المشاركة الأصلية كتبت بواسطة نور القمر
بما ان في ناس سهرانين لوحدهم تلاجتهم فاضية اوجعانين ومحدش ناوي اكلهم ولا بيعرفوا يعملوا حاجة او عاملين رجيم المهم بقى ندخل في المفيد بالصور لزيادة تأجيج مشاعر الجوع والحرمان
طريقة كريم كراميل
انا بريح نفسي واعمل في قالب كبير او صينية بدل القوالب الصغيرة
بحط حوالي 5 معالق سكر في القالب على نار هادية لحد ما يسيح واحرك القالب في جميع الاتجاهات والسكر سخن عشان يغطي كل الجوانب
بعدين حوالي نص كيلو حليب او كيلو الا ربع مع 3 4 بيضات و3 فانيليا و7 معالق سكر واضربهم بالخلاط او مضرب يدوي
اصبهم في القالب وادخلهم الفرن من تلت ل نص ساعة مع تغطية القالب بفويل عشان وشه ميتحرقش
واشوف كدة لو مسك نفسه وجمد يبقى استى ساعها ممكن اخليه دقيقتين ياخد وش
صينية البطاطا بالفرن
بسلق حوالي 2 كيلو بطاطا عادي
بقشرهم
بضيف عليهم 2 كوب حليب +بيضتين مضروبين +فانيليا +كوب ونص سكر او حسب الرغبة انا عن نفسي بدوق لحد ما احس انها مظبوطة
كمان بضيف جوز هند واي مكسرات عندك لو في (انا معنديش غير جوز الهند)
كمان ضيف معلقتين سمن بلدي او زبدة
اهرس الكل
ادهن الصينية سمن وضيف الخلطة السابقة
ودخلها فن سخن من تحت لحد ما الجوانب تظهر انها احمرت
افتح الشواية شوية عشان تاخد وش
وكل بالهنا والشفا