مشكلة صديق فى فورد مونديو

**Ayman-Ahmed** · 20-10-2011 12:46 AM

المشاركة الأصلية كتبت بواسطة mido51eg

في انتظار ردك.

اسف على التاخير فى الرد وبالنسبة للميكانيكى اللى بيتعامل معاه اسمه احمد فرج فى جسر السويس وقاله لان الوش اتقشط مرتين فقفع ومش هينفع تانى.

المشاركة الأصلية كتبت بواسطة egytamer

حضرتك في حلين الاول انو يودي وش المتور للخراط وهوا هيظبطو.
الحل الثاني انو يجيب الوش نفسو استيراد لان سعات في مواتير استيراد بيكون فيها مشكلة فبتتفك وتتباع حتت حصلت معايا لما غيرت متور الاسكورت بعد مركب مرضاش يشتغل.

ما هو دايخ على حاجة زى كدة والا هيضطر يشترى بلوكة كاملة.

**mido51eg** · 20-10-2011 01:38 AM

انا عارف احمد فرج. هو ميكانيكي كويس انما انا مش مقتنع بيه الحقيقة. معلوماته اخرها الأسكورت 1300. روح لسيد خليل (مركز الأخوة) في شارع ترعة الجبل جنب محطة مترو حلمية الزيتون. ان شاء الله هتلاقي عنده الخلاصة. ده كان مدير الورشة في التوكيل ايام رجب وحافظ الفورد وهيقول لك اذا كان ينفع الوش يتقشط واذا كان هيتغير هو عارف يجيبه منين.
ده رقم تليفونه :
01003717717
ملحوظة : مواعيد ورشته من 7 صباحا لـ 6 مساءا

**Ayman-Ahmed** · 20-10-2011 02:03 AM

المشاركة الأصلية كتبت بواسطة mido51eg

انا عارف احمد فرج. هو ميكانيكي كويس انما انا مش مقتنع بيه الحقيقة. معلوماته اخرها الأسكورت 1300. روح لسيد خليل (مركز الأخوة) في شارع ترعة الجبل جنب محطة مترو حلمية الزيتون. ان شاء الله هتلاقي عنده الخلاصة. ده كان مدير الورشة في التوكيل ايام رجب وحافظ الفورد وهيقول لك اذا كان ينفع الوش يتقشط واذا كان هيتغير هو عارف يجيبه منين.
ده رقم تليفونه :
01003717717
ملحوظة : مواعيد ورشته من 7 صباحا لـ 6 مساءا

مشكور جداااااا أ.محمد ولو كدة هاقوله بكرة بامر الله يروحله او يكلمه ويقوله يعمل ايه.

**MohamedSotohy** · 20-10-2011 04:02 AM

باشا صاحب المشكله انا لسه شايفه دلوقتي
كلمني وان شاء الله تتحل

**Ayman-Ahmed** · 20-10-2011 09:01 AM

المشاركة الأصلية كتبت بواسطة mohamedsotohy

باشا صاحب المشكله انا لسه شايفه دلوقتي
كلمني وان شاء الله تتحل

مشكور استاذ محمد واقدر اوصل للنمرة ازاى؟هل استنى حضرتك تبعتها على الخاص ؟

**aYaBooY** · 20-10-2011 06:09 PM

معلش انت بتقول مونديو 2000 الموتور الاسود
انت تقصد زم في الموتور ولا تقصد انه راكب فيها الموتور ذو لون اسود شبه الي بينزل في الفوكاس موديلات 2000 الي هو الجيل الي بعد الزيتيك ؟؟

**Ayman-Ahmed** · 20-10-2011 08:10 PM

المشاركة الأصلية كتبت بواسطة ayabooy

معلش انت بتقول مونديو 2000 الموتور الاسود
انت تقصد زم في الموتور ولا تقصد انه راكب فيها الموتور ذو لون اسود شبه الي بينزل في الفوكاس موديلات 2000 الي هو الجيل الي بعد الزيتيك ؟؟

هو انا مش هقدر اقول التفاصيل بالصراحة لانها مش عربيتى.

ولكن اللى فهمته منه انها موتور اسود نازل فيها ولا مش ذم فيها طبعا لاننى معرفش حاجة عن الفورد غير الفورد الاكسبلورر وده لاننى ركبتها برا مصر.

**aYaBooY** · 21-10-2011 12:45 AM

طيب انت كدة قدام مشكلة ان العربية ديه غالبا داخلة مصر عن طريق الجمارك الي بالنظام الفردي مش عن طريق الوكيل او بطريقة منظمة
و بما ان الوش اتعمل اكتر من مرة انت قدام حلين
اولا تشوف وش استيراد
طيب ده مش موجود
لو مش موجود في القاهرة يبقي مش موجود في بورسعيد لانهم نفس الناس فاتحين هنا و هناك
ممكن تشوف خراط وش محترم يجرب يعمل ليه سبيكة مع ان الموضوع ده صعب شوية او تشوف حد من الناس الي كانت شغالة فورد بره مصر اكيد يعرفوا يجيبوا موتور مخصوص ليه او على الاقل وش
او تشوف الموتور ده نزل في عربيات تانية ايه يعني مثلا الاسكورت زيتيك 1600 نفس موتور المونديو 1600 زيتيك و موتور الكا و الفيستا برده واحد فاكيد الموتور ده مشترك مع موديل تاني فورد عموما مش بينزلوا موديلات مواتير كتير بس هنا اعتقد انك هاتحتاج صنيعي عارف شوية