الموضوع: مشكله فى كود المفتاح

شكرا لكل الاعضاء اللى شافوا الموضوع ومحدش عايز يرد عموما هاقول لحضراتكم الوضع حتى الان حتى ممكن حد يستفيد من اللى بيحصلى دلوقتى
انا شيكت على كل حاجه اشك انها تكون السبب فى المشكله دى
فيوزات -كابلات البطاريه فصلتهم وقفلتهم على بعض وon of 5 مرات ومفيش فايده كل ما حد يقلى حاجه اجربها المهم رحت بيها عند مركز كشف اعطال ركنى يوم كامل لحد ما حطها على الجهاز وبرضه شكله معرفش ايه السبب قالى يا اما حساس الشكمان وبعديه الايموبليز واخيرا الكنترول دول ال3 اسباب اللى .......
المهم لسه لحد دلوقتى مش باين السبب قاللى هنتصل بالشركه يدولنا الكود وهنا حسيت بالاشتغاله سحبت العربيه ومشيت اتصلت بكل اللى اعرفهم واحد قاللى اللى اشتريت منه العربيه اداك المفتاح البنى والكارت دول حل المشكله انا اشتريت من سنتين والراجل مجبش معايا سيرة حاجه زى كدا وادانى كل اللى عنده للعربيه كان عندى واحد معرفه فى جنرال شغال فى حاجه زى كدا اتصلت بيه جه بص العربيه وما قعدش معايا خمس دقايق قالى روح ل اسعد بتاع المفاتيح اللى فى الحى السابع والحمد لله دا عندنا فى اكتوبر اخو عزب بتاع المفاتيح خدت العربيه وديتها هنا بقا لقيت الراجل دا ناصح وفاهم خد المفتاحين اللى معايا وفك واحد فيهم طلع الفحمايه وعمل شوية حاجات انا مش فاهما على كمبيوتر عنده بتاع شفرات مفاتيح جرب مفيش وطبعا وهوا شغال بيقلى بيعمل ايه المهم عمل كذا تجربه وطلعنا اخر حاجه الكمبيوتر شغال ميه ميه والانتنه شغاله والايموبليزر غيرنا شفرته علشان لو مهنجه المهم بعد كذا تجربه النتيجه ايه وحدة الايموبليز اللى هيا بتتعرف على المفتاح وترجع تدى الاشاره لكمبيوتر العربيه دى مبطلعش الاشاره ليه بقا مش عارفين فكدا الاحتمالات اننا نشترى وحدة دوار استيراد ونركب هتشتغل قلت يا باشا دى مكلفه طيب الحل التانى هوا هيفك وحدة الايمبليز ر ويقيسها حاجه حاجه ويشتغل فيها بيقول دا اى سى او مكثف او حاجه فيها مش مطلعه الاشاره الاشاره مبتخرجش من الايموبليز للكمبيوتر والشفره مفيش فيها مشكله يبقى دى محاوله وهيقلى النتيجه النهارده يا اما يحلها يا اما هنشترى وحدة دواره كامله والمناسبه هوا اخو عزب بتاع المفاتيح اللى فى شارع السوادن وفاهم كمان مش واخدها فهلوه زى كتير ما بيعملوا
واسمه اسعد فى مول الشروق جنب مدرسى الرضوى فى الحى السابع والعربيه بايته عنده من امبارح ويا مسهل يا رب يا ريت اللى عنده معلومه او حل يقول ةفى حاجه غريبه لاحظتها صدفه بس مش عارف فايدتها ايه لما افتح الكونتاكت وانا دايس على زرار تصقير عداد الرحلات بيطلع عندى فى الشاشه كلام مش ارقام وادوس عليه 3 مرات بيطلع كلام تانى لحد ما يرجع للارقام بس مش عارف الكلام دا ايه ولا فايدته بس عرفت انه ممكن يكون ليه علاقه بمشكلة الكود اللى عنده حاجه يحب يضيفها يا ريت .......... علشان الكل يستفاد

شكرا لكل الاعضاء اللى محدش ساعد فيهم ولا حتى بالدعاء عموما اخيرا تم حل المشكله وهيا بتغيير طقم الدواره بالكامل يعنى الكمبيوتر والايموبليزر وكونتك مع الانته لالتقاط اشاره المفتاح لانى جبت ميكانيكى الفا روميو وكهربائى الفا روميو وكان تشخيصهم ان لازم اشترى طقم دواره جديد ودا كان تمنه 1000 بعد الفصال فى الاول كان 1500 نزلته للالف ما هوا كل بتوع قطع الغيار حراميه وركبته بنفسى سهل جدا تركيبه دا بعد ما لفيت وطلع عين اهلى فحص كمبيوتر وفك شفره وخلافه المهم دلوقتى انا عندى الطقم القديم ونفسى اعرف المشكله حد يكون فاهم يعرف يقول ايه كانت المشكله وحصلت ازاى علشان ما اكررهاش بس معلومه حلوه عرفتها من الكهربائى ان ممكن يفك شفره البى ام او شفرة المرسيدس لكن شفرة الالفا روميو ملهاش حل فدا كويس بالنسبه يعنى مش هتتسرق الا لو رفعوها بونش
دلوقتى طبعا استلمت مع الطقم مفتاح واحد بس مين يعرف اعمل عليه واحد تانى مشفر فين والاسعار
عموما حبيت اكمل تجربيتى علشان نفيد بعض