السلام عليكم ورحمة الله وبركاته
انا محتار جدا بين الصني اي اكس مانيوال وسرها بالا بي اس 92000
وبين اللوجان فول اوبشنز وسعرها 71000
دي نيسان ياباني ومحترمه جدا ودي رينوا فرنساوي وطبعا غنية عن التعريف
افيدووووووني افادكم الله
:majd(4):
عرض للطباعة
السلام عليكم ورحمة الله وبركاته
انا محتار جدا بين الصني اي اكس مانيوال وسرها بالا بي اس 92000
وبين اللوجان فول اوبشنز وسعرها 71000
دي نيسان ياباني ومحترمه جدا ودي رينوا فرنساوي وطبعا غنية عن التعريف
افيدووووووني افادكم الله
:majd(4):
الفرق 20000
امكانياتك تسمح بدفع فرق السعر يبقي صني
لاتسمح وتستفيد بالمبلغ يبقي لوجان
وفي الاخر كلها زي بعضها عربيات تستهلك وتقضي الغرض المطلوب منها
+1111111111
لو الموضع هيستحق الفرق هدفعه ودا اللي بسأل عنه
عشان ان بحب الياباني بس اللوجان بصراحه محيراني
صنى
سوق دى و سوق دى وقرر انت
هي اللوجان طبعا عربية محترمة وكل حاجة، وأنا بحترمها جدا، بس الفرق بينها وبين الصني يستاهل، لو معاك ثمن الصني، لا تتردد
اي موزع معتمد لنيسان روح واقعد فيها وشوف الكنبة .. يعني بيقعد 3 عادي .
استهلاك البنزين ... انا بقلك زي اي عربية 1600 .... ومتقلقش منه لو هاتجيبها مانيوال زي.
وموتور الصني اقوي من اللوجان ولو هاتجيبها مانيوال هاتشوف المواتير المحترمة ماشاء الله وسحبها ولا اروع ماشاء الله لا قوة الا بالله
---------------------------
دلوقتي الفرق 20000 .... انت هاتاخد ايه قدامهم ؟؟
1-ماتور وفتيس وعفشة وتكييف محترم جدا ياباني (علي فكرة ماتور الصني 2 كامة واللوجان 1 كامة)
2- صاج محمل و اقوي من صاج اللوجان
3- تقفيل محترم وتابلوه خاماته ممتازة ماشاء الله
4- ايرباج للسواق وabs,ebd
5-ثبات ممتاز ومعاك لغاية 190 -200 كم
6- توكيل من افضل التوكيلات .
7- قطع غيا كتيييرة ومنشرة وانواعها كتير ياباني درجة اولي وتانية و تايواني
8- سعر اعادة بيع ماسك نفسه لو لاقدر الله فكرت تبيعها
--------------------------
كان نفسي في حاجتين من اللي في اللوجان
كمبيوتر الرحلات والطارة المالتي فانكشن في البلاك لاين
-------------------------
وربنا ييسرلك الخير ... ومنساش الاستخارة
انا كنت هاقولك الصني لولا ان مساحة صالونها ضيقة جدا...واللوجان عربية خشنة باور تقيل وعفشة ناشفة....بصراحة فئة العربيات لحد 100 الف انا مش حاسس باي عربية فيها تستاهل يدفع فيها فلوس.....انا اهقدت محتار 6 شهور فى الفئة دي وفى الاخر اكتشفت انه ماينفعش تجيب عربية خالية من الخوازيق في هذه الفئة..وشكرا
طبعا الصنى لو مش فارق معالك ال 20 الف جنيه
حضرتك الفئتين مختلفتين وبعدين المنافسة محسومة
نيسان صنى طبعا عربية يابانى محترمة قطع غيااار متوفرة توكيييل محترم شكل اشيييييييييييييييك
هو فعلا موضوع الكمبيوتر اللي في اللوجان هو اللي كان مخليني متحير بس من كلام حضرتك كدا اظن انها تقريبا محسومة للصني
جزاك الله خير :)
ماهو للاسف انا مقدرش اعلي اكتر من الفئه دي :majd(4):
تمام هو المهم تكون مستاهله
تمام جزاك الله خير
وهو فعلا تقريبا محسومة للصني
شكرا لحضراتكوا ولمعلوماتكو القيمة جدا :)
الاثنين فئيتن مختلفين تماما
بس والله العظيم صاحبي لسة جايب الصنى ولسة معلقش نمر
وبيقول يا رتنى جبت اللوجان
لان الفرق حوالى 35 الف جنية
والصنى مش مستاهله كل الفرق دا
انت ممكن تجيب رينو سكالا ب 93 الف الفول اوبشن اللى هي = نيسان صنى 2012 الخليجى وتوفر الفلوس فى جيبك
غير كدة اتوكل على الله وهات اللوجان
ووفر فلوسك
35 الف جنية يجبلوك عربية تانية لانوس مثلا 99
دى مميزات وعيوب اللوجان اللى بقولها لاى حد قبل ما يشترى علشان يعرف
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/
الصنى بالذات الآتوماتيك تستاهل ثمنها ومش غالية على ثمنها وهى خارج المنافسة وطالما ثمنها موجود يبقى هى أفضل وتستاهل
اللوجان مش وحشة لكن أولا مانيوال ثانيا على قد ثمنها وأفضل سيارة فى رنج ثمنها لكن ما تطلعش للنيسان .
والله الموفق والمستعان
طب ايه اخبار تكييف العربيه خصوصا ان الماتور 8 صباب والعربيه اوروبي
وخصوصا تأثيره عالسحب
انا كنت النهارده في توكيل نيسان وبعدها علي توكيل شيفورليه
وركبت الاوبترا وماشاء الله فعلا واسعه جدا جدا من كرسي السواق قولت اكيد الكنبه هتبئا ضيقه والمفاجأه اني لاقيتها واسعه اوي ماشاء الله
وركبت الصني هي العربيه من برا تبان كبيره واكبر من الاوبترا بس لما ركبتها لقيتها مش كبيره من السواق قولت يمكن الكنبه تبئا واسعه علي اساس مثلا ان الكرسي مقدم اعدت ع الكنبه لقيتها ضيقه بصراحه
من حيث العلو عن الارض الاوبترا اعلي من الصني
ومن حيث استهلاك البنزين قولت استعبط واسأل اللي في نيسان بقوله بس انا اسمع ان الصني استهلاك بنزينها عالي اكتر من الاوبترا مثلا قالي هو مش بالشكل الكبير وعلي حسب استخدامك كان نفسي انه يقولي لا الكم دا مش صح مثلا ولا حاجه بس للاسف مفيش
حد يقدر يفيدني ويقولي ايه اللي ممكن يميز الصني عن الاوبترا غير الاي بي اس ؟
التوكيل والعمر الطويل وانتشار قطع الغيار ورخصها وصاجها والامان
طب ماتشوف الاوبترا واسعة وعريضة وفخمة ومنى ذكى عملتلها اعلان
قطع الغيار والرخص تقريبا مفيش فرق كبير بس باقي الحاجات دي يمكن فعلا الصني تتفوق فيهم
بس برضو في عندك استهلاك بنزين وعاليه عن الارض والحاجه المهمه موضوع الصالون الواسع لاني طويل شويه ودا يأثر معايا
والله يا استاذ حسين انا تاعبك معايا انا عارف
بس اكيد حضرتك عارف الحيره اللي بتسبق خطوة الشراء :majd(4):
ماهو انا لسه كنت بتكلم عن الاوبترا في التعليق بتاعي فوق
بس لو علي مني ذكي انا اشتريها من بكره ومنغير اي مناقشه :00020140:
بص يا باشا لو المقارنة بين الصني و الاوبترا هقلك الصني بدون تفكير
الصني ميزتها ايه عن اللوجان:
Abd - ebd مش موجود في اللوجان
موتور تكنولوجيا اعلى بس انا حاسس ان موتور اللوجان زي الفل و العربية مش محتاجة اكثر من كدة
العفشة في اللوجان انا حاسسها انعم من الصني (احساس شخصي) و على فكرة العفشة بتاعة اللوجان على حد علمي انها من تصميم نيسان بردو
الموتور موتور الميجان 1 (فرنساوي 100%)
الخامات بتاعة التابلوه مقدرش احكم على خامات الصني لأني لما ركبت كنت راكب ورا مش قدام بس اللوجان انا الحتة دي مش عاجباني فيها قوي بصراحة
التكييف في اللوجان اللي سمعتو انو ياباني مش تكييف اوروبي و بصراحة عمري ما زعلت منو
اللوجان تزيد عن الصني ايموبيلايزر علشان لا قدر الله السرقة، طارة مالتي، كومبيوتر الرحلات، فوجات قدام و ورا و اللوجان لو نزلت بجمارك كانت مش هتقل عن 85 او 90 و كانت هتبقى في نفس فئة الصني و كانت ساعتها هتتقارن بيها عادي بدون مشكلة
هو حضرتك ركبت الصني علشان تقول كده، وصاحبك دا محسسني إنه دفع 200 ألف جنيه، الصني زيها زي أي سيارة 1600 اسمها سيارة اقتصادية والفروق بينهم وبين بعض مش كبيرة قوي زي ما حضرتك متخيل، بس في فروق طبعا، وما ينفعش تقارن عربية ياباني بعربية هجينة (مع إني باحترك اللوجان وارجع لمشاركاتي وانت تعرف) وبعدين كفاية بقى المميزات اللي حضرتك عمال تحطها في كل رد ليك دي، ماهي موجودة على النت، ياريت حضرتك زي أي عضو تنقل تجربتك الشخصية عن السيارة وتقول مميزاتها وعيوبها اللي قابلتك، وما تنساش موضوع تكييف اللوجان اللي بشهادة ملاكها ومنهم صديق ليا إنه ضعيف، وأقسملك بالله إنه غير سربنتينة في الضمان والعربية 2009، وتقبل مروري:_Alshmokh08[1]:
مين اللي قال لحضرتك إن الصني مافيها إيموبلايزر !!!!!!!!!! :_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]::_Alshmokh08[1]:
حسين باشا مساء الفل
مش هاتكلم على التوكيل ولا عوامل الامان
لكن انتشار قطع الغيار واسعارها سواء الاصليه فى التوكيل او غيرها فى السوق اعتقد انه فى صالح الاوبترا
وموضوع العمر الطويل برضه يرجع لاستخدامك وحفاظك على العربيه , منقدرش نحكم على الاوبترا ان عمرها اقصر لانها من سنة 2005 ولحد دلوقتى شغاله تمام
حسام بيك... يا مساء الانوار.... نورت مصر:)))
انا معايا صاحبي ابن صاحب الشركة معاه اوبترا وكان بيصينها في التوكيل عادي ابن صاحب الشركة.... اتنفخ من اسعارها في التوكيل سواء صيانة او خلافه.... راح الحرفين قعد فترة وغير انواع قطع الغيار.. العربيه مبقيتش عربيه... بقيت تشخلل واركب معاه احس ان كل حته في ناحيه... واخر ما زهق وداها التوكيل تاني ودفعله لوكشه محترمة عاشان العربيه ترجع زي الاول
وهو من الناس اللي رشحولي الصني.... وبالنسبه لقطع الغيار حتي لو اسعار الصني نفس اسعار الاوبترا... العمر الافتراضي بتاع حاجة الصني ما شاء الله اعلي من الاوبترا بكتييير.... ومعايا مهندس يقولي مشكلة العربيه طنابيرها والتيل بتاعها..... وكان فاكر برده الصني ضيقه... خليته يركب عندي اتفاجأ.... قالي عاديه مش فرق كبير يعني
امال ايه الكنبة ضيقة الكنبة ضيقه.
بالنسبه بقي لموضوع العمر الطويل.... اكيد كل ما تحافظ علي الحاجة هاتعيش اكتر
بس انا قصدي الصني دب فيها ولففها الشارع ليل ونهار 5 سنين... ونفس الكلام للاوبترا وشوف مين هايتعب بسرعه
شوف اغلبية عربيات الصني من اول موديلات 2000 العربيه ماشاء الله ماسكه نفسها ويعدي علي ال5 سنين وتقول عليها زيرو
وشوف اوبترا 2009 ولا 2010 وشوف حالتها عاملة ازاي حتي لو الصالون زبرو... بس من بره بتتبهدل بسرعه اوي زيها ري اي كوووري
وديه بالذات مكنتش هاتظبط معايا علشان كنت هاقسط وعايز حاجة تستحملني ال5 سنين دول ماشاء الله
وفي الاخر برده هي راحه نفسيه
يعني صاحبي المهندس اللي معاه اوبترا ومشكلته الطنابير ديه... يقولي انا بحترم الصني,جدا بس مش,بقبلها ومش بتزلي من زور... زيها زي الفيرنا واللانترا مثلا بالنسبة لي
حتي لو حاجتها ببلاش مش,عجباني
اهم حاجة الاستخارة وربنا ييسر لصاحب الموضوع الخير
طب يا استاذ حسين ازاي حضرتك بتقول ان الكنبه هي هي مع ان فعلا لما ركبت الصني وركبت الاوبترا في فرق ملحوظ
مع انا من الناس اللي مكنتش قادر اقتنع بموضوع الكنبه لان العربيه شكلها ماشاء الله كبير
هل حضرتك عملت فيها حاجه او كنت مقدم الكرسي ؟
بالظبط يا عادل بيك ....... انا اصلا كل اللي عربيات اللي ركبتها او بركبها اروح مرجع الكرس علي الاخر وارجع الضهر ويبقي ضهر الكرسي لازق في الكنبة حتي البولو... من فترة كده ركبت مع واحد صديقي تقريبا نفس الطول ونفس الحجم وكل حاجة .... لقيته مقدم الكرسي جامد جدا ومفيش مشكلة بالنسبة له في السواقة
فجربتها وبصراحة من ساعتها ... التحكم في العربية احسن بكتييييييير وعرفت السواقة الرياضية بجد ماشاء الله .... انت قربت من الفتيس فنقلاته بقيت سهله وقصيرة تعرف تظبطها
والاهم من كل ده .... كسبت الكنبة هههههههههههههه
والله بقيت افتح الباب ابص علي الكنبة مش مصدق انالكنبة ممكن حد ينزل ويركب من غير ما يحسسني بالذنب واحس انه بيدعي عليا :))
وتقربيا بيقت وسع الاوبترا من ورا .... وومكن اصورهالك بكرة ان شاء الله
انا علي فكرة بتاع 175 سم و130ولا 140 كم ماشاء الله ........ نسب نفسك بقي للارقام ديه وشوف ايه ظروفك
ولو اوتوماتيك يبقي انت مش محتاج المساحة الكبيرة لكرسي السواق زي ما هاتحتاجها في المالنيوال
وصاحبي اللي معاه اوبترا هو اصلا قصي فلما ركب قدم الكرسي كمان .... فبقي ورا السواق ممكن تقعد في الارضيه هههههههههههه
في حاجة مهم جدا جدا
مشكلة كنبة الصني في حاجة ... الشلتة اللي تحت بتاعه الكنبة عريضه ومعدية قعدة الكنبة بكتير ... معرفش حد لاحظ ولا لا
لما في ناس معانا عملت فرش عند جينز كار والكنبة اتلمت بالفرش الجديد بقيت مظبوطة علي القعدة بتاعه الكنبة بالظبط .... فا اديت وسع اكتر
وملحوظة بشكل كبيييييير
وده اللي ناوي اعمله ان شاء الله ... علشان كراسي الصني عايزة تتظبط مش مريحة في القعدة ناشفة.
ردودى دى خلت ناس كتير تحسم المقارنة نهايا وتقريبا يعنى لو ركزت شوية هتلاقى فيها المميزات والعيوب ( عاوزنى يعنى اخترع مميزات وعيوب )
تكيف اللوجان اثناء الجو الحار يعتبر ملطف للجو وفى الاوقات العادية بيبقى ساقع ومع مرور الوقت فعلا بيسقع العربية وانا لما جبت ستاير للعربية كلها وشغلت التكيف حصل فرق
فالتكيف فعلا مش قوى اوى ولكن قوى والكلام كلوا ان الفرق 35 الف جنية كتير اوى
وانوا ممكن يجيب عربية تانية بالمبلغ دا او يوفره
لان فى حاجة اسمها نيسان صنى خليجى 2012 ( شوف بقى تكيف الخليج عامل ازاى ) اللى هيا اسمها رينو اسكالا = 93 الف جنية
يبقى ازاى النيسان صنى الشكل القديم ب 106
علشان بس العلامة اتغيرت فى 13 جنية فرق ........
دى كانت كل فكرتى ودى كانت ندم صحبي برضوا
ولعلمك هصورك العربية وانا جنبه وهى لية مركبتش نمر وفعلا هو متضايق لانو ركب اللوجان معايا كتير وساقها كتير والفرق طلع مش كبير زى ما كان متخيل
ههههههههههههههههههههههههه هه
لا هو حضرتك يا استاذ حسين ممكن تكون اعرض مني شويه انما انا 185 سم ماشاء الله
ف لما بركب اي عربيه بتكون معاناتي اني اعدي رجلي اليمين من تحت الدريكسيون :D
ودا اللي بهرني في الاوبترا ان لاول مره محسش بالمعاناة دي خالص فأكيد مش هزود علي نفسي واقدم الكرسي كمان لقدام دا يبئا انتحار :hitwall3:
بس موضوع الفرش الجديد دا مثلا بيلم الكنبه وبيدي مساحه بين الكرسي والكنبه فعلا ولا مجرد راحه نفسيه ؟
تمام يا استاذ ايمن انا سمعت نصيحة حضرتك ورحت شوفت الاسكاله في التوكيل وفعلا هي الخليجي بتاع الصني
بس لاسف ملقتش منها غير الاتوماتيك ومبقاش يجي المانيوال وقالي ان دي اخر سنه هينزلوا فيها الاسكالا اصلا مانيوال او اتوماتيك لانها ممشيتش في مصر
ودا كانت حجه محبطه لاني كنت تقريبا عقدت العزم عليها
بس بعد كدا فضت الجو للمنافسه بين الصني والاوبترا
أنا كنت محتار حيرتك بين الصنى واللوجان من سنتين ، وفرق الفلوس كان متوفر .. بس اللى خلانى أحسم أمرى وأجيب اللوجان هو الضيق الشديد للمساحة أمام الكنبة الخلفية فى الصنى وفى المقابل الاتساع الشديد للوجان.
مع العلم بأنى بأسافر 100 كيلو علشان أعمل صيانات اللوجان
بينما صيانات الصنى لها مركز معتمد تحت العمارة اللى أنا ساكن فيها
بص يا زعيم كلمتين ورد غطاهم من الاخر كده
لو عاوز توفر شوية فلوس واغلب مشاويرك جوه البلد وبتحب تكييف مش برد اوى ومحتاج مساحة للركاب كبيرة زى العيلة او التنقلات وشنطة معقولة وعربية عالية عن الارض وسواقتها سلسة ودبرياجها واطى يبقى لوجان وريح دماغك
ولو بتسافر كتير وعاوز عربية تحسسك بالامان وتقيلة على كل الطرق والسرعات وناشفة صاج وموتور وفتيس ودبرياج وفعلا عربية تستاهل تمنها واكتر كمان وشنطتها واسعة وعالية عن الارض بس وضعية الجلوس فيها منخفضة وقطع غيارها معمرة وتوكيلها محترم جدااااااا وضمانها بجد مش هزار زى بقية العربيات اللى بتظهر فيها عيوب وتوكيلاتها بتنصب ع العملاء وتكييفها تلااااااااااجة تحت اى ظرف وعزم موتورها ولا الجرار وعربية معمرة وتعيش سنين وسنين يبقى صنى وبس
وفى الاول والاخر حضرتك اللى بتحدد امكانيات عربيتك ولازم تكون مقتنع بيها مليون فى المية
طيب هى عربيته كان فيها مشكله او عامله حادثه ولا ايه
اصل المفروض فى الوضع الطبيعى لو العربيه سليمه وهاتعمل الصيانات الدوريه فى التوكيل ماتعتبرش غاليه وهاقولك الاسعار
اولا المصنعيه دى حاجه ثابته بتكون 153 جنيه او 195 جنيه حسب صيانة 5 - 15 - 25 الف ولا 10 - 20 - 30 الف
ثانيا قطع الغيار الاصليه شامله 10 % ضريبه
زيت موبيل كل 10 الاف كم ب 250 جنيه
فلتر زيت كورى ب 37 جنيه المصرى ب 15 جنيه
تيل فرامل امامى حسب الاستخدام هانقول متوسط كل 20 الف كم ب 214 جنيه
فلتر هواء كل 30 الف كم ب 53 جنيه
فلتر بنزين كل 30 الف كم ب 37 جنيه
بوجيهات كل 30 الف كم ب 121
كل دى اسعار قطع gm أصلى وفى التوكيل لو حسبت لحد ال 50 - 60 الف كم هاتلاقيها رخيصه ومش مكلفه خالص
موضوع الوسع فالاوبترا اكيد اوسع بفارق ملحوظ ممكن الوسع مش فارق مع بعض الناس او زى ما انت بتعمل وبتطلع الكرسى يبقى مفيش مشكله
العمر والاستحمال فالاوبترا بتستحمل وخصوصا لو حافظت عليها ( انا الحمد لله محافظ على العربيه اللى يشوفها يقول كسر زيرو مايبنش انها داخله فى 4 سنين ) بس مشكله الاوبترا ان الصاج ضعيف وطرى بالذات السقف والكبوت ورق يعنى من اقل حاجه يطبق ويكرمش ودا اللى بيخلى شكلها وحش
وهى فعلا راحه نفسيه واذواق وربنا يباركلك فى الصنى ياباشا ويكفيك شرها واتشرفت بالمناقشه معاك
والله يا جماعه انا مش عارف اقولك لحضراتكوا ايه علي المناقشه والمعلومات القيمة جدا جدا جدا دي
بس انتوا كدا بتزودو حيرتي هي يمكن الكفة الراجحه للصني في كل حاجه بس الاوبترا بتتفوق في موضوع الوسع وفموضوع البنزين
اللي قالي الاعضاء هنا لما سألت السؤال ده = اني لما شفت المفتاح بتاعها مفتاح عااادي جدا مفيهوش مكان يتحط فيها الCHIP بتاعة الاموبيلايزر و متقليش في الريموت لأن الريموت ملوش دعوة
و لو سمحت بالراحة شوية انا مش داخل خناقة
لو غلطان قولي انا غلطان و ايه الصح ملهاش لازمة ال:_Alshmokh08[1]: :_Alshmokh08[1]: و الكلام ده
فعلا الصني مفيهاش امبوليزر
فيها نظام انذار فقط لو حد فتح السيارة من الداخل هتزمر وتخرب الدنيا وسمعت من الاعضاء مش متاكد انها بتفصل كهرباء ومش بتدور