الموضوع: هو ممكن الرد على البارد ما يعملش عضعضه فى الصاج

المشاركة الأصلية كتبت بواسطة alrazy

السلام عليكم

امبارح عملت حادثه ,,,,,,,,,, كنت فى الحارة الشمال ..... عربية نقل " وراى " ماشيه على اليمين " حسبى الله " حاول يدخل ال u turn اللى على شمالى من قدامى و انا ماشى ....... زود هو بنزين جامد و كسر على جامد و كمان فرمل فى اول الملف ,,,,, وقف خالص قدامى كان بينى و بينه اقل من نص متر لما وقف ,,,,, كان واقف بزاويه ,,,,,,,,,,,,,,,,,,,,,,,,,,, و لبست فيه .... الخسائر الرفرف اتطبق و الباب اليمين ما كانش بيفتح الا بالعافيه ..... و الفانوس اليمين فارق عن الاكصدام

المصيبه انه نزل يزعق ..... بس فى واحد كان واقف قالى سيبه .... مش هتاخد منه حاجه و خصوصا ان الباب الشمال بتاعه اتبهدل برضه

من الاخر .... رحت لواحد عدل الرفرف بس فيه عضعضه و ما عملش بقية الحاجات .... السؤال هو ممكن الرد على البارد ما يعملش عضعضه فى الصاج ؟ و لا لازم ما تبقاش مضبوطه و تبان انها اتردت

ياريت لو حد يعرف حد كويس و ياريت لو فى بنها يعدل الدنيا ابقى متشكر جدا

حسبى الله و نعم الوكيل و الحمد لله رب العالمين انها جت سليمه و ما حدش اتأذى .... لله الحمد

والله في برضه شخصية لطيفة عمل معايا فصل مشابه و نزل يزعق برضه... المشكلة أنه اللي بينزل يزعق و غضبان قوي بيبقى غلطان وعارف أنه غلطان بس بيقول في نفسه خدوهم بالصوت ليغلبوكوا...
وفي الآخر لا بتاخد منه لا حق ولا باطل ودايما حتلاقي حد من الشارع ييجي ويحاميلوا و يقول أنه هو اللي معاه الحق...

بس يا سيدي ألف سلامة و ربنا يجعلها مكفرة للذنوب و رفع للدرجات إن شاء الله...