تجديد فتيس الميجان 2 اوتوماتيك

**esheikh** · 18-10-2011 01:21 PM

نجوم الميجان
حد فيكم عنده فكرة عن عملية نجديد فتيس الميجان 2 ؟ بتتعمل فين او بكام او ازاى؟
هل فعلا بتفرق في اداء العربية بعدها؟ المشكلة انى حاسس ان عزم الموتور بيضيع في مكان ما...وشاكك في الفتيس.
مستنى نصائحكم وخبراتكم

**shawkylotfy** · 18-10-2011 03:36 PM

انت عندك مشاكل فى النقلات ؟ عندك هبدات مع الغيارات ؟ عند رسايل بتطلع على الشاسة شيك جيربوكس او جيربوكس اوفر هيتد ؟

لو معندكش كل دة متعملش حاجة فى الفتيس لانة سليم :)

**esheikh** · 18-10-2011 03:49 PM

المشاركة الأصلية كتبت بواسطة shawkylotfy

انت عندك مشاكل فى النقلات ؟ عندك هبدات مع الغيارات ؟ عند رسايل بتطلع على الشاسة شيك جيربوكس او جيربوكس اوفر هيتد ؟

لو معندكش كل دة متعملش حاجة فى الفتيس لانة سليم :)

هو مفيش هبدات بس بتتأخر في الغيار .يعنى الار بي ام بيوصل 3000 علشان تنقل...
وصوتها عالى

**solly1979** · 18-10-2011 09:36 PM

المشاركة الأصلية كتبت بواسطة esheikh

هو مفيش هبدات بس بتتأخر في الغيار .يعنى الار بي ام بيوصل 3000 علشان تنقل...
وصوتها عالى

3000 معقول جدا انا شاعات بتنقل على 3500 ودة الرنج بتاعى على طول

بصراحه الميجان طلعتها مش جامدة يعنى ممكن حضرتك تحس انه ضعيف بس ادائه بعد ال120 بحس انه مرضى بس مش كويس
نقلات فتيس الميجان الأوتوماتيك مش سلس يعنى لو ركبت النترا هتلاقى نقلاتها سلسه جدا
بصراحه اضعف حاجه فى العربيه ديه من وجهة نظرى الفتيس

**shawkylotfy** · 18-10-2011 10:09 PM

المشاركة الأصلية كتبت بواسطة esheikh

هو مفيش هبدات بس بتتأخر في الغيار .يعنى الار بي ام بيوصل 3000 علشان تنقل...
وصوتها عالى

حضرتك هو بينقل متاخر لان انت دايس بنزين جامد حاول تدوس براحة وخليها تاخد سرعتها مستريحة وهى هتنقل معاك على 2000 لفة ...

**meso76** · 18-10-2011 10:53 PM

آه ... الموضوع ده جالى على الجرح مباشرة :)
انا لسه عامل تجديد للفتيس فى التوكيل (مكتوب فى الفاتورة "عمرة فتيس كاملة")
الأعراض انا كنت كتبتها فى موضوع قبل كده ... ده اللينك بتاعه لو تحب تبص عليه http://www.nilemotors.net/Nile/247336-a.html
والموضوع تطور بعد كده لغاية لما بقيت اول ما ادور العربية تطلع لى رسالة Gearbox overheat طبعا ركنت العربية وخفت اتحرك بيها لدرجة انى لما خدت معاد فى التوكيل جبت ونش نقلها رغم انها كانت بتدور عادى (بس بصراحة خفت على الفتيس كله يتحرق و ده طبعا معناه تكلفة خرافية! قلت ادفع 140 ج للونش اضمن)
المهم العربية قعدت 3 ايام فى التوكيل وتم عمل عمرة للفتيس (اللى فهمته من المهندس ان من الحاجات اللى اتغيرت ضفيرة الكهرباء بتاعت الفتيس و2 اويل سيل وحساس الفتيس)
الفاتورة (بعد الخصم) 3680 ج (بس منهم 325 ج حساس كامة) يعنى تقدر تقول تكلفة العمرة حوالى 3300 ج
انا عارف ان فى ناس كتير بره التوكيل بيشتغلوا فى الميجان ... بس موضوع حساس وخطير زى الفتيس منصحكش تروح لحد بره التوكيل ... على الأقل خليهم يكشفوا عليه وشوف حيقولولك ايه وان شاء الله يكون الموضوع ابسط من اللى كان عندى

**esheikh** · 19-10-2011 10:46 AM

المشاركة الأصلية كتبت بواسطة meso76

آه ... الموضوع ده جالى على الجرح مباشرة :)
انا لسه عامل تجديد للفتيس فى التوكيل (مكتوب فى الفاتورة "عمرة فتيس كاملة")
الأعراض انا كنت كتبتها فى موضوع قبل كده ... ده اللينك بتاعه لو تحب تبص عليه http://www.nilemotors.net/nile/247336-a.html
والموضوع تطور بعد كده لغاية لما بقيت اول ما ادور العربية تطلع لى رسالة gearbox overheat طبعا ركنت العربية وخفت اتحرك بيها لدرجة انى لما خدت معاد فى التوكيل جبت ونش نقلها رغم انها كانت بتدور عادى (بس بصراحة خفت على الفتيس كله يتحرق و ده طبعا معناه تكلفة خرافية! قلت ادفع 140 ج للونش اضمن)
المهم العربية قعدت 3 ايام فى التوكيل وتم عمل عمرة للفتيس (اللى فهمته من المهندس ان من الحاجات اللى اتغيرت ضفيرة الكهرباء بتاعت الفتيس و2 اويل سيل وحساس الفتيس)
الفاتورة (بعد الخصم) 3680 ج (بس منهم 325 ج حساس كامة) يعنى تقدر تقول تكلفة العمرة حوالى 3300 ج
انا عارف ان فى ناس كتير بره التوكيل بيشتغلوا فى الميجان ... بس موضوع حساس وخطير زى الفتيس منصحكش تروح لحد بره التوكيل ... على الأقل خليهم يكشفوا عليه وشوف حيقولولك ايه وان شاء الله يكون الموضوع ابسط من اللى كان عندى

ص
عندك فكرة يا كبير الكشف ده يتكلف كام تقريبا؟