السلام عليكم
استفسار غريب
حد هنده فكره سماسره الشقق بياخدوا نسبه كام تقريبا
وهل من البائع ولا من المشتري
عرض للطباعة
السلام عليكم
استفسار غريب
حد هنده فكره سماسره الشقق بياخدوا نسبه كام تقريبا
وهل من البائع ولا من المشتري
انا اعرف السمسار بياخد قيمه شهر ايجار
لاكن بياخد من البايع ولا المشتري ولا الاتنين بيظبطوا مع بعض الله اعلم ثم الكلام ده هنا في الاقصر معرفش عندكم هيكون ايه
انا بتكلم في حاله البيع وليس الايجار
فيه عضو معانا اسمه محمد محمد ممكن يساعدك
1.5-2 % و المفروض بياخدهم من الاتنين ... اهم حاجه تتفق معاه عشان الجدال ... يعنى هيقولك 3% قوله لأ 2 بس و نصهم منى او تلتهم و كده يعنى
الشقه اللى فى حدود 100000 بياخد فيها 1000-1500 (الكلام ده من سنتين) و بتفاصل معاه و الموضوع فيه مناهده و وجع قلب :) بلاش منه
الافضل دايما الاتفاق فى الاول
شكرا للجميع
اصل انا مؤخرا لقيت ناس كتير بتفتح سماسره وركبين احسن عربيات
عرفت دلوقتي ليه
بص هى قنونى 2.5 % لاكن مفيش حد بيدفع كدة خالص بيدفع من 1 الى 1.5 % وبيتاخد من الاتنين
و الايجار بتاخد شهر ايجار
من 1- 1.5 % وبيآخد من الإثنين البايع والمشترى
بس أنا أعرف ناس كتير كانوا بيبيعوا وبيتفقوا أنهم مايدفعوش ولا مليم يآخد من المشترى بس
وأحياناً بيتفق على مبلغ معين 1000 جنيه مثلاً خالصين بدون نسبة
وأحياناً بيتفق يبيع بمبلغ معين مثلاً يقوله أنا عاوز فيها 100000 ج ومازاد عن ذلك ليك فيه 10% مثلاً وهكذا الإتفاقات كتير
بس أهم نقطة لازم تتفق معاه من البداية على المبلغ أو النسبة أو مش هدفع خالص وخد من المشترى
والأحسن من ده كله أنك تنزل إعلان فى الوسيط ومنك للمشترى مباشرة بدون سماسرة
وربنا يوفقك