وانا اعرف ازاى انت شرطه ولا حرامى ؟؟

**AhMeD MeTwAlY** · 19-10-2011 01:26 AM

ههههههههه ههههههههه
انا من يوم لما طلعت الرخصه محدش سألني عليه غير امين شرطه واقف في لجنه وقولت انا اتمسكت رادار واداني الرخص وانا راجع بردو قولت اكيد مشيو اشد شوية وببص لقيته قدامي وبرضو نفس الامين قالي الرخص قولتله اتفضل قالي فنوس الاشاره مشروخ ليه قولتله وهو بيركب اتعمل قالي اركن قولتله طويب بكل برود روحت للظابط بيكلم الامين بيقوله في ايه قاله فنوس مكسور قولتله فنوس الاشاره في شرخ قالي فنوس ده ولي مش فنوس سكت وكان شكلي بايخ والامين بيبصلي بكل فرح قولت انا غلطان يا ولاد التيت جه الظابط بنفسه بص علي العربيه بيقولي العربيه هتروح فحص المهم رجعت معاه امين تاني بيقوله نمشيها حزام يا باشا ويدفع 50 جنيه قولت طيب ممكن لحظه خلي مع الرخص معاكم ثواني وجي وكلمت ابن عمي قالي 10 دقائق واكون عندك قولتله طيب
كلمت خالي قالي خليك في عربيتك مش تكلم حد وانا هتصرف كلم المرور الي تبعه اللجنه وبعدها بـ5 دقائق لقيت الامين جي وفي ايده الرخصه اتفضل يا باشا بصيت ليه من فوق لتحت ورميت الرخصه علي الكرسي الي جمبي ومشيت قابلت نفس الامين في المدينه الي عايش وكان معايا ابن عمي مستشار قولتله متيجي ننزل للامين ده اصله اداني مخلفه قبل كده قالي تعالي نزلنا مسك الامين ادله كلمتين ومن بعدها العربيه اتعرفت مفيش مخلفات عليه نهائي بس اقسم بالله العربيه ما فيها شئ مخالف وبمشي باحترامي وبحترم الناس جدا وعمي وما عطلت طريق

**magyver** · 19-10-2011 05:00 AM

دة اميين تييييييييييييييييت وابن تييييييييييييت كمااااااااااان
فانوس اشاارة اية اللي يدخل عربية فحص بسببة انت بتهزر يااجدع
ههههههههههههههه

**Dr_Mido** · 19-10-2011 08:52 AM

عملتها مع كمين مباحث فى اسكندريه بعد الثورة بشهر واقفين الساعه 3 الفجر عند الحى وبيقلى رخصك وانت ماشى بالليل ليه قلته قبل رخصى مين انتو بقى اصلا قلى مباحث مش شايف البوكس قلتله كارنيهك قلى بطاقتك قلتله انا على وشك اكسر الكمين او اضرب اللى هيقرب من العربيه بالنار لو مشتفتش مايثبت انك مباحث طلع الكارنيه بكل ادب وشفته ووريته الرخصه والبطاقه والحياة عادى ولو شفتى وزير الداخليه مدنى بيقلك رخصك قليله بطاقتك لو زود كلمه كمان على صوتك انت بس والشعب هيتولى عمليه معرفه اذا كان ظابط ولا حرامى متشغليش بالك انتى ههههههههههههه

**Seifmando** · 19-10-2011 09:13 AM

حتى لو ورانى الكارنيه
انا معرفش شكله المفروض يبقى ازاي
بيتهيألى انا فى الحالة دي ممكن اطلب الكارنيه والبطاقة

**شاهين - بنز** · 19-10-2011 09:53 AM

الكمين ده كان في شارع إحسان عبدالقدوس قبل ماتطلعي على صلاح سالم صح؟

**MaNoLa** · 19-10-2011 11:06 AM

طيب دى قصتى بقى و الموضوع دة بيحصل مع البنات دايما
http://www.nilemotors.net/Nile/249998-a.html

لأ على فكرة الرخصه ولا أتسحبت منى ولا دفعتها فى مكانى هوا إلى حصل بالظبط أننا كنت ماشيه وموتوسيكل مرور كدة لقيته بيقولى أقفى على جمب روحت واقفة عادى و فتحت الأزاز كله بقولة نعم قالى دى عربيتك قولتلة أة قالى طيب أنزلى كلمينى قولتلة ليه مانا بكلمك من هنا قالى أنا عايزك تنزلى تكلمينى عشان أفهم أية إلى عاملاة فيها دة قولتلة عاملة أية يعنى أنا مش فاهمه حاجة قالى ماشيه بسرعة و كدة مخالفة سرعة و الفاميه يبقى كدة عندك مخالفتين قولتلة طيب ماشى مفيش ورق أو أى حاجة هاخدها عشان المخالفات دى عشان مش عارفة المفروض بيحصل أية لما باخد مخالفات يعنى عايزة أفهم قالى لأ تنزلى تكلمينى زى مابكلمك كدة و بيزعئلى روحت قولتلة حضرتك مينفعش تكلمنى بصوت عالى يا تفهمنى أية المطلوب منى دلوقتى بهدوء يا أما أنا همشى قالى أنزلى و أنا مش هكلمك بصوت عالى فحسيت أنه فيه حاجة غلط يعنى روحت قافلة الأزاز و مشيت بسرعة تانى بس لما كلمت أبن عمى فى الموضوع دة قالى أنه ممكن يكون حرامى أساسا ماهو مش كل واحد لابس بدله ولا راكب موتوسيكل مرور يبقى صح

............................
اللون الاحمر مخصص للمداخلات الاداريه والاشرافيه فقط

1.05ص
21/10/2011

مشرف 14 ب

**eldell** · 19-10-2011 02:00 PM

المشاركة الأصلية كتبت بواسطة manola

طيب دى قصتى بقى و الموضوع دة بيحصل مع البنات دايما
http://www.nilemotors.net/nile/249998-a.html

لأ على فكرة الرخصه ولا أتسحبت منى ولا دفعتها فى مكانى هوا إلى حصل بالظبط أننا كنت ماشيه وموتوسيكل مرور كدة لقيته بيقولى أقفى على جمب روحت واقفة عادى و فتحت الأزاز كله بقولة نعم قالى دى عربيتك قولتلة أة قالى طيب أنزلى كلمينى قولتلة ليه مانا بكلمك من هنا قالى أنا عايزك تنزلى تكلمينى عشان أفهم أية إلى عاملاة فيها دة قولتلة عاملة أية يعنى أنا مش فاهمه حاجة قالى ماشيه بسرعة و كدة مخالفة سرعة و الفاميه يبقى كدة عندك مخالفتين قولتلة طيب ماشى مفيش ورق أو أى حاجة هاخدها عشان المخالفات دى عشان مش عارفة المفروض بيحصل أية لما باخد مخالفات يعنى عايزة أفهم قالى لأ تنزلى تكلمينى زى مابكلمك كدة و بيزعئلى روحت قولتلة حضرتك مينفعش تكلمنى بصوت عالى يا تفهمنى أية المطلوب منى دلوقتى بهدوء يا أما أنا همشى قالى أنزلى و أنا مش هكلمك بصوت عالى فحسيت أنه فيه حاجة غلط يعنى روحت قافلة الأزاز و مشيت بسرعة تانى بس لما كلمت أبن عمى فى الموضوع دة قالى أنه ممكن يكون حرامى أساسا ماهو مش كل واحد لابس بدله ولا راكب موتوسيكل مرور يبقى صح

صح فعلا الى انتى عملتيه انك مشيتى ومش نزلتى وياريت لو حد اتعرض لحاجه زى ديه مش ينزل خالص وينفضله خالص ولو على المخالفه هتتكتب على الرخصه

**elbeheri** · 19-10-2011 03:52 PM

حاول تقرا كتاب " عشان ماتنضربش على قفاك " لعمر عفيفى بيعرفك حقوقك وكيفية التعامل مع الباشوات "اقصد رجال الشرطة"

**SASA3** · 19-10-2011 04:11 PM

المشاركة الأصلية كتبت بواسطة elbeheri

حاول تقرا كتاب " عشان ماتنضربش على قفاك " لعمر عفيفى بيعرفك حقوقك وكيفية التعامل مع الباشوات "اقصد رجال الشرطة"

مع احترامى ليك بس عمر عفيفى ده كروووومبة و فشار و .....

فيه كتاب بيتوزع ببلاش فى المراكز و الاقسام اسمه كتاب الحقوق و كتاب تانى اسمه الواجبات
مش عفيفى

**Ahmed Nasser** · 19-10-2011 04:35 PM

الاكرنية ده انتى تطلبيه و حتى لو هو فى كمين متنقل

الموضوع: وانا اعرف ازاى انت شرطه ولا حرامى ؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

عاوز اعرف وانا واقف وضغط على دواسة البزين الى الاخر الrpmالمفروض يجيب معايا كام

ازاى امنع الرائحه وانا مشغل التكييف

ازاى اعرف ان ال abs شغال ؟

ازاى اعرف ال cdx من ال cd ??

ازاى اعرف ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة