما لو انت أصلا بتمشى كتير .. يعنى مثلا 40 الف كيلو فى السنة .. يبقى لما تفكر تبيع العربية هتكون عامله كيلومتر كتير.

بص لو فلوسك على قد العربية .. توكل على الله .. لو معاك أكتر .. زود و هات حاجه أحسن.

و خلى بالك انك هتعمل صيانة و تغير سيور كمان 5000 كيلو تقريبا.

انا تقريبا ممكن اعمل 20 الف كيلو فى السنه وبالنسبه للفلوس انا كل ال معايا تقريبه 94 الف جنيه يعنى مش هقدر ادفع اكتر من كدا

معلش هيا ايه ال بيتعمل فى صيانه 60 الف وايه ال بيتغير وبيتكلف كام لو سمحت

المشاركة الأصلية كتبت بواسطة abouleila

برده اعتقد لو دورت كويس هتلاقى 2011 وبسعر مقارب للسعر ده

والله انا بدور بقالى مده وبسمع ارقام غريبه الايام دى ال يقولى 100 الف وارقام غريبه تقارب سعر الزيرو

المشاركة الأصلية كتبت بواسطة pirlo2000

هي طالم وكيل و جنط 17 و فتحة سقف.... فهي هاي لاين في الغالب (لو فرش جلد تبقي هي لاين)

انا شايف انها 55 الف كيلو كتير شوية... بس يعني لو كان كلها سفر و كده مفروض انها تبقي موتورها مستريح و حالتها احسن..

و طالما راجل محترم و عاجباك يبقي توكل علي الله و ربنا يقدملك اللي فيه الخير انشالله..

الله يخليك يا باشا هى فعلا شكلها عربيه نظيفه وانا صليت استخاره كتير وربنا يسهل ان شاء الله

المشاركة الأصلية كتبت بواسطة mido

مفيش اكتر من السيراتو كسر زيرو فى كونتاكت 95 او 96 يجيبوا حاجه احسن
لو العربيه مفيهاش abs , airbags تبقى خليجى

ما انا بقالى شهر بلف حولين نفسى ومش لاقى خالص والله حاجه كويسه

المشاركة الأصلية كتبت بواسطة ahmed1718

اولا 55 الف كيلو فى سنتين مش كتير

ثانيا العربية دى تقريبا تمنها زيرو كان ب 122 الف
العربية فابريكا وصيانة وكيل

اتكل على الله السعر مناسب وكويس

بس اعمل حسابك انك غالبا هتحتاج تغير تيل فرامل وتشيك على الصيانات فى الوكيل اللى تمت قبل كده برقم شاسيه العربية

طيب تيل الفرامل بكام تقريبا الاصلى وايه الصيانات ال بتتعمل على 60 الف كيلو وبتتكلف كام