السلام عليكم ورحمة الله وبركاته
كنت محتاج رايكم او العلاج فين لمشكلة صديق دايخ بعربيته.
فورد مونديو موديل 2000 الموتور الاسود.
اجمع كذا ميكانيكى ان وش السلندر خلاص قفع ولازم واحد غيره.يعمل ايه بقى يروح فين او يدور فين؟
مشكورين
عرض للطباعة
السلام عليكم ورحمة الله وبركاته
كنت محتاج رايكم او العلاج فين لمشكلة صديق دايخ بعربيته.
فورد مونديو موديل 2000 الموتور الاسود.
اجمع كذا ميكانيكى ان وش السلندر خلاص قفع ولازم واحد غيره.يعمل ايه بقى يروح فين او يدور فين؟
مشكورين
الكذا ميكانيكي دول متخصصين فورد؟ اذا كانوا متخصصين فورد يبقى الكلام سليم ، اما اذا كانوا صنايعية عاديين يبقى لازم يروح لميكانيكي فورد يقول له على الخلاصة. ويقولوله يجيب وش السلندر منين او اذا كان ينفع الوش بتاعة يتقشط عند الخراط.
برضه استنى لما مهندس محمد سطوحي يشوف الموضوع ويقولك رأيه لأنه معاه فورد مونديو وان شاء الله يفيدك اكتر.
مشكور على ردك :
وكلهم ميكانيكية فورد فعلا وقالوا كمان ان الوش اتعمل قبل كدة فمينفعش تانى وعاوز واحد جديد.وحاولوا يدوروا على وش استعمال خارج وملقوش لان اللى بيبع هيبيع موتور كامل.
ممكن تقولي هو راح عند مين من ميكانيكية الفورد؟ لو ينفع تتصل بيه وتسأله دلوقتي. والمفروض هما بيبقوا عارفين اجزاء الموتور تتجاب منين . فيه ناس في الحرفيين والوكالة والأسماعيلية وطنطا.
بحاول اوصله استاذ محمد ومبيردش فمش عارف بيصلى العصر ولا مشغول فى الشغل.
طيب لما اوصله اقوله ايه ؟
اه وعلى فكرة قالوا يبص بصة فى بورسعيد.
مشكور استاذ محمد وهنقله القائمة وربنا يسهل الامور.
جازاك الله خيرا ولو عرفت منه العربية عند مين حاليا هقول هنا.
في انتظار ردك.
حضرتك في حلين الاول انو يودي وش المتور للخراط وهوا هيظبطو.
الحل الثاني انو يجيب الوش نفسو استيراد لان سعات في مواتير استيراد بيكون فيها مشكلة فبتتفك وتتباع حتت حصلت معايا لما غيرت متور الاسكورت بعد مركب مرضاش يشتغل.
انا عارف احمد فرج. هو ميكانيكي كويس انما انا مش مقتنع بيه الحقيقة. معلوماته اخرها الأسكورت 1300. روح لسيد خليل (مركز الأخوة) في شارع ترعة الجبل جنب محطة مترو حلمية الزيتون. ان شاء الله هتلاقي عنده الخلاصة. ده كان مدير الورشة في التوكيل ايام رجب وحافظ الفورد وهيقول لك اذا كان ينفع الوش يتقشط واذا كان هيتغير هو عارف يجيبه منين.
ده رقم تليفونه :
01003717717
ملحوظة : مواعيد ورشته من 7 صباحا لـ 6 مساءا
باشا صاحب المشكله انا لسه شايفه دلوقتي
كلمني وان شاء الله تتحل
معلش انت بتقول مونديو 2000 الموتور الاسود
انت تقصد زم في الموتور ولا تقصد انه راكب فيها الموتور ذو لون اسود شبه الي بينزل في الفوكاس موديلات 2000 الي هو الجيل الي بعد الزيتيك ؟؟
طيب انت كدة قدام مشكلة ان العربية ديه غالبا داخلة مصر عن طريق الجمارك الي بالنظام الفردي مش عن طريق الوكيل او بطريقة منظمة
و بما ان الوش اتعمل اكتر من مرة انت قدام حلين
اولا تشوف وش استيراد
طيب ده مش موجود
لو مش موجود في القاهرة يبقي مش موجود في بورسعيد لانهم نفس الناس فاتحين هنا و هناك
ممكن تشوف خراط وش محترم يجرب يعمل ليه سبيكة مع ان الموضوع ده صعب شوية او تشوف حد من الناس الي كانت شغالة فورد بره مصر اكيد يعرفوا يجيبوا موتور مخصوص ليه او على الاقل وش
او تشوف الموتور ده نزل في عربيات تانية ايه يعني مثلا الاسكورت زيتيك 1600 نفس موتور المونديو 1600 زيتيك و موتور الكا و الفيستا برده واحد فاكيد الموتور ده مشترك مع موديل تاني فورد عموما مش بينزلوا موديلات مواتير كتير بس هنا اعتقد انك هاتحتاج صنيعي عارف شوية